By continuing, you are agreeing to our Terms and conditions as well as our Use of Cookies.

Garnale in 'n Saffraan Wit-botter-MCC Roomsous bedien op Geroosterde Blomkoolpuree

 Garnale in 'n Saffraan Wit-botter-MCC Roomsous bedien op Geroosterde Blomkoolpuree

Bestanddele:
24 Koning-grootte garnale
125 ml koue botter 
125 ml First Choice room 
125 ml Graham Beck Blanc de Blanc MCC
(of droë witwyn)
1 ml saffraanstringe
1 klein Blomkool fyn gekap
50 ml ekstra botter
Sout en peper

Metode:
Smeer die blomkool met botter en geur met sout. Plaas in 'n oondvaste bak en giet 'n klein bietjie water rondom die kool. Plaas in 'n warm (200 grade) oond om bruin en sag te rooster.

Maak die garnale skoon deur die lang dun baarde te verwyder en die rug oop te knip net sodat jy die derm kan uittrek. Spoel goed af en hou die koppe aan. Dit het baie geur. 

Verhit 'n klein bietjie van die botter saam met Seedoil se natuurlike Druiwepitolie oor matige hitte in 'n swaarboompan.Braai die garnale so 6 op 'n slag tot die vlees spierwit is. Verwyder die garnale.

Giet die vonkelwyn en saffraan nou in die pan en laat afkook tot omtrent net die helfte oor is of dit begin stroperig kyk. Gooi deur 'n siffie en raak ontslae van enige growwigheid of doppe in die sous. Plaas die sous terug in die pan. Warm net op en skakel die hitte af. Klop nou die res van die yskoue botter klontjie vir klontjie by die sous. Plaas die garnale terug in die warm sous. Hou warm maar moenie dit weer laat kook nie. 

Verwyder die Blomkool wanneer dit sag en bruin is en verpulp dit tot lekker fyn.

Bedien die garnale vir vier mense elk op 'n smeersel blomkoolpuree. 
Copyright © Ontbytsake 2020 - All rights reserved.  |  Privacy Policy  |  Terms & Conditions
 site