By continuing, you are agreeing to our Terms and conditions as well as our Use of Cookies.

Landbounuus: 18 Januarie 2020

Landbounuus: 18 Januarie 2020

Vandag in die nuus: 
  • Nóg vier gevalle van bek-en-klouseer aangemeld; 
  • wolseisoen hervat op ’n goeie noot; 
  • trekkerverkope heelwat laer in twintig negentien; 
  • en droë weer plaas ’n demper op mangoseisoen.
Volgens ’n verklaring van die Departement van Landbou is vier gevalle van bek-en-klouseer sedert middel Desember verlede jaar aangemeld. Gevalle wat sedert die begin van die uitbreking in Limpopo as positief bevestig is, het dus nou gestyg tot vyftien. Die plekke waar die siekte bevestig is, is onder kwarantyn geplaas. 

Die twintig negentien, twintig twintig-wolseisoen, het verlede week hervat met ’n aanbod van twaalfduisend vyfhonderd een en tagtig bale, waarvan ses en negentig komma een persent verkoop is. Die mark het met vier komma drie persent verbeter, teen ’n waarde van eenhonderd ses en sewentig rand, sewe en veertig sent per kilogram skoonwol.

Volgens die Suid-Afrikaanse Landboumasjinerie-assosiasie, was die trekkerverkope van driehonderd nege en veertig eenhede in Desember verlede jaar, twintig persent minder as die eenhede wat in Desember tweeduisend en agtien verkoop is. Verkope vir die tweeduisend en negentien kalenderjaar was ook aansienlik minder as vir die vorige jaar. 

Volgens ’n berig van Fresh Plaza, word die huidige mangoseisoen in Suid-Afrika belemmer, deur die droë weer in Tzaneen, Ofcolaco en Letsitele, waar slegs ’n derde van die normale somerreënval geval het. Produksie is reeds dertig persent laer as verlede jaar, met die oes wat meer as twee tot vier weke vroeër as gewoonlik begin het. 
Copyright © Ontbytsake 2020 - All rights reserved.  |  Privacy Policy  |  Terms & Conditions
 site