By continuing, you are agreeing to our Terms and conditions as well as our Use of Cookies.

Koedoefilet met pruimedantsous en Tabouleh

Koedoefilet met pruimedantsous en Tabouleh

Bestanddele:
500 g koedoe- of ander wildsvleisfilet
2 ml elk fyn kaneel, naeltjies en komyn, gemeng
1 t sout
3 E First Choice olyfolie 
2 E First Choice botter 

Sous:
250 ml Pruimedant-sap (Prune Juice)
1 t Melasse
1 ontpitte dadel, fyn gekap
100 ml Pinotage of ander rooiwyn 
1 knippie van die speserymengsel 
1 E koue botterblokkies 

Tabouleh:
1 K Bulgur-koring
2 t sout
2 K kookwater
1 ferm ryp tamatie, ontpit en in fyn blokkies gesny 
½ Engelse komkommer, in fyn blokkies gesny
1 groot handvol vars kruisement
1 groot handvol fyn pietersielie 
3 groen lente-uie
3 heel dadels, ontpit en fyn gesny.
1 suurlemoen
½ K First Choice olyfolie 

Metode:
Vryf die vleis goed in met die sout en spesery-mengsel. 

Week die koring in kookwater. 

Verhit 'n swaarboompan tot goed warm en verhit die olie en botter saam tot borrel-warm. Braai die vleis bruin en liggaar. Hou die vleis in 'n bakkie sodat die vleissappe vergader.

Maak die sous in die pan waarin die vleis gebraai is. Giet die wyn, sap, melasse en speserye bymekaar en laat indamp tot 'n dikkerige stroop. Verwyder van die hitte en roer die koue botterblokkies deur. Moenie weer verhit nie.

Kap al die kruie baie fyn. Sprinkel die komkommer en tamatiesukkies met sout en laat vir 'n rukkie staan. Laat die sappe so uitkom en druk dit effens droog. Meng nou die koring met al die groente en gesnyde dadels.

Rangskik die Tabouleh op 4 borde, sny die vleis in repe en rangskik dit daarop. Rond af met die Pruimedantsous.Koedoefilet met Pruimedantsous en Tabouleh.

Hoenderborsie in Amasi met Amasibrood-croutons en Joghurt-slaaisous

Hoenderborsie in Amasi met Amasibrood-croutons en Joghurt-slaaisous

Bestanddele:
2 tot 4 hoenderbors-filette
250 ml First Choice Amasi
5 ml vinkelsaadjies, gekneus
5 ml komynsaad, gekneus
5 ml groenpeperkorrels, gekneus
5 ml sout
Vars gerasperde borriewortel (1 cm stukkie) of 5 ml borriepoeier
5 ml gerasperde suurlemoenskil 
150 ml druiwepit- of sonneblomolie
50 ml First Choice botter 
1 pakkie (100 g) geurige slaaiblaarmengsel
1 pakkie jong ertjies, gesnipper


Broodjie:
500 g bruismeel
450 ml First Choice Amasi 
50 ml Appel-en spinasiesap “gesondheid-shot”
(alternatief slegs 500 ml Amasi)
5 ml sout

Slaaisous:
100 ml First Choice Dubbeldik-joghurt 
50 ml droë witwyn of witwyn-asyn
1 E kappertjiesaad, gedreineer en gekap
2 E gekapte vars vinkel
Sout en peper

Metode:
Meng die Amasi met die gekneusde speserye, borriewortel, suurlemoenskil en sout. Sny die hoenderborsies in die lengte middeldeur. Laat lê die vleis vir ten minste een uur in die Amasi-marinade. Verhit die olie en botter stadig tot matig-warm. Laat drup die marinade goed af maar moenie dit heeltemal afvee nie. Laat die hoenderborsies stadig in die oliemengsel gaar word tot goudbruin. Laat rus op kombuispapier. Skep stukkies uit die olie maar hou die olie vir die croutons.

Broodjie en croutons:
Voeg sout by die bruismeel en meng dit. Meng die Amasi en sap en roer dit by die bruismeel tot 'n sagte dik beslag. Gooi uit op 'n meelbestrooide bakplaat en bak vir 35 minute by 190 grade Celsius.Laat afkoel en sny dik skywe (ongeveer 2 cm) waarvan jy dan blokkies van 2 cm sny. Verhit die oliemengsel weer en braai die croutons bros en goudbruin. Laat afdrup op kombuispapier.

Slaaisous:
Meng die joghurt en wyn met die res van die bestanddele en hou gereed. 

Berei 4 mooi slaaibordjies voor met die slaaiblaartjies en gesnyde ertjies. Sny die hoenderborsies in skywe en rangskik dit op die slaai. Sprinkel croutons rondom en drup die joghurt-slaaisous oor.

Geroosterde Forel-pakkies met Bessies en Geklopte Groenpeperkorrel Feta-room

Geroosterde Forel-pakkies met Bessies en Geklopte Groenpeperkorrel Feta-room

Bestanddele:
2 heel liggerookte Forel-filette
2 E First Choice botter
1 pakkie soet aarbeie, goed gewas en in dun skyfies gesny
8 skyfies suurlemoen
4 E granaatpitte 
4 E bloubessies
1 E gemaalde groenpeperkorrels
2 wieletjies First Choice kruiegeur Fetakaas
200 ml First Choice room 
5 ml gemaalde groenpeperkorrels
1E sagte groenpeperkorrels, gekneus
1 t aarbeikonfyt
½ K Jakkalsvlei La Perlé Rose
½ t sout

Metode:
Verdeel die forelfilette elk in 2 stukke. Verbruin die vis baie vinnig aan die vleiskant met bietjie botter in 'n warn pan. Berei 4 stukkies bakpapier voor van ongeveer 20 cm x 25 cm en plaas 'n stukkie vis met die velkant na onder op elkeen. Sprinkel die visstukke met peper en rangskik 2 suurlemoenskyfies en aarbeiskyfies in 'n ry op elkeen. Vou die linker- en regterkant van elke stukkie papier oor die vis en bring die ander 2 kante op en vou toe met 'n netjiese dubbel-soom. Plaas die vispakkies met die soomkante na onder op 'n bakplaat en rooster vinnig op 'n warm vuur of in die oond op 200 grade C vir 5 minute.

Verroom die Fetakaas en room, saam met 1 E gemaalde swartpeper en roer, wanneer die mengsel glad is, die gekneusde sagte groenpeperkorrels daarby in. 

Gebruik die oorblywende gesnyde aarbeie en kook dit vinnig af saam met die wyn en die aarbeikonfyt. Geur met sout en 'n knippie gemaalde groenpeper.

Bedien die feta-room op slaaiblare. Trek die vispakkies mooi oop en skep 'n bietjie aarbei- compote bo-op elk. Sprinkel die bloubessies en granaatpitte bo-oor. 

Bedruip die feta-room laastens met 'n klein druppeltjie Balsemiekstroop.

Geroosterde vars Tuna met Bruinrys en Sjokolade-rissiessous

Geroosterde vars Tuna met Bruinrys en Sjokolade-rissiessous

Bestanddele:
350 g vars Tuna, so dik as moontlik gesny
Gemaalde swartpeper 
Olyfolie
1 K bruin Basmati-rys
100 g okkerneute, gekap
1 trossie wit pitlose druiwe

Sous:
1 mediumgrootte ui, fyn gekap
1 toontjie knoffel, gekneus en fyn gekap
1 klein soetrissie, geskroei of gedroog, fyn gekap
50 g First Choice botter
125 g donker sjokolade
1 potjie groenteaftreksel-jellie
100 ml rooiwyn

Garnering:
Balsemiekpêrels 

Metode:
Warm 'n swaarboompan of steakpan goed op. Smeer die heel tuna met olyfolie en vryf dit alkante goed in met swartpeper. Braai die tuna op elke kant goed bruin en hou dit eenkant.
Smelt die botter net so in die pan waarin die vis gebraai is en soteer die ui en knoffel daarin.
Voeg soveel rissie na smaak by. Smelt die gebreekte sjokolade stadig hierby in en roer goed. Roer die aftrekseljellie by en laastens die rooiwyn. Hou die sous net warm en moenie weer laat kook nie.

Gebruik 'n mediumgrootte kastrol en voeg die Basmati-rys by 4 koppies louwarm water. Bring tot 'n vinnige kook en sodra dit kook, kyk na die tyd. Na 12 minute, giet die meeste van die water af.  Voeg 5 ml sout by en skud die kastrol logies. Plaas 'n skoon doek oor die rys en bedek met 'n deksel. Laat stoom gaar op die laagste hitte.

Sny die tuna versigtig in 2 mm dik skywe. Skep 'n porsie rys op elke bord en sprinkel met die okkerneute. Rangskik tuna-skywe op elk. Skep sjokolade-rissiessous rondom en sprinkel gekapte of gesnyde druiwe oor die sous. 

Garneer die tuna skywe met balsemiek -pêrels 

Kaassouflé met Bloukaas en Bessiesous

Bestanddele:
⅓ K First Choice botter 
½ K koekmeel
1 ½ K melk
1 K gerasperde First Choice Mature Cheddar
6 eiers, geskei
Sout
1 klein houertjie bessies (Frambose of Bloubessies)
3 E suiker (opsioneel)
⅓ K rooiwyn
50 ml Balsemiekasyn 
1 wiggie Bloukaas 
Jong slaaiblaartjies
Growwe brood-vingers (Opsioneel)

Metode:
Smelt die botter in 'n mediumgrootte kastrol oor matige hitte. Roer die koekmeel vinnig daarby tot 'n pasta. Voeg die melk bietjie vir bietjie by en roer elke keer weer glad. Voeg al die kaas gelyk by en roer glad. Laat afkoel tot hand-warm en roer die eiergele by. 

Klits die eierwitte in 'n baie skoon bak met 'n skoon ballonklitser tot baie styf en droog. 

Berei 6 soufflé-bakkies voor deur dit te smeer. Verhit jou oond tot 190 grade Celsius. Skep die soufflé-mengsel sorgvuldig in elke bakkie en maak die binnekand bolangs baie skoon. Bak die soufflé vir 8-10 minute en bedien onmiddellik saam met die bessiesous, slaaiblaartjies en bloukaas-krummels.

Bessiesous:
Plaas die Bessies en rooiwyn in 'n pan sonder deksel. Indien jou bessies suur is, kan jy die suiker bysit. Kook vinnig af sonder 'n deksel tot effens stroperig. 

Rooibok Carpaccio met Kappertjieroom en Stokkietjips

Rooibok Carpaccio met Kappertjieroom en Stokkietjips

Bestanddele:
400 g skoongemaakte Rooibokfilet (beesfilet werk ook goed)
1 E Steak & Chops speserye 
1 t gemaalde swartpeper
Olyfolie
2 E kappertjiesaad 
2 E wit asyn
200 ml First Choice room 
3 mediumgrootte aartappels
Kookolie vir braai
Sout en 1 takkie roosmaryn 
4 Klein kropslaai-‘bakkies’
6 wit sampioene
Radyse
First Choice beleë wit Cheddarkaas 

Metode:
Maak die vleis droog en rol dit al kante goed in die speserye en peper. Verhit 'n steakpan tot goed warm, braai die vleis bruin rondom. Laat dit eers seël voor jy dit begin omdraai. Hou die vleis heeltemal ‘rare’ aan die binnekant. Laat die vleis afkoel en draai toe in kleefplastiek.
Laat heeltemal afkoel in die yskas.

Maak die Kappertjieroom deur die room, kappertjiesade en asyn saam te blits met 'n stokmenger.

Sny dun kort tjippies van die aartappels en braai bros in warm diep olie. Laat die olie afdrup.

Plaas roosmarynblaartjies en sout in jou voedselverwerker en blits fyn. Sprinkel oor die tjippies.

Sny die vleis in 3 mm skywe en draai elk toe in kleefplastiek sodat daar genoeg plastiek na die kante oor is vir die vleis om na uit te sprei. Timmer elke stukkie afsonderlik liggies met 'n vleishamertjie in die plastiek. Verwyder die plastiek en rangskik op borde.

Skep die Kappertjieroom in die blaarslaai ‘bakkies’. Plaas dit in die middel van die vleis.
Rangskik die tjippies, dun skyfies radyse en sampioene en kaasskaafsels rondom.

Lam-lendetjops met Roketbotter, Balsemiek-suurroom en Sesam-aartappels

Lam-lendetjops met Roketbotter, Balsemiek-suurroom en Sesam-aartappels

Bestanddele:
8 Lam-lendetjops
Sout, swartpeper en tiemieblaartjies 
1 houertjie roketblare
2 E kookwater
80 g sagte First Choice botter 
200 ml First Choice room 
45 ml Balsemiekasyn 
4 mediumgrootte rooiskil-aartappels
4 E wit sesamsaadjies
50 g First Choice botter 

Metode:
Maak die roketbotter deur die kookwater in 'n diep houer te plaas, die roketblare en die botter daarby in te sit en dan fyn te maak met 'n stokmenger. Rol dit in 'n wors-vorm in plastiek of foelie en laat stol in die yskas.

Geur die vleis met sout, peper en tiemieblaartjies. Braai die tjops bruin en laat rus onder foelie.

Was die aartappels goed en sny dit ongeskil in 2-3 mm skywe. Smelt die botter en sesamsaad saam oor matige hitte en braai die aartappelskywe stadig tot sag en goudbruin. Geur goed met sout en peper.

Maak die suurroom deur net die room en balsemiekasyn goed saam te roer. 

Bedien die roketbotter in skyfies op die warm tjops en die suurroom saam met die aartappels daarby. 

Varkfilet met Spesery-pruimkonfyt en Botterbeet

Varkfilet met Spesery-pruimkonfyt en Botterbeet

Bestanddele:
800 g vark filet, in medaljes van 2,5 cm gedeel
Olyfolie
First Choice botter 
Sout en varsgemaalde swartpeper
6 ryp pruime, 4 in dobbelsteentjies gesny en 2 in wiggies
1/2 K suiker
2 ml vinkelsaad ( fennel seed)gekneus 
2 ml kaneel
2 ml gemaalde naeltjies
2 ml neutmuskaat 
5 ml vanielje
100 ml Shiraz
4 rou heel beet, in skywe gesny
50 ml First Choice botter 
1 pakkie fyn beetstokkies
50 ml Franse slaaisous 

Metode:
Begin met die pruimkonfyt deur die speserye net effens te skroei. Voeg dan die pruim-dobbelsteentjies by. Sit die suiker en wyn by en laat indamp tot stroperig. Roer laaste die vanielje deur en sprinkel met 'n bietjie sout en swartpeper.

Smeer die vleis met olyfolie en geur met sout en peper. Verbruin die vleis alkante en laat effens afkoel. Sny 'n gaatjie in die middel van elk en stop met 'n pruim-wiggie. Rangskik in 'n oondpan, plaas 'n klontjie botter op elk, geur met swartpeper en bak in die oond teen 180 grade tot gaar en mooi bruin, ongeveer 15 minute.

Braai die beetskywe stadig in botter en geur met sout en peper. Laat lê die beetblokkies in die slaaisous vir 10 minute.

Bedien die vleis bo-op die beetstokkies saam met die beetskywe en pruimkonfyt.

Krummelpap en Biltong met Spek-konfyt en Mieliemeel Kamma-koeksisters

Krummelpap en Biltong met Spek-konfyt en Mieliemeel Kamma-koeksisters

Bestanddele:
2,5 K mieliemeel
¾ K kookwater
Sout
3 E First Choice botter 
100 g Biltongpoeier 
150 g fyn gekerfde biltong
200 ml First Choice room 
200 g gekapte ontbytspek 
150 g suiker
2 t Steak en Chops speserye
Vars rissie of rissiepoeier na smaak
25 ml Whisky of Bourbon 

Metode:
Bring die kookwater en botter tot kookpunt. Verwyder van die hitte. Voeg 1 E sout by en roer met 'n vurk al die meel vinnig by, tot dit 'n fyn krummel vorm. Plaas 'n deksel op die kastrol en plaas terug op die oondplaat op laagste stelling om stadig gaar te stoom, vir ongeveer 30 minute. Roer die biltongpoeier deur die krummelpap en verdeel in 4 geskikte borde soos 'n pastabakkie. Sprinkel gekerfde biltong oor, skep 'n lepel spekkonfut in die middel en giet vir elk 'n bietjie room oor die pap.

Spek-konfyt:
Begin die spek effens braai, sprinkel die speserye en whisky bo-oor. Roer goed en meng die suiker by. Laat oor medium tot lae hitte stadig kook tot taai.

Mieliemeel kamma -koeksisters

Bestanddele:
1 K gaar krummelpap
1 eier
3 E bruismeel
2 t bakpoeier
1 t sout
Genoeg sonnneblom- of Canola olie vir diepbraai

Stroop:
3 K suiker
1 K kookwater
1 ml kremetart
1 ml sout
Opsioneel: suurlemoenskil en 'n stukkie vars gemmerwortel

Metode:
Maak die stroop ten minste 4 ure voor die tyd of selfs die aand vooraf. Meng die suiker en kookwater en begin dit stadig verhit tot kookpunt. Voeg die kremetart, sout, skil en gemmer (indien jy dit gebruik) by. Kook vir 5 minute vinnig en laat heeltemal afkoel sonder 'n deksel. Plaas in die yskas om yskoud te raak. Meng al die bestanddele vir die poffers tot 'n deeg soortgelyk aan skon-deeg. Maak 'n kort reghoek en sny vingers. Diepbraai in warm olie tot goudbruin en dompel die vuurwarm vingers in die yskoue stroop. Laat staan vir ongeveer 10 minute. Bedien saam met First Choice Vanieljevla. 

Bobotie Sigare met Bessie-Blatjang

Bobotie Sigare met Bessie-Blatjang

Bestanddele:
500 g maer bees-maalvleis
1 ui, gekap
1 toontjie knoffel, gekneus en gekap
1 cm gemmerwortel, fyn gekap
1 cm borriewortel, fyn gekap
2 t vleis-masalapoeier of matige kerriepoeier 
1 t fyn koljander-komynmengsel of ½ t elk
15 ml suurlemoengeur Seed Oil Druiwepitolie 
1 t sout
3 t suiker


100 ml First Choice room
1 eier
2 ml kerriepoeier 
2 ml sout

2 velle Filo-deeg, gesny in 4 reghoeke elk, (hou toe onder 'n klam doek)
50 g botter, gesmelt

Bessie-blatjang:
100 g bevrore bloubessies of 1 houertjie vars bessies
½ ui, gekap
1 t masalapoeier
1 t kaneel
50 ml First Choice pynappelgeur nageregstroop
15 ml suurlemoengeur Seed Oil druiwepitolie 
1 groen appel, geskil en in fyn blokkies gesny

Metode:
Verhit die speserye sonder sout en suiker in die druiwepitolie oor matige hitte. Voeg die ui, knoffel, gemmer en borrie by. Braai effens sag en voeg die vleis by. Geur met sout en suiker. Braai stadig gaar.

Smeer 'n Filo-blokkie met botter en plaas nog een direk daarop. Hou die res toe. Skep van die gaar vleis in 'n lang streep daarop, in die middel, maar hou 2.5 cm oop aan weerskante links en regs. Klits die room, eier, kerriepoeier en sout saam in 'n bekertjie met 'n tuit. Giet 'n klein bietjie eier-room oor die vleis. Vou die korter kante oor die vleis en rol so styf as moontlik op, sodat dit 'n sigaar vorm. Smeer rondom goed met gesmelte botter. Herhaal met die orige Filo-blokke.

Bak teen 175 grade tot mooi bruin. 

Kook al die bestanddele vir die blatjang vinnig af totdat dit effens dik en glansend is. 

Tapas bordjie met Biltong en Witpeperboontjies, Pruimsous en Swartwoud Ham

Tapas bordjie met Biltong en Witpeperboontjies, Pruimsous en Swartwoud Ham

Bestanddele:
16-20 lekker dik skywe klam beesbiltong
80 ml Ohmegalicious Franse slaaisous
100 ml First Choice room
2 E wit asyn of ekstra Ohmegalicious Franse slaaisous 
150 g groenboontjies, gekerf vir sag kook
1 mediumgrootte aartappel, geskil en in klein dobbelsteentjies gesny 
1 medium ui of 1 bossie sprietuie, gekap
2 t Witpeper
1 t sout
1 eier
3 E bruismeel
3 E elk Druiwepitolie en botter vir braai
3 ryp pruime, ontpit en grof gesny 
3 E suiker
100 ml Leenders Sielverkoper rooiwyn
2 t botter 
8 skyfies Swartwoud Ham 
Cabanossi worsies (Opsioneel)

Metode:
Kook die aartappels in 'n bietjie kookwater tot amper sag en voeg dan die groenboontjies en ui by. Geur met die sout en peper. Kook tot alles sag is en verpulp of druk fyn. Voeg die eier en bruismeel by. Braai eetlepels vol van die boontjiemengsel in 'n mengsel van druiwepitolie en botter bruin oor matige hitte in 'n swaarboompan. Laat effe uitdroog op kombuispapier.

Maak die biltongstukke goed nat met die 80 ml Franse slaaisous. 

Maak die room suur met asyn of ekstra Franse slaaisous deur dit te roer totdat dit dik is.

Kook die pruime saam met suiker in die rooiwyn totdat dit begin verdik. Roer 2 teelepels botter by en verpulp. Smeer elke skyf Swartwoud Ham met van die Pruimsous en rol dit op.

Rangskik die biltongstukke, groenboontjiepoffertjies en hamrolletjies op opdienborde. Skep vir elk 'n bietjie room en 'n bietjie Pruimsous aan weerskante. Sit Cabanossi worsies by indien jy dit gebruik (lekker by die Pruimsous).

Vinnige ‘Butter Chicken’ kerrie

Vinnige ‘Butter Chicken’ kerrie

Bestanddele:
600 g hoenderborsies sonder vel, in blokkies gesny
50 g First Choice botter 
Seedoil knoffelgeur Druiwepitolie 
1 t gekneusde vinkelsaad
4 kardamomsade
15 ml Masalapoeier
1 ui, fyn gekap
3 E tamatiepasta 
4 jong geelwortels 
4 jong witwortels
250 ml First Choice room 
100 ml kookwater, vir aanvulling

Blomkool-puree met neutbruin-botter:
1 heel Blomkool, in stukke gebreek
50 g First Choice botter 
50 ml First Choice room 
Sout en peper

Vinnige groentepiekel:
1 jong geelwortel
Stam van ‘n Blomkool, in dun skyfies gesny 
100 ml witasyn
2 ml vinkelsaad
4 swart peperkorrels 
2 ml sout
2 ml suiker

Metode:
Smelt 'n klontjie botter saam met 1 E druiwepitolie in 'n braaipan oor matige hitte. Braai al die speserye liggies in die mengsel en voeg die hoender en gekapte ui daarby. Braai stadig totdat die vleis begin ferm raak. Voeg die wortels by. Roer die tamatiepasta deur en dan die room. Bedek met 'n deksel en laat stadig prut vir 20 minute. Vul na 10 minute aan met die kookwater.

Blomkoolpuree:
Stoom die Blomkool sag. Braai die botter stadig goudbruin of plaas dit in 'n bakkie in die mikrogolfoond vir 1 minuut om te verbruin. Indien dit nog nie mooi bruin is nie, verhit weer vir 30 sekondes totdat dit mooi bruin is. Giet enige water van die blomkool af. Voeg die botter en room by die sagte blomkool en maak dit goed fyn in ‘n voedselverwerker of met ‘n stokmenger. Geur met sout en peper.

Piekel:
Sny die wortel en blomkoolstingel in dun skyfies. Verhit die asyn, vinkelsaad, peperkorrels, sout en suiker tot kookpunt. Voeg die wortel en blomkool daarby en laat afkoel. 

Bedien die hoenderkerrie op die blomkoolpuree en rond af met die groentepiekel. 

Turkselekker Skaaptjops

Turkselekker Skaaptjops

Bestanddele:
1-2 lekker dik gesnyde skaaptjoppies per persoon
50 ml Seed Oil Roosmaryngeur Druiwepitolie
50 ml First Choice botter 
Sout en peper

Sous:
6 ml elk komyn, koljander en kaneel
15 ml Seed Oil natuurlike druiwepitolie
100 ml Rooswater
100 ml Leenders Armosyn
1 potjie bief aftrekseljellie
Gedroogde roosblare

Bykos:
8-12 jong rape
100 ml First Choice botter 
Sout en peper
Groen blaargroente soos jong spinasie of krulkool

Metode:
Smeer die tjoppies met die Roosmaryngeur druiwepitolie en geur met sout en peper. Gooi 'n klein bietjie olie saam met die botter in 'n braaipan en verhit tot goed warm. Braai die tjoppies 'n paar per keer mooi bruin. Laat rus in 'n bakkie of bord onder foelie. 

In dieselfde pan, verhit die speserye effens. Voeg die wyn by en laat opkook. Roer nou die aftrekseljellie en roosblare deur. Voeg laastens die Rooswater by, laat net vir een minuut opkook en skakel die sous af.

Net voor bediening, giet die sous wat onder die vleis vergader het, terug in die rooswatersous en roer dit deur. Verhit die sous en plaas die tjops daarin om ook net-net op te warm. 

Bedien op die vinnig verwelkte en gebotterde groente met die saggestoomde heel baba rape wat in botter gerol is. 

Sampioensop met Eksotiese Sampioene en Swartwoudham

Sampioensop met Eksotiese Sampioene en Swartwoudham

Bestanddele:
200 g swart sampioene, skoon gevee en gekap
1 houertjie Shitake sampioene
1 houertjie gemengde eksotiese sampioene met Oestersampioene by
3 preie, goed gewas en fyn gekap
1 knoffeltoontjie, gekneus en fyn gekap
3 - 4 takkies vars pietersielie 
Seedoil truffelgeur Druiwepitolie 
1 potjie groente-aftrekseljellie
100 ml natuurlike Druiwepitolie
50 ml kookwater
300 ml kookwater
600 ml First Choice room 
4 repies Swartwoudham
50 g First Choice botter 

Metode:
Braai die gesnyde preie en knoffel liggies in 'n bietjie olie en botter tot net sag. Voeg gekapte swart sampioene by en braai vir 6 minute. Verpulp die sampioen en uie mengsel tot fyn. Meng die aftrekseljellie en kookwater. Voeg die aftreksel en die room by die sampioenpulp. Hou warm, maar moenie weer laat opkook nie.

Verpulp die pietersielie, kookwater en druiwepitolie baie fyn in 'n voedselverwerker of versapper. Laat staan sodat die pulp afsak. Jy gaan die olie gebruik.

Braai die res van die sampioene bietjie vir bietjie bruin in botter. Geur met sout. 

Skep die sop in mooi sopborde. Garneer met die gebraaide sampioenverskeidenheid. Drup druppelsgewys die pietersielie-olie en Truffelgegeurde druiwepitolie oor die sop in elke bord.

Snipper die ham in repies en plaas 'n hopie daarvan in elke sopbord. 

Steak en Ale Pastei

Steak en Ale Pastei

Bestanddele:
600 g goeie steak soos Rump steak
1 E Seedoil Knoffelgeur druiwepitolie
1 groot ui, grof gekap
3 tot 4 mediumgrootte geelwortels, in dobbelsteentjies opgesny
1 toontjie knoffel, gekneus en gekap
Sout en peper
Vars Tiemie en roosmaryn, van die stingels gestroop
100 g bruin sampioene, gekap
1 potjie Biefgeur aftrekseljellie
1 Swartbier soos Milk stout

Kors:
500 g Bruismeel
300 ml First Choice room, aangesuur met 3 eetlepels asyn of suurlemoensap
1 K gerasperde First Choice Gouda-kaas
(50 ml Swartbier)

Metode:
Sny die steak in groterige blokkies (3 – 4 cm). Braai die vleis in die druiwepitolie net bruin, maar nie gaar nie. Geur goed met sout en peper. Hou eenkant.

Braai die uie en knoffel saam. Voeg die wortels, sampioene  en kruie by. Braai nog 'n bietjie en voeg dan die Swartbier (hou 50 ml eenkant) en aftrekseljellie by. Laat dit opkook tot die wortels sag is. Voeg die vleis by en plaas in 'n oondvaste pasteibak.

Meng die kors-bestanddele alles saam tot glad. Skep die beslag in die middel van die vleis vulsel en sprei dit van die middel na die kante. 

Bak vir 35 minute by 190 grade Celsius 

Springbok Frikkadelle in Shiraz met Romerige Patatpuree en Rooikool

Springbok Frikkadelle in Shiraz met Romerige Patatpuree en Rooikool

Bestanddele:
600 g Springbok- of ander wildsmaalvleis 
2 ml fyn Piment (Allspice)
2 ml swartpeper 
2 ml neutmuskaat 
2 ml gemaalde koljander
5 ml sout
2 rooi uie, grof gekap
2 E perskeblatjang 
3 heel Jenewerbessies 
200 ml Shiraz of ander rooiwyn
3 E (45 ml) First Choice botter
2 groot soetpatats, ongeskil, in blokkies gesny
½ K gerasperde First Choice Baby Gouda met swartpeper
150 ml First Choice room 
1 klein rooikool, in fyn repe gesny
2 E perskeblatjang ekstra
½ K gedroogde appelkose, in kookwater of rooibostee geweek
½ klein soetpatat, in baie klein dobbelsteentjies opgesny
100 ml Knoffelgeur Seed Oil Druiwepitolie vir braai

Metode:
Meng die maalvleis, speserye en die sout goed en knie die mengsel so 'n bietjie. Rol okkerneutgrootte frikkadelletjies en braai hulle stadig bruin in 'n klein bietjie botter en druiwepitolie. Voeg die helfte van die gekapte rooi ui by en braai nog tot die ui sag is. Voeg 2 E perskeblatjang, 3 heel Jenewerbessies en 2 E bruinsuiker by, roer deur en voeg die wyn by. Laat alles saamkook tot die sous met die helfte ingedamp is. Roer die 45 ml koue botter deur die sous. Hou warm maar nie aan die kook nie.

Kook die patats sag in soutwater en giet die vloeistof af. Druk fyn en roer die Baby Gouda en room deur. Geur met sout indien nodig.

Braai die ander helfte van die rooi ui sag in 'n bietjie botter en druiwepitolie. Voeg die gesnipperde kool by. Roer dan die perskeblatjang en appelkose met vloeistof en al by die kool en uie. Laat indamp tot dit 'n mooi blink mengsel is en nie meer waterig nie.

Braai die heel klein soetpatatblokkies in die knoffelgeur Seedoil bros en bruin. Gebruik as 'n sprinkel bo-oor die gereg.

Brie in Filo met Amandels en Bloubessie-rooiwynsous

Brie in Filo met Amandels en Bloubessie-rooiwynsous

Bestanddele:
2 First Choice Brie kaaswiele
4 velle Filo-deeg
50 g First Choice botter
1 pakkie heel Amandels
5 ml fyn neutmuskaat 
150 ml rooiwyn 
30 ml bruin suiker
1 K bloubessies (vars of bevrore)
50 ml koue botter, in blokkies verdeel

Vir opdiening: gemengde jongslaai- en kruieblare

Metode:
Verdeel die kaaswiele elk in 2. Gebruik een vel Filo en vou dit dubbeld. Draai een kaashelfte mooi toe met die deegvel en maak 'n mooi ‘kraag’-patroon. Herhaal met die ander helftes. Smelt 50 g botter en verf die Filo-pakkies daarmee. Bak die pakkies vir 10 minute by 180 grade op 'n gesmeerde bakplaat.

Kook die wyn, suiker, 2 ml neutmuskaat en bloubessies saam tot 'n ligte stroop. Rooster die Amandels stadig in 'n droë pan en sprinkel ongeveer 3 ml neutmuskaat oor. Kneus die neute wanneer hulle goudbruin is, met die lem van 'n groot sjefsmes en kap dit dan effens fyner.

Bedien die kaaspakkies saam met die bloubessiesous en sprinkel laastens die Amandels oor op mooi geurige blaartjies. 

Naakte Steak-Pizza met Peperwortelroom

Naakte Steak-Pizza met Peperwortelroom

Bestanddele:
1 bol supermarkdeeg 
1 blikkie gekapte tamaties
1 bossie vars oreganum
1 E suiker 
1 E Roosmarynsout
1 Vars Mozzarellakaas
400 g Rump of Sirloin steak
150 g wit knopiesampioene 
50 ml First Choice botter 
100 g First Choice sterk Cheddarkaas 
1 E Creamed Horseradish (Peperwortel)
100 ml First Choice room
25 ml witasyn of suurlemoensap

Metode:
Indien jy 'n pizzasteen gebruik, plaas dit in 'n koue oond en stel die hitte op maksimum. Verdeel die deeg in vier en rol baie dun uit. Sprinkel jou pizzasteen met koekmeel. Bak elke kors vir 6 minute wanneer die oond sy hitte bereik het en die deeg, nadat dit gerol is, vir ten minste 20 minute gerus het teen kamertemperatuur.

Kook 'n basiese tamatiesous deur die tamatie saam met die kruiesout, suiker en ten minste een takkie oreganumblaartjies saam te blits en vir 'n paar minute te reduseer. 

Braai die steak in 'n klein bietjie Seedoil Druiwepitolie en botter in 'n baie warm steakpan tot bruin en liggaar. Laat dit rus in 'n bord onder foelie. 

Maak die room suur deur dit te meng met die asyn en Peperwortel.

Vir opdiening:
Smeer elke basis liggies met tamatiesous en plaas op elkeen 'n paar snytjies steak, gevolg deur 'n sny mozzarellakaas en dun skaafsels sterk Cheddarkaas. Skep 'n lepelvol peperwortelroom bo-op en garneer met vars oreganum.

Ekstra: sprinkel met bros bruin uie en 'n mengsel van sade en neute.

Keto Croque M'sieur

Keto Croque M'sieur

Bestanddele:
200 g gladde maaskaas
4 eiers
2 E Psylliumdoppies / 3 E Hawermout-semels 
2 ml sout
First Choice botter en Seedoil Druiwepitolie vir braai
4 Gerookte varknek-steaks
1 K gerasperde sterk Cheddarkaas 
250 ml First Choice Room
½ K gerasperde sterk Cheddarkaas, ekstra

Roketblare of slaaiblare en tamaties vir bediening



Metode:
Braai die steaks bruin en net sag gaar. Hou dit eenkant warm onder foelie.

Meng die maaskaas, eiers, sout en Psylliumdoppies of semels goed. Bak 8 plaatkoekies oor matige hitte in botter in dieselfde pan as waarin die vleis gebraai is. 

Verhit die room stadig in 'n kastrol totdat dit net wil opkook en roer dan 1 K kaas deur totdat dit glad is. Gebruik 2 plaatkoekies per persoon en maak soos jy  'n hamtoebroodjie sou maak. Skep kaassous mildelik bo-oor elk. Verdeel die oorblywende halwe koppie kaas deur dit oor elke stapel te sprinkel. Rooster tot goudbruin en baie bros. 

Bedien saam met 'n slaai van roketblare (omdat dit 'n lekker skerp smaak het wat deur die ryk roomgereg sny) en tamaties.

Vinnige Boergondiese Bief

Vinnige Boergondiese Bief

Bestanddele:
800 g - 1 kg Bieffilet, rump- of lendestuk (sirloin) opgesny in medaljes of groterige blokke
Seedoil Druiwepitolie (Truffelgeur of Gewone)
2 E First Choice botter
8 - 12 bruin sampioene
1 ui, gekap
4 repe ontbytspek, fyn gekap
1 E tamatiepasta 
1 potjie biefgeur vleisaftrekseljellie
250 ml rooiwyn
250 ml First Choice room
1 suurlemoen 
Kruie: vars tiemie, vars platblaar pietersielie

Omegalicious aartappelslaai:
4 mediumgrootte aartappels, geskil of ongeskil in growwe blokkies gesny 
150 ml Omegalicious Franse slaaisous

Opsioneel: 50 ml Omegalicious Bloukaas slaaisous

Metode:
Smeer die vleisstukke met die Seedoil druiwepitolie. Plaas ongeveer 10 ml olie en die botter in 'n baie warm swaarboompan. Braai die vleis mooi bruin, maar slegs medium tot lig gaar. Hou die vleis in 'n bak eenkant, onder foelie.

Braai die spek bruin in die pan en voeg die uie en blaartjies van 2 vars tiemietakkies by. Sny die sampioene grof op en plaas by die uie en spek in die pan. Voeg die tamatiepasta, aftreksel- jellie en rooiwyn om die beurt by. Roer alles heeltyd.

Net voor bediening kan jy die vleis saam met die sous wat in die warm-hou-bakkie gevorm het, deur die sous roer om weer op te warm. Moenie dit lank daarin laat of kook nie.

Kook die aartappels sag saam met 'n bietjie sout en giet die water af. Giet die Seedoil Omegalicious Franse slaaisous onmiddellik oor die warm aartappels. Eindig met die bloukaasgeur slaaisous indien jy dit gebruik.

Maak suurroom deur die room saam met die sap van die suurlemoen te roer tot dit dik is. Geur met swartpeper as jy wil.

Bedien alles saam met gekapte vars pietersielie.

Laventellam in Bierpannekoek met Piekelwaterblommetjies

Laventellam in Bierpannekoek met Piekelwaterblommetjies

Bestanddele:
1 stuk lamskouer, -blad of -boud van ongeveer 1.2 kg
1 takkie roosmaryn of 1 klein bossie tiemie, blaartjies afgetrek
2 takkies laventel, blaartjies afgetrek
2 knoffeltoontjies, gekneus
1 ui, ongeskil in die helfte deurgesny
2 wortels

Ekstra:
1 ui, gekap
1 pakkie sampioene, grof gekap
150 ml witwyn
150 ml First Choice room
15 ml kaneel
2 E nartjieskil, fyn gekap
Laventelblomme en ekstra laventelblaartjies na smaak.

Bierpannekoek:
1 K koekmeel
1 ekstragroot eier
1 t sout
1 E Seedoil Druiwepitolie 
½ K First Choice melk
1 bier 

3 E First Choice botter
Ekstra olie

Piekel Waterblommetjies:
1 pak waterblommetjies
1 K witasyn
½ K water
1 E sout
1 E suiker

Metode:
Maak die lamsvleis vooraf gaar en baie sag, deur dit goed in te vryf met sout en peper en die kruie. Plaas die knoffel, uie en wortels onder die vleis en stowe dit stadig of oornag in die oond teen 120-150 grade C. Wanneer die vleis sag is, trek dit in rafels. Braai die ui en sampioen saam. Voeg die rafelvleis by. Roer die kaneel en nartjieskil deur. Voeg wyn by en laat 'n rukkie opkook. Roer die room deur en laat staan.

Vir die pannekoeke:
Meng die meel, sout, eier, olie en melk tot 'n dik, gladde pasta. Voeg die bier bietjie vir bietjie by totdat jy 'n gladde beslag het wat soos dik, maar loperige room is. Warm 'n pannekoekpan op met botter en druiwepitolie. Bak veerligte dun pannekoeke. 

Vir die Piekel waterblommetjies:
Verhit die asyn, water en sout tot kookpunt. Giet dit oor die goed gewaste waterblommetjies. Laat staan om af te koel.  

Bedien die vulsel in die pannekoeke wat jy mooi vorm op 'n bord. Piekelgroente soos beet of ander groentepiekel is lekker hierby. Garneer laastens met waterblommetjies.

Beesvleisstowe met Gerookte Spaanse Paprika

Beesvleisstowe met Gerookte Spaanse Paprika

Bestanddele:
800 g stowebiefstuk, in blokkies gesny
Klein bietjie koekmeel
Sout en peper
1 groot ui, grof gekap
1 toontjie vars knoffel, gekneus en gekap
4 selderystingels, draadjies afgetrek, stukkies gesny 
8 mediumgrootte geelwortels 
3-4 aartappels, opsioneel
250 ml rooiwyn
1 biefaftrekseljellie
15 ml Gerookte Spaanse paprika
15 ml tamatiepasta
2 ansjovisfilette (Opsioneel)
50 ml Seedoil Druiwepitolie vir braai
12 knopiesampioene
4 ryp pruime
+- 50 ml First Choice botter
Suiker (Opsioneel)

Sprinkel:
½ pakkie Bacon Kips
1 bossie vars pietersielie

Metode:
Geur die koekmeel met sout en peper en sprinkel dit oor die vleis. Braai die vleis bruin en voeg die ui en knoffel by. Braai verder tot die uie verbruin. Voeg die seldery by.

Maak 'n pasta met die paprika, tamatiepasta en ansjovis as jy dit gebruik. Voeg dit by die vleis en roer dit goed deur. Voeg die biefaftrekseljellie en die rooiwyn by. Plaas 'n deksel op die kastrol en laat die vleis stadig sag prut.

Skil die wortels en aartappels as jy dit gebruik en sny grof op. Indien jy wil, hou die wortels heel. Kook die groente vir 6 minute in 'n bietjie soutwater en voeg dit dan by die stowevleis. 
Voeg nou die heel sampioene by. Laat prut vir nog 20 minute.

Maak 'n sprinkel deur die pietersielie fyn te kap en dan met die bacon kip-krummels te meng. Sprinkel dit oor wanneer jy klaar opgeskep het of gee vir elke gas om self oor te sprinkel.

Paasfeeskoek met Ricotta, Spinasie en Eier

Paasfeeskoek met Ricotta, Spinasie en Eier

Bestanddele:
1 rol bevrore blaardeeg (skilferkorsdeeg) 
2 bosse vars spinasie of 2 pakke (Swiss Chard)
1 ui, fyn gekap 
2 E Seedoil Druiwepitolie 
1 bos vars Italiaanse pietersielie, fyn gekap
1 t vars marjolein of ½ t gedroogde marjolein (marjoram)
Sout en peper na smaak
½ K Ricotta-kaas
½ K fyn gerasperde First Choice sterk Cheddarkaas 
¼ K First Choice room
4 eiers plus 1 eier om die deeg mee te verf
Ongeveer 50 ml olyfolie om die deeg tussen lae mee te verf

Metode:
Verhit die olie oor medium hitte in 'n groterige kastrol met ‘n deksel. Voeg die uie daarby en laat dit net sag word. Sny die spinasie met stingels en al redelik fyn en was dit goed. Skud die meeste water van die blare af en plaas dit bo-op die uie in die kastrol en plaas die deksel op, sodat dit kan stoom. Verwyder binne 4 minute van die hitte vandat dit begin stoom het. Sodra dit afgekoel het, kan jy die water goed uit die blare uitdruk en die uie en spinasie in 'n mengbak sit.

Meng nou die kruie, sout en peper, al die kaas en die room goed met die spinasie. Verdeel die ontvriesde maar steeds koue deeg in 4. Rol elke blokkie baie dun uit op 'n meelbestrooide oppervlak. 

Gebruik 'n losknip-losbodempan en bespuit dit goed. Voer die bodem en wande van die pan met een laag deeg sodat die deeg oor die kante hang. Druk gaatjies oor die bodem met 'n vurk en verf met olie. Plaas nog 'n dun uitgerolde laag bo-oor, druk gaatjies en plaas dan die vulsel binne-in. Druk 4 holtes in elke kwart van die vulsel en breek 'n eier versigtig in elke holte. Plaas dan bo-op een laag dun uitgerolde deeg en verf met olyfolie. Herhaal met nog 'n laag. Sny die kante 'n entjie groter as die deursnee van die pan en knyp die kante mooi toe. Sny 'n kruisie in die middel sodat die stoom van binne kan ontsnap. 

Verf met eier en bak in 'n voorafverhitte oond by 200 grade Celsius vir 35 minute. 

Kaapse Kerrievis, Paasbolletjie-eierbrood en Piesangblatjang

Kaapse Kerrievis, Paasbolletjie-eierbrood en Piesangblatjang

Bestanddele:
Kerrievis:
300 g ferm vars vis soos geelstert, snoek of stokvis
1 groot ui of 2 medium uie, in ringe of stringe gesny
2 E Seedoil Natuurlike ongegeurde druiwepitolie
1 K wit asyn
1 t sout
2 t suiker
1 t vars borriewortel, gerasper, of ½ t borriepoeier 
2 t Masalapoeier 
2 lourierblare
4 swartpeperkorrels
2 Piment (Allspice) korrels 
4 kruienaeltjies
3 t Mielieblom, aangemaak in 60 ml water

Paasbolletjie eierbrood:
2-3 Paasbolletjies, gesny in 1 cm-dikte snytjies
2 eiers
3 E First Choice room
3 E Seedoil Suurlemoengeur druiwepitolie 
1 E First Choice botter

Piesangblatjang:
3 ferm, maar ryp piesangs (klein tot medium grootte) in klein blokkies gesny.
1 klein ui, in klein dobbelsteentjies gesny
1 t elk vars gerasperde borriewortel, fyn knoffel
4 E wit asyn
½ K suiker 
Rissie na smaak 
1 t Masala-poeier 
2 E suurlemoengeur Seedoil klapper-olie

Om af te rond:
Vars Koljanderblare (Dhania)
Slaaiblare 

Metode:
Kerrievis:
Kry soveel as moontlik van die grate uit die vis. Sny in stukkies van ongeveer 2 cm elk. Braai die visstukkies liggies gaar in die druiwepitolie. Hou eenkant. Meng die asyn met al die bestanddele, behalwe die uie en aangemaakte mielieblom. Bring tot kookpunt en voeg die uie daarby. Kook die mengsel vir ongeveer 5 minute. Roer mielieblom deur en laat vir nog 5 minute prut. Giet die warm uie-piekel bo-oor die vis en laat staan vir tot 24 uur.

Eierbroodjies:
Meng die eiers en room en geur met sout. Laat week die snytjies in die eiermengsel vir ten minste 3 minute aan 'n kant. Braai stadig gaar in die suurlemoengeurolie en botter. Bedien so gou moontlik op slaaiblare saam met Kerrievis en piesangblatjang. 

Piesangblatjang:
Braai die uie in klapper-olie tot net sag en deurskynend maar nie bruin nie. Voeg die borriewortel, knoffel, rissie en masala-poeier by. Roer asyn, suiker en piesang by en laat afkook tot effens taai en verdik.

Granola-koppies met Romerige Roereier, Spekstof en Vark-lollies

Granola-koppies met Romerige Roereier, Spekstof en Vark-lollies

Bestanddele:
Granola-koppies:
1 1/2 K Hawermout
1 K fyngedrukte piesang 
1 t fyn kaneel 
1 t sout

Romerige roereier:
8 eiers
1/2 K First Choice langlewe room
5 ml sout


Spekstof:
1 pakkie (200 g) gesnipperde ontbytspek 

Hollandaise sous:
100 g botter, gesmelt
1 t mosterd 
2 E suurlemoensap of wit asyn
1 heel eier

4 - 8 Vark-lollies op stokkies ( ook genoem vark-soentjies)

Vars roketblare en ertjiespruite of ander vars blaartjies van jou keuse

Metode:
Meng al die bestanddele vir die Granola-koppies goed tot 'n hanteerbare beslag. Bespuit 'n muffin-pan vir groot muffins mildelik. Druk die Granola- beslag teen die kante en bodem van die holtes en maak seker dis goed vasgedruk en die bokante mooi gelyk. Bak vir 25 minute by 190 grade C. Laat afkoel en maak versigtig los.

Maak die ontbytspek-stukkies stadig baie bros gaar. Droog dit goed met kombuispapier uit sodat daar so min as moontlik vet en olie oorbly. Maak dit goed fyn met 'n staafmenger.

Meng al die bestanddele vir die romerige roereier en maak sagte roereier oor matige hitte in 'n pan deur dit nou en dan versigtig met 'n houtspaan los te stoot en liggies te roer. Hou net net warm.

Braai ook die vark-lollies stadig bros en mooi bruin in 'n pan of bak dit sommer gaar terwyl jy die Granola koppies bak.

Hollandaise:
Meng warm gesmelte botter met die asyn, mosterd en heel eier met jou staafmenger om 'n gladde, liggeel en ondeursigtige sous te vorm. Die sous is reg as dit die agterkant van 'n eetlepel mooi bedek en nie vinnig afloop nie. Indien die botter nie warm genoeg was nie, sal die eier nie gaar word tydens die mengproses nie. Jy kan die mengsel vir so 30 sekondes in die mikrogolfoond verhit en dit vinnig weer blits. 

Bedien deur die roereier in die koppies te verdeel. Skep Hollandaise bo-oor en sprinkel mildelik met spekstof. Plaas 'n vark-lollie (of 2) bo-op elkeen. Sprinkel groenigheid rondom.

Aartappelbootjies met Blomkool, Biltong en Granaat

Aartappelbootjies met Blomkool, Biltong en Granaat

Bestanddele:
4 ekstra groot aartappels (Bliss aartappels)
100 g Biltongpoeier
250 ml First Choice room 
1 klein Blomkool
50 g First Choice botter 
5 ml Marokkaanse speserye (mengsel van kaneel, komyn, koljander)
100 g First Choice beleë Cheddar, fyn gerasper
2 vars heel granate
Sout en peper na smaak

Metode:
Kook die aartappels in die skil tot amper sag maar nog ferm. Laat afkoel tot jy hulle gemaklik met die hand kan hanteer.

Stoom intussen die Blomkool sag. Druk fyn en meng met die botter. Sprinkel Marokkaanse speserymengsel oor. Roer dit goed en meng met die helfte van die Biltongpoeier en al die room.

Sny die aartappels oor die lengte, nog ongeskil middeldeur. Sny versigtig met 'n skerppunt messie ongeveer 1 cm van die kant af 'n rand rondom die wande van elke aartappelhelfte. Hol die aartappel versigtig uit en los 'n bodem van ongeveer 1 cm diep. Sprinkel met sout en peper. Vul die holtes met die Blomkool- en biltongroom. Deel die kaas in 4 en bedek elke aartappelbootjie met kaas.

Bak in 'n warm oond vir ongeveer 25 minute. 

Bedien saam met granaat-helftes wat elke gas soos 'n suurlemoen oor hul bootjie kan uitdruk.

Bloukaas, Vye en Karamel-ui Tertjies

Bloukaas, Vye en Karamel-ui Tertjies

Bestanddele:
1 rolletjie skilferdeeg, ontvries maar yskoud
1 wiggie bloukaas
4 heel groenvye in stroop, gehalveer
1 ui, in dun ronde skywe gesny
15 ml First Choice botter 
15 ml olyfolie
100 ml First Choice room 
3 eiers
100 g First Choice beleë Cheddar, fyn gerasper
150 ml Jakkalsvlei Hanepoot, afgekook tot die helfte daarvan oor is om ‘n dikkerige stropie te vorm

Ekstra: 
Camembert wiggies 
Slaai om mee te bedien indien verkies

Metode:
Voorverhit jou oond tot 200 grade C. Gebruik 'n langwerpige losboomtertpan of 4 individuele losboompannetjies en bespuit dit goed met kleefwerende sproei. Rol die deeg liggies uit, behou die reghoekvorm so goed as moontlik sodat jy repies kan sny om die kante mee te voer. Sny een gedeelte so groot soos die bodem van jou pan of pannetjies. Voer die bodem daarmee uit. Sny met 'n skerp mes repe deeg en voer die wande van die panne liggies, met die een snykant na bo. Moenie die deeg te veel druk nie. Laat rus die gevoerde panne in die yskas vir ongeveer 10 - 15 minute. Bak blind met bakpapier en bakboontjies vir 10 minute.

Intussen kan jy die uie stadig saam met die botter en olyfolie karamelliseer. Sodra die tertdoppies uit die oond kom kan jy die gekaramelliseerde uie oor die bodem versprei. Rangskik gehalveerde vye daarop (vir individuele tertjies een helfte in die middel van elk). Sprinkel gerasperde Cheddar rondom. Volg op met brokkies bloukaas. 

Klits die eier en room saam. Maak dit in die mikrogolfoond effens dik deur dit 3 tot 4 keer vir 20 sekondes te kook en met 'n ballonklitser na elke 20 sekondes goed te klits. Skep versigtig van die eiervla rondom die vye oor die tert.

Bak vir 20-35 minute totdat dit goudbruin is, effe opgepof maar nog sag as jy dit effens skud.
Bedruip heel laaste met die Hanepootstroop. Bedien saam met Camembert wiggies en slaai.


Gerookte Skelvis met Aspersies, Spinasie en Kappertjiebotter en Spekstof

Gerookte Skelvis met Aspersies, Spinasie en Kappertjiebotter en Spekstof

Bestanddele:
4 skelvisfilette
100 ml witwyn
1 klontjie First Choice botter
1 pakkie jongspinasie
12 groen aspersies
100 g First Choice botter 
1 E kappertjiesaad
1 E suurlemoensap
1 eiergeel
100 g gerookte ontbytspek, fyn gekap

Opsioneel:
4 Pampoenblomme
1 wieletjie First Choice fetakaas

Metode:
Sny die visfilette oor die lengte middeldeur en rol dit met velkant na buite in 'n spiraal op, steek vas met 'n stokkie.

Braai die streepspek brosgaar, laat dit afkoel en dreineer goed op kombuispapier. Wanneer die spek koud en baie uitgedroog is, maak dit in 'n voedselverwerker baie fyn. 

Was die spinasieblare goed onder lopende koue water. Skud droog en stoom dit vinnig vir ongeveer 4 minute in dieselfde pan waarin die spek gaargemaak is. Hou eenkant en laat soveel as moontlik water dreineer.

Was die aspersies goed en stoom hulle ook in die pan met 'n deksel en sowat 4 eetlepels water vir 4 minute. Hou eenkant in 'n bordjie.

Stoom nou die vis in dieselfde pan met 'n klontjie botter en 100 ml witwyn, met 'n deksel toegemaak vir so 10 minute.

Maak die kappertjiebotter deur die 100 g botter te smelt, die kappertjiesaad en suurlemoensap daarby in te roer en goed op te warm.

Wanneer die sous goed warm is en begin skuim, verwyder van die hitte en roer met 'n ballonklitser die eiergeel vinnig deur sodat die bottersous effens verdik.

Bedien die gereg deur die kappertjiebotter eerste in 'n poeletjie op elke opdienbord te skep. Plaas dan op elk 'n hopie spinasie en geur met sout. Plaas dan 3 aspersies daarop en geur met sout.

Plaas 'n visspiraal heel bo-op, verwyder die stokkie en garneer met gestopte pampoen-blommetjie of vinkeltoppe en kappertjiesaad. 

Sprinkel van die spekstof rondom.

Nota:
Indien jy die pampoenblomme het, was hulle skoon en skud versigtig droog. Stop elke blom met 'n kwart van die fetakaas en druk die blomblare versigtig vas met jou hande om die kaas. Stoom dit vir 2 minute en laat hulle heeltemal afkoel. 

Geroosterde Volstruis Carpaccio met Balsemiek-aarbeie

Geroosterde Volstruis Carpaccio met Balsemiek-aarbeie

Bestanddele:
600 g volstruis-rump of filet
Seedoil natuurlike geur druiwepitolie
1 houertjie vars aarbeie
60 ml balsemiekasyn
Dun gesnyde rooi ui skywe
2 E kappertjiesaad 
100 ml koue First Choice langleweroom
100 g sterk Cheddar of Peccorino of Parmesaankaas, fyn gerasper
15 ml witdruiwe-asyn 
5 ml sout
1 eiergeel
200 ml Seedoil natuurlike geur druiwepitolie
1 knoffelhuisie, gekneus en gekap 
15 ml witdruiwe-asyn 
Roketblare 
Lang slierte lente- of gras-uie

Metode:
Smeer die vleis met die olie en verbruin dit goed in 'n warm steakpan. Laat rus die vleis onder foelie tot die sappe vrygestel is en laat dit afkoel in die yskas.

Maak die Parmesaanroom deur die room, 15 ml asyn en 50 g van die kaas saam te meng met jou stokmenger tot mooi gepof.

Sny die aarbeie in dun skyfies en sprinkel die balsemiekasyn oor. Laat staan vir 20 minute.

Maak die aïoli deur die eiergeel, knoffel, sout en asyn saam te klits. Sit dan een vir een druppels olie by en klits weer. Herhaal die proses vier maal. Begin om die res van die olie in 'n dun straaltjie by te klits.

Sny die vleis in ongeveer 3 mm dik skywe teen die grein van die vleis. Druk die vleis dunner met 'n breë meslem of vleishamertjie. Rangskik die vleis op 'n stuk foelie van ongeveer 10 cm x 5 cm so dat die stukkies mekaar effe oorvleuel.

Maak 'n silinder en vul die holtes met aarbeie, Parmesaanroom, roketblare, dun skywe van die kaas en kappertjiesaad. Bind 'n spriet-ui sliert om elke silinder.

Bedien dit saam met die aïoli aan die kant.

Wit Gazpacho met Lietsjie, Groen Druiwe en Hoenderborsies

Wit Gazpacho met Lietsjie, Groen Druiwe en Hoenderborsies

Bestanddele:
400 g hoenderborsie-filette
100 g First Choice botter
500 ml amandelmelk 
1 sny witbrood
100 g rou Amandels, fyn gekap
1 knoffelhuisie
50 ml wit asyn (of meer, na smaak)
16 pitlose druiwe
8 lietsjies, geskil, ontpit en in stukkies gesny
Sout en swart peper
50 ml Natuurlike geur Seedoil druiwepitolie

Metode:
Plaas die hoender en botter in 'n pan met 'n goedpassende deksel en laat dit in die botter posjeer tot sag en gaar (ongeveer 15 minute) op 'n medium warm stoofplaat.

Week die witbrood in die amandelmelk. Kneus die knoffel en kap dit fyn. Verwyder die brood uit die amandelmelk en plaas dit in 'n mengbak waarbinne jy met 'n stokmenger kan werk. Verpulp die brood, amandels en knoffel tot 'n pasta. Meng met die amandelmelk en asyn. Plaas in die yskas om goed koud te raak.

Wanneer die vleis gereed is, kan jy dit in skywe sny. Verdeel dan die vleis in vier mooi sopborde en vul elk op met die amandels. Sprinkel met deurgesnyde druiwe en lietsjiestukkies. Laastens sprinkel die olie liggies oor alles en geur met sout en swartpeper.

Bedien yskoud 

Steak Tartare met Sampioenwoud

Steak Tartare met Sampioenwoud

Bestanddele:
600 g beesfilet, BAIE mooi skoongemaak
1 E kappertjiesade
4-6 agurkies
1 Klein rooi ui of 2 lente-uie 
1 of 2 ansjovisfilette (opsioneel)
Eksotiese sampioentjies
Sout en peper 
25 ml Worcestersous 
Tamatiesous
Mosterd Stokkietjippies uit ‘n pakkie
Opsioneel ekstra : swartknoffelpasta in ‘n sakkie 
Mikro -slaaiblaartjies
Swart sout
Swart uiesaadjies


Bearnaise Sous:
3 eiergele
100 g botter, gesmelt
100 ml witasyn 
5 ml gedroogde dragon
5 ml gekapte ui

Metode:
Sny die beesfilet in 5 mm skywe, dan in repe, blokkies, al fyner totdat dit so fyn soos maalvleis is. Kap die kappertjiesade, agurkies, ansjovis en rooi ui fyn en meng dit met die vleis  Geur met sout en peper en Worcestersous. Verdeel in vier en vorm op elke bord ‘n blokkie of soveel waarvan jy hou. Rangskik klein sampioentjies net so rou op die vleis asof dit daar groei. Plaas ‘n bietjie mikro-slaaiblaartjies aan die een kant. Maak ‘n hopie stokkietjippies vir elkeen aan die ander kant. Versier met tamatiesous, mosterd, swartknoffelpasta en jou ander ‘speelgoed’. Bedien saam met Bearnaise sous 

Bearnaise sous:
Damp die asyn, ui en dragon vinnig in tot die helfte oorbly. Verwyder van die hitte en klits met ‘n ballonklitser vinnig die eiergele by. Hou aan klits en giet dan die steeds warm botter daarby in ‘n dun straaltjie. Hou aan klits totdat dit verdik en glansend is soos vla.

Bessie- en Sjokolade-Ganache tertjies

Bessie- en Sjokolade-Ganache tertjies

Bestanddele:
Kors:
1 pakkie donkersjokolade koekies 
1 E kakaopoeier 
3 E sagte botter

Ganache:
200 g donker sjokolade
250 ml room

Bessielaag:
1 pak bevrore bessies van jou keuse 
½ K wit suiker
10 ml mielieblom, aangemaak met 100 ml koue water

Mooi goed om bo op te pak:
Swart Lava-sout of wit soutvlokkies
Kruisementblare
Vars bessies 
Vye

Metode:
Druk die koekies fyn en sprinkel die kakaopoeier bo-oor. Meng met die sagte botter en druk dan met nat vingerpunte teen die kante en bodem van jou losbodem-tertpannetjies.

Maak die bessievulsel deur die bevrore bessies stadig te verhit saam met die suiker. Bring tot ligte kookpunt en roer die mielieblom in 'n stroompie by. Roer glad en laat so 3 minute verder kook. Laat afkoel. 

Maak die Ganache deur die donkersjokolade en room saam te smelt, sommer in die mikrogolfoond. Roer na elke minuut sodat jy 'n glinsterende gladde mengsel het.

Vul die tertdoppies terwyl dit nog in die panne is, eers met bessievulsel en dan die sagte Ganache bo-oor.

Laat afkoel in die yskas vir ten minste 'n halfuur. Lig hul uit die pannetjies en verfraai hulle in elke bord. Bestuif laastens met nog 'n bietjie kakaopoeier 

Biefborsstuk (Brisket) met Driekaas-soufflé

Biefborsstuk (Brisket) met Driekaas-soufflé

Bestanddele:
Borsstuk:
800 g - 1 kg biefborsstuk skywe
1 groot ui, in skywe gesny
2 E tamatiepasta 
1 potjie biefaftreksel jellie
100 ml rooiwyn
50 ml Seedoil Franse Slaaisous
6 heel kruienaeltjies
8 heel soet en ryp pruime

Soufflé:
200 ml melk
2 E botter
2 E koekmeel
½ K gerasperde First Choice Cheddarkaas
½ K gerasperde First Choice Baby Gouda met swartpeper
1 blok White Rock met vye
4 eiers, geskei

Afronding: 
Kohlrabi, sag gekook en in die oond afgerond. 
8 Heel vye,vier gehalveer en 4 'n kruisie aan bokant gesny.

Metode:
Rangskik die vleis in 'n oondpan en sprei die uie daaroor uit. Stip elke stuk met 'n klein bietjie tamatiepasta en sit die aftrekseljellie in die middel. Giet die rooiwyn en slaaisous oor die vleis. Sprinkel die kruienaeltjies oor. Sny die pruime in die helfte, verwyder die pit en sit dit lukraak by die vleis in die pan. Bedek met foelie of bakpapier (nie waspapier nie).

Plaas in die oond op 165 grade C vir 90 minute. Loer net elke 20 minute of die vog genoeg is. Indien nie, vul aan met ¼ K water of rooiwyn.

Soufflé:
Maak 'n witsous deur die botter en meel saam te roer oor matige hitte tot 'n gladde pasta. Voeg die melk geleidelik by terwyl dit op die hitte is en roer na elke byvoeging weer glad met 'n ballonklitser (whisk). Sodra die witsous glad is en al die melk geïnkorporeer is, voeg al die kaas tegelykertyd by die mengsel en roer glad. Verwyder van die hitte. Roer die eiergele by.
Laat effe afkoel. Klits met 'n skoon menger of ballonklitser die eierwitte styf saam met 'n knippie sout.

Ongeveer 8 minute voor opdientyd, vou jy die styfgeklitsde  eierwitte by die kaassous in. Verdeel in 4 gebotterde ramekins bakkies. Vee met 'n skoon, nat vingerpunt die kant van die ramekins rondom skoon binnelangs sodat die soufflé-mengsel effens weggetrek is van die bakkie se binnerand. 

Plaas die 4 oorblywende pruime wat met 'n kruisie gesny is saam met die soufflé in die oond om effens te bak en oop te bars. So ook met die 4 heel vye. Bak vir 6 minute by 220 grade totdat dit mooi gerys en goudbruin bo-op is. 

Bedien onmiddellik saam met die sagte Brisket.

Wagyu-Burger met Sampioen Roosmarynbotter

Wagyu-Burger met Sampioen Roosmarynbotter

Bestanddele:
4 Wagyu bief burger patties of lekker dik vars handgemaakte patties van gewone maalvleis
4 lang sterk roosmaryntakkies
1 pak gesnyde sampioen-verskeidenheid 
1 potjie beesvleisgeur aftrekseljellie
100 ml Rooiwyn
1 wieletjie First Choice Feta
80 g sagte botter
1 E Vars roosmarynblare van die takkies gestroop
1 pakkie Shitake sampioene
15 ml Seedoil Roosmaryngeur Klapper- olie 

Metode:
Braai die patties stadig bruin en mediumgaar. Hou warm onder foelie.

Braai die sampioene saam met 'n paar roosmarynblaartjies in botter tot sag en bruin. Skep ongeveer 'n halwe koppie sampioene uit. Voeg die aftrekseljellie en die wyn by die sampioene in die pan. Laat indamp tot dit 'n lekker dik en souserige mengsel is. Verwyder van die hitte en laat effens afkoel.

Breek die feta in krummels by die sampioenmengsel in die pan. Dit moenie smelt nie. 

Meng die eetlepel vars roosmaryn, halfkoppie sampioene en 80 g botter met 'n stokmenger tot baie fyn.

Braai laastens die Shitake sampioene net effens sag in die klapperolie. 

Steek 'n skoongetrekte roosmaryntakkie deur elke pattie. 

Verdeel die sampioensous in 4 borde en plaas 'n pattie op elk. 

Skep roosmarynbotter bo-op saam met 'n Shitake sampioen as garnering en sprinkel die oorblywende Shitake sampioene rondom.

Gerookte Salm- en Rysslaai met Karamel-amandels, Groen Appel en Vars Druiwe

Gerookte Salm- en Rysslaai met Karamel-amandels, Groen Appel en Vars Druiwe

Bestanddele:
1 K bruin- en wilde rys met lensie-mengsel of 1 K Basmati-rys 
100 g gerookte salm snippers
1 lemmetjie of groen suurlemoen
50 ml Ohmegalicious Franse slaaisous
12 heel Amandels
3 t botter
2 E wit suiker
2 groen appels, ongeskil, in dobbelsteentjies gesny (hou in koue water met 'n klein bietjie suurlemoensap in)
Ongeveer 10 swart druiwekorrels, in wiggies gesny 

Metode:
Kook die rys of rysmengsel volgens die instruksies op die pakkie. Soek vier mooi salmsnippers uit en draai hulle in mooi rosie-vorms. Plaas in yskas. Snipper die oorblywende salm met 'n skêr fyner. Rasper die lemmetjieskil oor die salm en druk ook die sap daaroor uit. Meng die slaaisous goed daarmee en plaas in die yskas. Braai die amandels oor matige hitte in die suiker en botter. Laat hul op 'n koue oppervlak soos 'n marmer blok of broodpan koud word en kap dit grof. Sodra die rys afgekoel is, meng al die bestanddele en plaas 'n salmrosie bo-op vir die mooimaak.

Avokado- en Varkburgers met Bokmelk, Feta en Uiekonserf

Avokado- en Varkburgers met Bokmelk, Feta en Uiekonserf

Bestanddele:
4 avokados
8 geurige ongerookte varkworsies, vleis uit dermpies gestoot in in vier dele gedeel
½ stafie bokmelkkaas
1 sirkeltjie feta
2 groot uie, in skywe gesny
1 E Seedoil Roosmaryngeur Klapperolie
½ K suiker
100 ml wit asyn
4 klein komkommertijes, in sirkeltjies gesny
1 rooi ui, in skywe gesny 
200 ml wit asyn
2 E suiker
1 t sout
4 E sesamsaadjies, gerooster

Metode:
Begin met die uiekonserf deur die uie baie stadig in die klapperolie te braai. Wanneer dit goudbruin is, voeg die suiker en 100 ml asyn by. Laat afkook tot stroperig.

Vorm patties en braai hulle gaar in 'n klein bietjie botter en olie. 

Meng die feta en bokmelkkaas met 'n vurk tot romerig en gekombineer.

Verhit die 200 ml asyn, sout en suiker tot kookpunt. Verwyder van die hitte en sit die komkommerstukkies en rooi ui daarin. Laat afkoel.

Sny die avokados oorlangs oop, verwyder die pit en sny aan die onderkant van  4 van die halwes 'n klein stukkie af sodat dit mooi staan. 

Vul die holtes van die onderste avokado-halwe met die kaasmengsel en plaas 'n gaar pattie bo-op.

Skep uiekonserf oor, dan piekels en plaas die ander avokado-halwe bo-op. Sprinkel met geroosterde saadjies, sout en peper. Rond af met mikro slaaiblare wat effens met slaaisous besprinkel is.

Stokvis in Klappermelk en Mango-marinade met Mango Wangetjies

Stokvis in Klappermelk en Mango-marinade met Mango Wangetjies

Bestanddele:
4 stokvis-filette van ongeveer 150 g elk
1 blikkie 440 g klappermelk
2 vars lemmetjies, skil gerasper en sap vir uitdruk
100 ml Omegalicious Franse slaaisous
Vlees van 1 mango in blokkies gesny
5 ml gerasperde borriewortel
5 ml gerasperde gemmerwortel 
1 toontjie knoffel, gekap
Groen brandrissie na smaak (opsioneel)
Vars koljanderblare of Italiaanse pietersielie
Beetstokkies 
2 vars, ryp, maar ferm mangos, geskil en ‘wangetjies’ van 2 kante van die pit afgesny, langs die lengte van die pit
50 ml elk Botter en  Seedoil klapper-olie om die wangetjies bruin te braai
Sout en peper na smaak

Metode:
Blits die klappermelk, slaaisous, mangostukkies, borrie, gemmer, knoffel en rissie saam. Druk die lemmetjiesap uit in die marinade en roer dit deur saam met die lemmetjieskil. Giet marinade oor die vis en plaas in die yskas vir 'n uur. 

Plaas die vis en marinade in 'n oondvaste bak en bak in die oond vir 35 minute. Rooster dit van bo vir 10 minute tot goudbruin.

Wenk:
Jy kan ook die vis op 'n rooster op die vuur maak deur dit op foelie te sit. Indien jy 'n fermer vis soos geelstert gebruik, kan jy dit in 'n knyprooster braai. Indien jy die vis braai, kook die oorblywende marinade nadat jy die vis uitgehaal het in 'n kastrolletjie vir so 10 minute.

Braai die mango wangetjies op die snykant goudbruin in 'n mediumwarm pan met botter en klapper-olie (olyfolie is ook voldoende).

Bedien deur die vis bo-op die mango-wangetjies te rangskik, sprinkel beetstokkies oor en laastens koljanderblare of pietersielie. Geur met sout en peper en skep genoeg van die marinade rondom.
Copyright © Ontbytsake 2019 - All rights reserved.  |  Privacy Policy  |  Terms & Conditions
 site