By continuing, you are agreeing to our Terms and conditions as well as our Use of Cookies.

Gestoomde Mossels in Vonkelwyn op Jongspinasie en Kruie-puree

Gestoomde Mossels in Vonkelwyn op Jongspinasie en Kruie-puree

Bestanddele:
24 vars of gevriesde heel swartmossels 
1 E First Choice botter 
½ ui, fyngekap
100 ml Vonkelwyn
Vars pietersielie, gekap

Jongspinasie en Kruie-puree:
750 g vars jongspinasie (baby spinach)
1 pakkie groen dillekruid
1 pakkie pietersielie
2 E First Choice Botter



Mayonnaise:
1 heel eier 
50 ml suurlemoensap of asyn
1 t aangemaakte mosterd
1 knippie sout
1 K ongegeurde Seedoil Druiwepit olie

Metode:
Plaas die mossels, uie en wyn in ‘n pan met deksel. Stoom oor matige hitte tot al die mossels oop is. Indien daar ‘n paar is wat nie opgaan nie, probeer dit liggies met ‘n mes oopmaak, maar indien dit BAIE styf toe is, verwyder dit uit die mengsel. Roer die botter deur en sprinkel met die gekapte pietersielie.

Maak die mayonnaise deur die eier, mosterd, suurlemoensap of asyn saam in ‘n staafmenger beker te sit. Begin dit meng en na ongeveer 30 sekondes, voeg ‘n klein bietjie olie by en meng weer vir 30 sekondes. Ek verkies om díe proses 4x te herhaal. Begin dan om die res van die olie in ‘n dun straaltje by die eiermengsel te voeg terwyl jy díe heeltyd meng totdat dit die dikte is waarvan jy hou.

Stoom die jongspinasie, dillekruid en pietersielie saam met ‘n halwe teelepel sout vir ongeveer 6 minute. Sit díe botter by en maak ‘n puree hiervan.

Bedien die mossels bo-op die spinasie en bedruip met die mayonnaise.
Copyright © Ontbytsake 2020 - All rights reserved.  |  Privacy Policy  |  Terms & Conditions
 site