By continuing, you are agreeing to our Terms and conditions as well as our Use of Cookies.

Fliektyd: 7 Desember 2019

Deur Leon van Nierop

Sal ek nou waag om iets negatiefs oor Frozen 11 te sê? Dis soos om ‘n Kersklapper te trek en “verras” te word met wat uitspring, al weet jy wat om te verwag. Dit ontwikkel die storie van die twee susters, Elsa en Anna, verder en neem hulle na die hart van die verysde towerwoud. 

As jy na Frozen 11 toe gaan en dieselfde sjarme as haar voorganger verwag, is jy terug in jou gemaksone. Dié slag word Elsa, met haar spesiale kragte om alles te vries, na ‘n woud aangetrek. Sy besef dat net SY die siele wat daar vasgevang is kan bevry. Die fliek gaan oor die krag van twee susters se liefde vir mekaar. Maar tussenin is daar genoeg kaperjolle en komedie om jou vir 2 ure lekker te laat springmielies eet. Frozen 11 herhaal haar suksesresep met mening, en word aanbeveel.

Kunsfliekgangers word telkens deur Pedro Almodóvar verras. Hierdie energieke, viriele regisseur se films skok en onthuts telkens. Maar Pain and Glory is meer bedaard. Dis die intieme belydenis van ‘n regisseur wat selfondersoek doen en besef: film IS sy lewe. Daarsonder beteken sy bestaan niks. 

Ou griewe, liefdes-teleurstellings en film as terapie, is die temas van die briljante Pain and Glory. Hier maak ‘n regisseur, gespeel deur Antonio Banderas, vrede met ‘n oud-minnaar wat hom in die steek gelaat het. Maar hy onthou ook sy liefde vir sy ma, en bring hulde aan sy eie loopbaan wat nou weer herleef. Pain and Glory is een van vanjaar se beste en mees veelbesproke rolprente! 

Onthou: Die besprekings vir Star Wars: Episode 9: The Rise of Skywalker is reeds oop. En Jumanji, The Next Level open op 12 Desember, ook in Xtreme en 4DX-teaters! Volgende jaar gesels ek oor die rolprentweergawe van CATS asook JUDY. Geniet jou Kersvakansie!
Copyright © Ontbytsake 2019 - All rights reserved.  |  Privacy Policy  |  Terms & Conditions
 site