1 sny gerookte varknek of Kassler per persoon 

1 dik skyf vars lemoen (sny ongeveer 5 mm ronde skywe)

Sosatiestokkies 

Willow Creek Blood Orange olyfolie 

(kyk by jou slagter vir so iets) of maak self: 

1 Varkfilet, druk 'n lekker groot gat deur die middel met 'n mes 

Stop met 'n mengsel van bloukaas en swart kersies of bosbessies (cranberries) of soet kersies 

Streepspek om die filet mee toe te draai

Afgekoelde, effens stywe, maar steeds baie sagte (wanneer warm)  mieliepap 

Dadels, ontpit en geweek in brandewyn 

Kruiesout 

1 eier 

Broodkrummels 

Olie vir diepbraai 

Goudakaas-blokkies vir elke poffertjie 

1 groot gerookte kalkoenboud 

1 houertjie eendvet of uitgebraaide varkvet (suet) 

1 goeie gehalte Franse brood of Ciabatta in skywe gesny, liggies gerooster in olyfoliepan 

Vars druiwekorrels 

1 Chorizo-worsie, in dobbelsteentjies gesny 

1 ui, gekap 

1 blikkie Bosbessiesous (Cranberry jelly) 

(alternatief 1 blikkie ontpitte swart kersies) 

25 ml brandewyn (gebruik sommer dié waarin jy die dadels geweek het) 

100 ml wit wyn 

250 ml First Choice room 

Plaas 'n lemoenskyf bo-op elke stuk gesnyde gerookte varknek en ryg 'n stokkie só deur dat dit mooi saam vasgeheg is aan die stokkie. Smeer albei kante met die gegeurde olyfolie of gewone olyfolie. 

Braai in 'n riffelpan eers op die vleiskant vir so 5 minute en draai dan op die lemoenkant sodat die lemoen mooi braaistrepies wys. Koel af en hou eenkant tot bediening. 

Plaas saam met 'n klein bietjie water en olyfolie op die kant waar jou spekstukkies bymekaarkom. Bedek met foelie en oondbraai vir 20 minute teen 180 grade Celcius, verwyder foelie en braai verder bruin onder die rooster. Koel af voor jy dit in skywe sny. 

Kook die Kalkoen sag in 'n drukkoker. Verwyder uit die kookvloeistof. Koel af en verwyder alle bene en veerpenne. Trek die vleis baie fyn en meng met 'n hele houer eendvet. Plaas in 'n mooi potjie en verkoel in die yskas sodat jy 'n lekker smeerbare patee het. Bedien saam met jou geroosterde broodskyfies en vars druiwekorrels. 

Braai die Chorizo en uie saam. Voeg die brandewyn en room saam met die bosbessiejellie of gedreineerde swart kersies by. Laat effens opkook en roer dan die room deur. Toets vir smaak en voeg sout en peper by soos verkies. 

Neem genoeg pap in jou handpalm om ongeveer gholfballetjie grootte bolletjies te kan vorm. Rol dit toe rondom 'n halwe dadel. Geur die broodkrummels met die kruiesout. Doop elke bolletjie in geklitste eier en rol in broodkrummels. Braai in warm olie net goudbruin. Steek 'n mooi houtstokkie of vurkie met 'n kaasblokkie in elke poffertjie. 

Ek hou van die Chippolata sous saam met die poffertjies en ook by elke sny van die gestopte filet. 

4 Riboog Steaks, ongeveer 200 g elk

Willow Creek Director's Reserve Olyfolie vir braai 

Murgbene vir elke gas, opsioneel

1 rooi en 1 geel tamatie, ontpit en dobbelsteentjies gesny

2 E Kappertjiesade

6 groen olywe, ontpit 

6 swart olywe, ontpit

4 ansjovisfilette

Handvol Vars kruie soos tiemie, basiliekruid, oreganum, pietersielie 

3 -  4 jong Aartappeltjies per persoon 

2 groterige swart sampioene, fyngekap

200 ml room

15 ml Willow Creek Truffelgeur olyfolie 

Sout en peper, eksotiese sampioentjies vir mooimaak

Botter vir braai

Olie jou Murgbene, strooi sout en peper oor, 15 minute voor jy hulle gaan braai. Braai Murgbene gaar in 'n matig tot warm Steakpan. 

Olie jou Steaks en braai in dieselfde warm ysterpan bruin alkant en laat rus onder foelie. 

Maak die groensous (Salsa verde) deur al die bestanddele fyn te kap,  meng liggies en giet 'n bietjie olyfolie oor. Indien dit nie sout genoeg smaak vanweë die soutgehalte in die kappertjies en ansjovis nie,  sit sout en peper na smaak by. 

Kook Aartappeltjies sag, ongeskil - dis gesonder - in gesoute water. Braai die gekapte sampioene vinnig in botter in 'n pan en sit die Aartappeltjies by. Skud die pan en giet room oor. Laat effens indamp sodat 'n lekker sous om die aartappels vorm. Giet 15 ml Willow Creek Truffelgeur-olyfolie oor net voor bediening. Garneer met die mooi klein eksotiese sampioene en sout en swartpeper by opdiening. 

Braai die Steaks weer in die warm pan, tot die gaarheid wat jou gaste verkies. Warm die Murgbene ook op. Bedien nou vir elk 'n Steak met van die olyfsalsa op, 'n murgbeen en heerlike sampioen-aartappels. 

125 g sagte botter 

175 g witsuiker 

125 g kakaopoeier 

1 x 80 g Albany donkersjokolade, in blokkies gebreek en grof gekap 

125 ml (halfkoppie) amandelmeel 

3 eiers 

5 ml goeie vanieljegeursel, verkieslik vanieljepasta of saadjies van 1 peul 

1 x 80 g blok Albany donkersjokolade 

50 ml room 

Soutpêrels of growwe soutvlokke soos Maldons sout 

1 eierwit 

100 g strooisuiker 

Knippie sout 

Vars room (as jy langlewe room gebruik, moet dit yskoud wees anders klop dit nie styf nie.) 

Vars kersies 

150 g witsuiker 

Vars bloubessies en braambessies 

Goue eetbare koekversierpoeier 

1 sakkie Vanilla Mokkageur rooibostee 

80 ml Kirsch of kersielikeur 

Begin deur die sagte botter, suiker, kakaopoeier en eiers saam te verroom. Roer die amandelmeel en gekapte sjokolade deur. Verdeel die mengsel in 4 individuele losboom-bakpannetjies wat goed gesmeer of bespuit is. Jy kan hulle ook uitvoer met bakpapier en die bakpapier ook spuit as jy so verkies. 

Bak by 180 grade net 15 tot 20 minute, dit moet nog lekker sag wees wanneer jy hulle uit die oond haal. Dit is baie soos 'n sjokoladebruintjie. 

Klits die eierwit saam met die knippie sout, skuimerig maar nog nie styf nie. (hou die geel vir jou ganache eenkant). Voeg die strooisuiker in vier dele by en klits elke keer net nog 'n bietjie totdat jy 'n mooi blink en gladde stywe meringue-mengsel het. Sit dit in 'n spuitsak sonder 'n tuitjie en maak op 'n bakplaat wat met bakpapier gevoer is, 6 ronde, plat skuimpies en 6 stammetjies deur jou hand net effens opwaarts te trek soos wat jy spuit. Bak by 150 grade Celcius vir 35 minute en skakel die oond af sodat hulle in die oond afkoel en uitdroog. Plak aanmekaar met 'n klein smeerseltjie gesmelte sjokolade wat jy vir die ganache gaan gebruik. 

Smelt donkersjokolade oor warm water in 'n glasbak en gebruik eers bietjie om jou skuimpies aanmekaar te plak. Skep 'n bietjie sjokolade in 'n sterk plastieksakkie soos 'n ziplock sakkie en knip 'n punt een kant oop. Teken boompies op bakpapier en versier met Soutpêrels of selfs mooi koekversier balletjies. 

Meng nou die res van die gesmelte sjokolade en die eiergeel saam met die 50 ml room en roer glad tot 'n ganache. 

Smelt suiker baie stadig in 'n pan en doop kersies in die sagte loperige karamel. Drup goed af en laat hard word op 'n gesmeerde bord. Versier met goue poeierkleursel. 

Klop jou room  styf (versoet of onversoet, opsioneel) 

Versier elke koekie met ganache, 'n boompie, 'n sampioen meringue, bessies en die goue kersies,  asook room en ganache. 

Trek die tee en verdeel in 4 bekertjies. Sit die Kirsch daarby en laat elke gas oor sy koekie giet soos hulle daarvan hou of nie. 

Goeie gehalte varkworsies 

Broodkrummels 

Vars kersies, ontpit of pruimedante,  ontpit 

Willow Creek Jalapeño-geur olyfolie 

Sagte avokado, fyngedruk 

Sout en peper 

15 ml suurlemoensap 

15 ml Willow Creek Suurlemoengeurolyfolie 

2 tot drie jong aartappels per persoon, sag maar nog ferm, ongeskil, gekook en in kwarte gesny 

80 g botter 

30 ml suurlemoensap 

15 ml rooipeper 

15 ml Willow Creek knoffelgeur-olyfolie of 15 ml fyngekapte vars knoffel 

5 ml Sriracha-sous per persoon of enige rissiesous van jou keuse 

(te kry by winkels wat laboratoriumware aan skole verskaf) 

25 ml Carel Nel 5 jaar Reserwe Brandewyn 

25 ml Rose's Lemon Cordial of Rose's Lime Cordial 

200 ml Gemmerlimonade 

Vars suurlemoene vir die sny van lang skilspirale 

Genoeg ysblokkies om elke glas heeltemal te vul met ys 

Vars kersies, sambreeltjie en strooitjies 

Strooisuiker as garnering vir glasrand 

Druk die vleis uit die Worsies en raak ontslae van die velletjies (maak dit vir jou troeteldiere gaar). Druk 'n klein bietjie vleis in jou handpalm, druk dan 'n kersie of 'n Pruimedant in die holte van die vleis en bedek dit met nog 'n stukkie van die worsvleis. Rol dit goed in 'n bolletjie, ongeveer gholfbalgrootte. Rol die bolletjie in Broodkrummels en rangskik in 'n oondpan. 

Giet 'n bietjie Jalapeño-olie oor en bak die frikkadelletjies mooi bruin en gaar vir ongeveer 25 minute in 'n warm (200 grade Celcius) oond. 

By bediening, trek 5 ml Sriracha-sous in die plastiekpipet op en druk dit versigtig in 'n frikkadelletjie soos 'n sosatiestokkie. Meng die bestanddele vir die Guacamole en bedien die frikkadelletjies bo-op dit in 'n mooi opdienbakkie. 

Braai die aartappelwiggies in die botter, suurlemoensap en rooipeper tot goudbruin en bros. Bedien in bakkies saam met die frikkadelletjies met 'n mooi houtvurkie daarby. 

Gooi 'n klein bietjie van die suurlemoenstroop in 'n piering en ook 'n klompie strooisuiker in 'n ander piering. Doop elke glas se rand in die stroop. Drup goed af en wag so 30 sekondes voordat jy dit in die suiker druk. Laat staan die glase totdat jy dit nodig het. Sny lang dunnerige spirale van jou suurlemoene vir later se gebruik en laat dit in 'n glas koue water staan. Versier jou sambreeltjiestokkie met 'n kersie aan die punt en laat dit eenkant wag. Net voor bediening, vul elke glas heeltemal met ysblokkies. Dit moenie gebreekte ys wees nie. Begin deur eerste die brandewyn oor die ys te giet, dan die suurlemoen- of lemmetjiestroop, en vul dan elke glas met Gemmerlimonade. Garneer met die suurlemoenskilspiraal en die sambreeltjie. 

Nota: Laat bloot die Brandewyn weg vir 'n Alkoholvrye  weergawe van hierdie verfrissende partytjiegenot. 

1 blik swart bone, gedreineer en ten minste een maal goed afgespoel 

(black haricot beans) te kry by groentewinkels wat spesialiseer in Portugese ware 

1 Chorizo-worsie, in dobbelsteentjies gesny, ongeveer die grootte van die bone 

1 ui, gekap 

1 klein geel en 1 klein rooi soetrissie, in dobbelsteentjies gesny 

Willow Creek Director's Reserve Olyfolie vir braai 

Klein bietjie ekstra Willow Creek Jalapeño geur olyfolie 

Opsioneel: Vars rissie 

1 tot 2 hoendervlerkies per persoon 

200 ml Portugese marinade van jou keuse of maak jou eie: 

                          50 ml suurlemoensap 

                          50 ml Witwynasyn 

                          50 ml witwyn 

                          10 ml fyn knoffel 

                          15 ml braaispesery 

                          15 ml rissiepoeier of rooipeper 

                          30 ml olyfolie           

Meng goed saam met 'n stokmenger. 

Marineer hoendervlerkies vir 15 minute en bak dan in warm oond vir 20- 30 minute tot bros en goudbruin.

Braai die Chorizo en uie saam in die gewone olyfolie. Voeg die gedreineerde bone en soetrissie by en roer goed deur. Geur met sout en peper asook die Jalapeño olie. 

Bedien in 'n mooi bakkie met die vlerkies bo-op, saam met 'n vurkie en 'n klam servet vir elke gas of 'n vingerwasbakkie. 

2 k Wonderboontjies (Lupins) in soutwater, gedreineer

100 ml Willow Creek Cabernet Sauvignon Balsemiek asyn

15 ml Willow Creek knoffel gegeurde olyfolie 

15 ml Willow Creek suurlemoengeur olyfolie 

1 bossie vars kruisementblare

1 ryp,  maar ferm lospit perske

1 bossie vars groen aspersies

Willow Creek Gerookte olywe

Willow Creek Roosmaryn geur olywe

150 g gerookte varknek of Pancetta, in dobbelsteentjies gesny en liggies bros gebraai (hou omtrent 2 eetlepels van die vet om met die marinade te  meng as slaaisous) 

Plaas die gedreineerde bone in 'n glasbak,  sprinkel goed met sout en giet die asyn en geurolie daaroor. Laat staan om te marineer op kamertemperatuur vir omgee veer  15 minute. 

Skil jou aspersies liggies en sny die punte netjies. Blansjeer hulle in kokende soutwater vir 2 minute en verfris Hu, le onmiddellik I  koue water. Sny die perske in mooi skywe of in  dobbelsteentjies op. Snipper die kruisementblare. Ontpit die olywe (gebruik 2 tot 3 van elke geur per persoon) en halveer dit. Rangskik nou elke bord met elk van die bestanddele,  met die bone as basis. Wanneer die marinade in die bakkie oorbly nadat jy die bone uitgeskep en verdeel het,  klits die geurige vet van die gebraaide spek daarby in en gebruik dit as slaaisous. 

1.1 kg was-aartappels (kyk vir “waxy potatoes” of “mondial’ soort) 

135 g mielieblom

10 ml sout

1 pakkie klein portabellini sampioene

1 pakkie Shimeiji sampioene (jy kan gewone bruin en wit sampioene ook gebruik) 

3 salieblare

80g botter 300ml Willow Creek Truffelgeur olyfolie 

100 ml First Choice langlewe room

2ml fyn neutmuskaat

Parmesaankaas of Peccorino kaas vir bo-oor rasper

Skil die aartappels en kook heel tot goed sag. Dreineer en maak hulle baie droog. Verpulp terwyl hulle nog goed warm is met 'n voedselverwerker of stokmenger. Anders kan jy dit fyn druk en deur 'n sif vryf. Dis egter beter met 'n verwerker want dit verkry die taai 'gommerige' tekstuur. Sprinkel 'n bietjie mielieblom op 'n skoon, droë werksoppervlak en keer die aartappelmoes daarop uit. Sprinkel nou die geweegde mielieblom oor die aartappelmoes en knie tot 'n lekker werkbare deeg. Jy kan 'n bietjie meer mielieblom bysit as dit lyk of dit nodig is. Rol bolletjies so groot soos okkerneute en plaas in die yskas vir ten minste 20 tot 30 minute. Kook die Gnocchi in sagkokende gesoute water totdat hulle boontoe kom vir ongeveer 6 minute. Maak intussen die sous deur die sampioene in botter te braai saam  met die gekapte salieblare, sout en peper na smaak en die Neutmuskaat. Voeg 'n klein bietjie van die water waarin die Gnocchi gekook is by en roer die room deur. Rooster die tamaties met genoeg sout en peper na smaak met van die Willow Creek Truffelgeur olyfolie totdat hulle oopbars. 

1 blikkie kondensmelk

1 blikkie ingedampte melk

250 ml First Choice klaargemaakte vanieljevla

250 ml First Choice langlewe room

80 ml Willow Creek Directors Reserve Ekstra Suiwer Olyfolie 

Saadjies van 1 Vanieljepeul (hou die peul) 

5 ml Vanielje-essens

2 ml sout

500 ml goeie Pinotage rooiwyn 

200 ml suiker

15 ml vars gerasperde swartpeper 

150 ml bessiekonfyt van jou keuse

500 ml rooiwyn 

100 ml water

150 ml suiker

2 ml sout

1 kaneelstokkie 

1 uitgetrapte vanieljepeul

1 takkie vars tiemie

4 ferm,  dog sagte ryp pere  afgeskil

1 pakkie skilferdeeg,  yskoud maar nie meer gevries nie

1 eier

Witsuiker

Meng die bestanddele vir die olyfolieroomys baie goed saam. Klits dit vir ten minste 3 minute goed. Gooi in 'n vriesbare houer en plaas in jou vrieskas. 

Meng al die bestanddele met 'n stokmenger goed saam. Kook oor hoë hitte totdat dit met ongeveer 'n kwart ingedamp het, met ander woorde, daar is 'n driekwart oor. Koel dit heeltemal af en plaas in die  vrieskas in 'n vriesbare houer soos 'n ou roomysbak. Oor die volgende 8 ure moet jy dit elke 4 ure met jou stokmenger opbreek en fyn maak en weer vries. 

Skil die pere af en meng al die bestanddele vir die posjeervloeistof. Kook die pere vir 15 minute en verwyder hulle uit die vloeistof. Kook die vloeistof verder af tot stroop. Wanneer die pere heeltemal afgekoel is (wenk: jy kan hul selfs yskaskoud laat word), verhit die oond tot 180 grade Celcius. Sny die skilferdeeg in 8 mm repies en draai elke peer in sirkels daarmee van onder na bo. Vorm 'n blaar vir elk met van die oorblywende deeg. Klits die eier met 'n vurk. Verf elkeen met eier en plak die blaartjie bo-aan vas, verf dit ook met eier. Sprinkel goed met die Witsuiker en plaas op 'n gesmeerde bakplaat. Bak vir 15 tot 20 minute totdat die deeg gaar en goudbruin is. 

As versiering kan jy jong peertjies in suikerkaramel doop soos toffie-appels en hulle met eetbare goudpoeier sprinkel. Dis 'n pragtige Kersfeesnagereg. Bedien saam met 'n skeppie van elk van die Olyfolieroomys en Pinotage-sorbet. 

4 mooi dik lamstjops van jou keuse 

Willow Creek knoffel gegeurde olyfolie 

Vars roosmaryn

Sout en peper

4 vetstertjies (nota: daar is vetstertjies en lamstertjies, die een het baie vet en ander bietjie meer vleiserig. Hierdie is vetstertjies) 

Sout

200 ml vars melk

1 koppie lensies

1 takkie vars roosmaryn

200 ml rooiwyn

100 ml water

10 ml Sout 

150 ml Pinotage wyn

3 jenewer bessies,  gekneus

3 kruienaeltjies

15 ml suiker

5 ml sout

50 ml koue botter in blokkies gesny 

Vars groente wat goed panbraai soos jong murgpampoentjies, patty pans of jong lemoen pampoentjies,  wortelstokkies

Kook die lensies sonder sout in die wyn en water gemeng saam met die roosmaryntakkie totdat hulle sag maar nog 'n stewige 'byt' het. Sit dan die sout by en roer 'n klein bietjie knoffelgeur olyfolie in. Hou warm.

Plaas die vetstertjies in 'n swaarboompan saam met die melk en sout hulle goed. Kook dit af totdat die melk weggekook is en die vet begin uitbraai. Braai hulle dan verder tot bros en bruin in 'n matige warm oond. 

Braai die tjops in 'n bietjie van Willow Creek se knoffelgeur olyfolie saam met 'n bietjie Directors Réserve olie tot hulle mooi bruin en medium gaar is. Sprinkel met gekapte roosmaryn, sout en peper. Hou eenkant warm. 

Braai vinnig jou groente bruin maar nog ferm in die pansappe. Hou eenkant warm. Gebruik dieselfde pan en kook die Pinotage-sous met al die bestanddele, behalwe die botter tot ongeveer met die helfte gereduseer. Giet af deur 'n siffie om van die bessies en naeltjies ontslae te raak. Roer dan die koue botterblokkies deur.  

Bedien die tjops en stertjies mooi opgestapel bo-op die rooiwynlensies met die groente rondom en skep laastens die heerlike Pinotage-sous oor. 

4 Hoenderfilette, oopgevlek en effens met vleishamer gekap

1 eier

150 g koekmeel

200 g fyn, droë broodkrummels

Sout en peper

1 koppie Pinotage

1 takkie roosmaryn

1 t sout

2 t suiker

100 g sagte botter

3 E fyngemaakte droë Porcini-sampioene

100 g sagte botter

10 ml Willow Creek truffelgeur olyfolie

Botter en olyfolie vir panbraai

Kook die Pinotage saam met die roosmaryn, sout en suiker af tot stroperig. Meng dit met die botter tot goed gemeng en donkerpienk. Draai dit in foelie of kleefplastiek in 'n worsievorm en plaas in die yskas.

Meng die sampioenpoeier, truffelgeur-olie en sagte botter tot glad en maak soos met die rooiwynbotter 'n worsie en plaas in yskas.

Doop elke hoenderfilet eers in meel waarin jy die sout en peper gemeng het. Doop dan in die geklitste eier en doop dan in die krummels tot dit goed bedek is. Verhit botter en olyfolie in 'n pan tot matig warm en braai die schnitzels stadig bruin en gaar. Plaas vir 'n klein rukkie in 'n matige oond terwyl jy jou opskepborde regkry en jou botters uit die plastiek loswikkel om in wiggies te sny om op elke schnitzel  te plaas. 

Geniet saam met mosterdgegeurde aartappels, kapok of 'n heerlike bros slaai met bessies.

2 klein goed gevormde bros blaarslaaikoppe, elk gehalveer

Alternatiewelik een groot slaaikop, in kwarte gedeel 

Een hele wiggie bloukaas

150 ml room

50 ml wit asyn of suurlemoensap

1 volstruisfilet om en by 500 g

Willow Creek Jalapeño geur olyfolie 

10 ml Braaispeserye 

10 ml fyn Kaneel

Vanieljesaadjies van 'n halwe peul

Waatlemoen in  dobbelsteentjies gesny

Jy kan ook nektarienskyfies of vars vye effens karameliseer 

Vryf die volstruisfilet goed met die Jalapeño-olie, speserye en vanieljesaadjies. Braai liggaar en goed verbruin in 'n warm pan en laat rus die vleis. Verpulp die kaas, room en asyn saam tot 'n lekker dik slaaisous en giet bo-oor die Kropslaai. Indien die sous baie dik is, kan jy dit effens met koue water verdun. Dit gaan van jou roomgehalte afhang, maar jy wil 'n lekker dik, loperige sous hê. Sny die vleis in flentertjies en rangskik rondom die slaai saam met die vrugte. Bedien saam met 'n  heerlike effens verkoelde Pinotage. 

4 Gerookte Kassler tjops

1 k sterk swart koffie

1 t braaispeserye 

50 ml heuning/ ruinsuiker vir later

1 brooddeeg

First Choice Baby Gouda blokkies, ongeveer 3 per askoek

1 houertjie bessies van jou keuse

1 tot 2 ryp pruime in blokkies gesny

1 of twee dadels (opsioneel) 

100 ml bruinsuiker

100 ml water (of witwyn) 

2 eetlepels botter 

2 groen appels in stokkies (julienne) gesny, ongeskil

1 klein uitjie, baie dun ringetjies gesny

1 kappertjieblaar

2 komkommerkruidblare (gebruik jong blaartjies) 

Eetbare blomme (opsioneel) 

4 salieblaartjies

Spatsel Willow Creek Cabernet Sauvignon Balsamiese asyn

15 ml Willow Creek suurlemoen of Persian Lime gegeurde olyfolie

Meng die koffie en speserye goed saam en laat die tjops daarin lê vir 'n uur of meer. Wanneer jy gereed is vir braai, haal die tjops uit die marinade en braai net vinnig bruin en redelik ferm maar nie uitgedroog nie. Hou die marinade. Meng die suiker of heuning daarmee en verf die vleis daarmee vir die laaste paar minute onder die rooster of oor die kole. 

Maak die bessie compote:

Meng al die bestanddele, behalwe die botter in 'n braaipan en laat vinnig indamp. Verwyder van die hitte wanneer jou vloeistof effens stroperig begin lyk. Verwyder van die hitte en roer die botter deur. 

Vorm askoeke deur 4 bolletjies deeg af te knyp en 'n redelik dun ronde skyf te vorm met elkeen. Skep 'n lepeltjie Compote bo-op die 4 skywe en sit die blokkies kaas by. Vorm vir elk 'n dekseltjie op dieselfde manier en knyp die kante goed toe. Verf met olyfolie aan die buitekant as jy dit in 'n knyprooster gaan doen, andersins, sprinkel die askoeke goed met droë koekmeel. Sit in 'n toeknyprooster of direk in matige kole en braai goed bruin en totdat jy hoor hulle klink hol as jy aan hulle tik. 

Meng al die bestanddele vir die appelslaai redelik vinnig nadat jy die appel gesny het sodat die asyn die verbruiningsfase van die appel kan keer. 

Bedien alles mooi saam gerangskik op borde. Gebruik van die oorblywende Compote as sous oor die vleis! 

8 ryspapier lenterolletjie velle (droog) nb: nie ryspapier nie dit is spesifiek “spring roll rice paper”

Eetbare blommetjies

Grasuie

Rooi Paprika of soetrissie, in repies gesny

Rysnoedels

Jong groente of repies Gesnyde wortel, Komkommer, radys

Pienk piekelgemmer

Sjinese Oestersous - in 'n spuitbottel oorgegooi

50 ml sojasous

50 ml rysasyn

20 ml sesamolie

100 ml grondboontjiebotter

Klein bietjie water 

5 tot 10 ml suiker (opsioneel) 

20 ml Willow Creek Persian Lime Olie om werksoppervlak te smeer

Kry al jou groente gereed en maak 'n groot pan vol met sterk warm maar, nie kokend. Maak die sous deur al die bestanddele goed te meng tot 'n gladde sous. Week die noedels in kokende water tot sag (geen sout). Week die ryspapier een vir een in die pan met warm water totdat dit net net sag en hanteerbaar is. Werk versigtig en lê die velletjie op jou gesmeerde oppervlak oop. Pak eerste die blommetjies gesig na onder op die velletjie en los weerskante plek oop vir die oorvou . Plaas dan 'n klompie rysnoedels daarop en laastens die res van elke groentesoort wat jy gebruik sowel as die pienk gemmer. Rol versigtig toe en plaas eenkant totdat jy almal klaar het. Versier jou bord met die grondboontjiebottersous en druppels Oestersous en rangskik die rolletjies en ekstra blommetjies en groente daarop. Let op ek gebruik geen sout in die rolletjies self nie.  Die sous bevat baie sout vanweë die Sojasous. 

4 Engelvis of Geelstertfilette, effens gesout. 

Botter vir braai

Olyfolie

2 E mosterd (enige soort van jou keuse,  Engelse Mosterd is sterker as Dijon Mosterd) 

200 ml  witwyn

250 ml room

4 Aartappels in dun skywe gesny (geskil of ongeskil,  jou keuse) 

100 ml Willow Creek Jalapeño geur olyfolie 

50 ml botter

Braai die visfilette in mediumhitte bruin aan albei kante. Indien die vis nog vel aan het, braai eers die vleiskant en draai dan om na velkant. Haal uit die pan en hou warm in 'n geskikte bak met foelie oor.  Die sap wat vergader sal in jou sous ingaan, of oor die vis geskep word so moenie dit laat verlore gaan nie. 

In dieselfde pan waarin  jy die vis gebraai het, maak jy die mosterdsous deur die wyn in te gooi, te laat opkook en dan die mosterd daarmee te meng. Laastens voeg jy die room by en laat effens afkook totdat die sous aan 'n lepel vasklou. Toets vir sout en sit by indien nodig. 

Gebruik vir die aartappels 'n pan met 'n deksel. Smelt die botter en Jalapeño olie saam. Olie die Gesnyde aartappels liggies voordat jy dit dan in  lae pak in die pan met die botter- en oliemengsel. Plaas op matige hitte met die deksel op. Skud nou en dan net liggies. Stowe tot sag en gaar. 

Bedien die vis bo op die aartappels, met die mosterdsous mildelik bo-oor geskep en garneer met mikrokruie as slaai.  

Maak jou gunsteling beesstertbredie of volg Yonder Hill se resep hieronder en ontbeen dan al die vleis. 

400 g gewone koekmeel of witbroodmeel 

4 ekstra groot eiers 

1 ekstra eier vir toeplak van ravioli

Bietjie ekstra koekmeel vir sprinkel op jou werksblad 

Groot kastrol met sag kokende, gesoute water 

100 g botter 

5 groterige salieblaartjies 

‘First Choice Baby Gouda’ met Grasuigeur 

Plaas die meel en vier eiers in jou voedselverwerker en pols totdat dit growwe deegkrummels vorm. Gooi die krummels uit op jou besprinkelde werksblad  en knie aanmekaar.  Begin die deeg op die dikste stelling van jou pastamasjien deurrol.  Rol twee maal op elke stelling.  Hou so aan totdat jy ‘n gladde elastiese vel pasta kan vorm.  Gebruik ‘n drukker van ongeveer 8-10 cm en druk sirkels uit. Paar die sirkels twee twee in rytjies en plaas op een sirkel ‘n hopie ontbeende vleis en verf die ander sirkel goed met eier. Plaas nou die geverfde  sirkel met eierkant na binne,  oor die vleishopie en begin vanaf die vleiskant die lug versigtig kante toe uitdruk en seël die sirkel goed. Vorm al die raviolis en plaas hulle versigtig in die kastrol kokende water. Hulle behoort gaar te wees binne 4 minute. 

Gebruik die beesstertbrediesous en sit bietjie room by as jy wil. Braai die botter saggies tot goudbruin en snipper die salieblare daarin. Bedien saam met die beesstertbrediesous bo oor die ravioli en rasper laastens ‘n bietjie kaas oor. 

2.5 kg beesstert

500 ml Yonder Hill Inanda

3 groot rooiuie, fyn gekap 

2 stingels preie, gekerf 

3 stingels seldery, gekerf 

3 groot wortels, gekerf 

80 ml olyfolie 

5 pepperkorrels 

4 naeltjies 

2 lourierblare 

8 knipsels vars tiemie 

1 k meel 

1 opgehoopte t fyn koljander 

1 opgehoopde t fyn gemmer of 1.5 cm vars gemmer gerasper 

2 blokkies hoenderaftreksel opgelos in 5 koppies water 

Sout en peper na smaak 

Verhit oond tot 180 grade Celsius. 

Braai uie, seldery, preie en wortel in olyfolie tot glasig en skep uit op bord. Terwyl die groente braai, maak ‘n mengsel van meel en fyn speserye in ‘n plastiese houer met deksel. Plaas die vleis in die houer, seël dit en skud goed totdat die meelmengsel dit volledig bedek. Braai die beesstert in olyfolie tot bruin. Skep die groente en vleis afwisselend in ‘n oondbak. Voeg die wyn, hoenderaftreksel, speserye en kruie by. Plaas die bak in voorafverhitte oond teen 180 grade Celcius vir 1 uur. Verminder die oondhitte na 150 grade Celcius en bak stadig vir ‘n verdere 4-5 uur. 

Laat afkoel en skep enige vet af. Verhit die volgende dag deeglik en voeg pietersielie by. Bedien saam met rys of polenta. 

1 x klein lamsboudjie, ontbeen en gevlek

Mengsel van gemaalde komyn en koljander, sout en swartpeper 

Willow Creek Jalapeño geurolie of Persian Lime geurolie 

3 E appelkooskonfyt 

1 E Masala poeier 

1 t van jou koljander en komynmengsel 

Knippie fyn kaneel 

100 ml First Choice langleweroom 

100 ml water 

Sny met 'n groenteskiller linte van komkommer, wortels en murgpampoentjies 

Vars appelliefies is opsioneel 

1 k goeie asyn of Willow Creek Cabernet Sauvignon balsamiese asyn 

2 E suiker 

1 t sout 

Vryf die vleis met  die speserye en verhit 'n goeie braaipan. Gooi die geurolie in die pan en plaas die vleis versigtig bo-op. Braai die vleis eers goed bruin aan die een kant voordat jy dit omdraai. Plaas in 'n oondbak en laat rus in 'n louwarm oond onder foelie. 

Verhit die asyn, sout en suiker saam tot kookpunt en sit die groente by. Skakel af die hitte en verwyder van die plaat. Laat die groentelinte daarin afkoel. 

Maak die kerriesous in die pan waarin jy die vleis gebraai het deur al die bestanddele behalwe die room te verhit en die room deur te roer net as die mengsel goed warm is. Skakel dan af en maak net net warm voor jy opdien.  

+- 400 g skoongemaakte Bief Filet 

Willow Creek Parmesaangeur olyfolie of  Basiliegeur olyfolie 

Willow Creek Jalapeño geur olyfolie 

Gemaalde swartpeper en sout 

2 k koekmeel 

Ongeveer 1 k sterk louwarm water 

Fyngemaakte sagte avokado, gegeur met sout en 'n klein bietjie suurlemoensap 

Suurroom gemaak met 250 ml First Choice langlewe room en 50 ml Willow Creek Balsamiese asyn asook 'n knippie sout 

Shimeiji sampioentjies, liggies in botter gebraai 

Heel Parmesaankaas om dun skaafsels bo oor te sprinkel 

Spuit die stuk vleis mildelik in met Parmesaangeur olie op verskillende plekke. Vryf die vleis goed in met van die Jalapeño olie en sout en peper. Braai die vleis goed bruin in 'n rookwarm steakpan. Dit moet nog byna heeltemal rou binne bly. Draai die stuk vleis toe in kleefplastiek en plaas in 'n bakkie in die yskas om te rus en styf te word. (Daar sal vleissap uitloop, daarom moet jy dit in 'n bord of bakkie neersit). 

Meng genoeg sterk louwarm water met die meel en sout en knie n sagte deeg. Rol die deeg met jou hande in n lang wors van ongeveer 5cm in deursnee. Bestrooi jou werksblad goed met ekstra koekmeel. 

Verhit n nie-kleef pan goed warm. Sny ronde medaje stukkies van ogeveer 2mm dik van die deegworsie af. Verf een liggies met olyfolie en plaas n ander medalje ongeolie op die geoliede een.  Druk dit goed aanmekaar vas en vorm n dun ronde skyf. Jy kan dit ook n bietjie uitrol met n koekroller. 

Berei n klompie voor en hou dit klam onder n lig-klam vadoek. Braai die pannekoekies aan beide kante goudbruin en blaserig. Koel effens af en trek die twee uitmekaar. Braai die wit kant van elkeen vir n paar sekondes in die pan net bruin. Hou eenkant. 

Maak vir elke gas 'n bord deur die pannekoekies saam met skyfies van die geroosterde filet so dun as moontlik gesny daarby,  saam met die avokadopeer en suurroom op borde te rangskik.  Garneer met sampioentjies en Parmesaanskaafsels,  sprinkel out en swartpeper. 

1 L First Choice Vailieljegeur Velvet nagereg 

1 k pitlose rosyntjies of koekmengsel vrugte 

150 ml Rum + 50ml ekstra 

1 L First Choice sjokolade geur Velver nagereg 

1 houertjie First Choice aangemaakte jellie in n geur van jou keuse 

Vars bessies 

Maraschino no kersies vir garnering 

Wafer beskuitjies vir garnering 

Sprinkels vir garnering 

Verkil al die bestanddele oornag of langer. 

Week die rosyntjies in die 150ml rum. Klits die Vanieljegeur Velvet tot mooi pofferig en meng dan die geweekte vrugte asook die rum goed deur die opgeklitste poeding. Skep in 'n vriesbare houer en plaas in jou vrieskas. 

Week jou vars bessies (soos bloubessies,  appeliefies en / of vars aarbeie,  deurgseny)  in die ekstra rum. 

Klits die sjokoladegeur Velvet so styf as moontlik. Jy kan ook Aarbeigeur of die Karamelgeur Velvet gebruik. Begin die Nickerbocker Glory  in glase in lae te skep met jellie gemasereerde vars vrugte, opgeklitste First Choice Velvet en eindig laastens met mooi skeppe van jou Rum en Rosyntjie roomys. Rond af met sprinkels, maraschino kersie en deurgesnyde wafer koekie. 

Sit 'n strooitjie en 'n langsteel roomyslepeltjie by. 

Voorverhit die oond tot sy hoogste bakstelling, 220-240 grade Celcius. Kry vir jou 'n geperforeerde pizzapan en sprinkel dit met koekmeel. Die koekmeel sal bietjie brand en die pizza daardie outentieke houtoondsmaak gee. Indien jy nie die effek wil he nie, kan jy die pan net goed smeer met olyfolie. 

1 supermark brooddeeg (soms genoem vetkoekdeeg)

(of maak jou eie gunsteling pizzadeegresep aan) 

1 groot koevertjie tamatiepasta

100 ml Willow Creek Ekstra suiwer olyfolie

2 E Willow Creek Olyftapenade met Ansjovis

1 E Basiliekruidpesto

1 E suiker

100 g goeie kwaliteit mozzarellakaas, gerasper

100 g First Choice Cheddar, gerasper

Roketblare

Vars kersietamaties

Repies gerookte Forel

150 ml First Choice langleweroom

25 ml Willow Creek Cabernet Sauvignon Balsamiese asyn 

Klein lamsvleisfrikkadelletjies 

(gemaak deur lamsmaalvleis te geur met speserye en dan klein okkerneutgrootte frikkadelletjies te rol en gaar te bak in die oond. My speserykeuse is 'n Marokkaanse mengsel van komyn, kaneel en fyn koljandersaad, sout en peper) 

Fyngesnyde rooi uieringe

Granaatpitte

Fyngerasperde First Choice gegeurde Baby Gouda, my keuse was die rissiegeur, maar jy kan ewe goed die Swartpeper of Grasuigeur ook gebruik. 

Besprinkel 'n gemaklike groot area van jou werksoppervlak met koekmeel. Sprinkel ook 'n bietjie koekmeel oor jou koekroller en vryf dit rondom. Rol jou pizzadeeg so dun as wat jy verkies. Onthou,  om die deeg rond te hou, draai na elke rol die deeg 'n kwart na regs. Hoe dunner jy uitrol, hoe brosser sal jou pizzakors wees. Voer jou pan met die deeg. Indien nodig, moet jy die deeg 'n bietjie strek met die hand. Bak die kors vir 'n paar minute tot halfgaar.

Kook intussen jou tamatie smeerbasis deur al die bestanddele saam in 'n klein kastrolletjie te verhit totdat dit goed gemeng het. Jy kan dit net so 5 minute oor matige hitte verhit en goed meng met 'n ballonklitser (whisk).

Haal die halfgaargebakte kors uit die oond. Indien hy baie oogeblaas het, moenie skrik nie, dit sak weer mooi terug wanneer jy die bestanddele bo-op sit. Smeer mildelik met die tamatiesmeer. Sprinkel die mozzarella en cheddar oor. Bak die pizza nou verder vir ongeveer 10 minute. 

Verwyder uit die oond en pak jou keuse van bolaag op die warm pizza byvoorbeeld die roketblare, forelstukkies en gesnyde kersietamaties saam met die aangemaakte suurroom of roketblare, lamsvleisfrikkadelletjies, stukkies rooi ui en granaatpitte. 

Sprinkel laastens met die fyngerasperde Baby Gouda. Indien jy nie die Baby Gouda gebruik nie,  kan jy Parmesaankaas of baie sterk beleë Cheddar daarvoor gebruik. 

4 x Lamsvleis kruisskywe (of dik tjoppies) 

Willow Creek Olyfolie en 'n klein bietjie botter vir braai

Sout en peper

4 groot beetknolle, in 3 mm skywe gesny

15 ml Willow Creek suurlemoengeur-olyfolie en 45 ml botter

sout en peper

125 ml Willow Creek Cabernet Sauvignon Balsamiese asyn / witdruiwe-asyn

125 ml Suiker

3 E (45 ml) fyngekapte vars kruisement of 1 teelepel (5 ml) droë kruisement

6 groterige vars kersies, van die pit afgesny in klein dobbelsteentjies 

Knippie sout

Smeer doe vleis goed met die olyfolie. Verhit 'n goeie swaarboompan tot baie warm. Plaas die vleis versigtig in die pan en moenie omdraai totdat dit vanself loskom nie. Sit die botter by. Geur met sout en peper. Braai net alkante mooi bruin en plaas in 'n lou oond om te rus. 

Verhit  die asyn en suiker tot kookpunt en reduseer tot 'n ligte stroop. Verwyder van die hitte en roer die kruisement en kersies deur. 

Braai die beetskywe in die botter en geurolie met 'n klein bietjie sout totdat hulle mooi gekarameliseer en sag, maar steeds ferm is. 

Bedien die vleis bo-op die beetskywe met die sous apart vir elke gas in 'n mooi houertjie om self na smaak by te sit. 

Vars oreganumblaartjies en ander kruie soos roosmaryn en tiemie, liggies bo-oor gesprinkel vir ekstra geur en garnering