By continuing, you are agreeing to our Terms and conditions as well as our Use of Cookies.

Landbounuus: 21 November 2020

Landbounuus: 21 November 2020

Vandag in die nuus: 
  • Noord-Kaapse windplaas begin kommersiële bedrywighede; 
  • Astral Foods kondig finansiële resultate aan; 
  • La Niña dalk slegte nuus vir Oos-Afrika; 
  • en KWV stap met gesogte wyntitel weg.
Die eerste bodfase vier windkragaanleg in die Noord-Kaap, het onlangs met sy kommersiële bedrywighede begin. Die Kangnas-windkragaanleg is buite Springbok geleë, en sal genoeg skoon energie opwek, om krag aan meer as eenhonderd en vyftig duisend gemiddelde Suid-Afrikaanse huishoudings te voorsien.

Astral Foods Limited het vandeesweek sy resultate vir die jaar geëindig dertig September gerapporteer. Die bedryfswins het in die eerste helfte van dié periode met agt komma vyf persent gestyg. Groepinkomste vir die verslagtydperk het met vier komma ses persent gestyg, tot veertien komma een miljard rand. Die bedryfswins het met vyf persent afgeneem.

Volgens die Australiese Buro vir Meteorologie, is ’n La Niña-verskynsel waarskynlik, tot minstens Februarie twintig een en twintig. Volgens Wandile Sihlobo van Agbiz, kan sekere streke in Afrika egter droë toestande ervaar. Die huidige La Niña-gebeurtenis kan dus die risiko van ’n swak landbou-oes vir lande soos Kenia, Somalië en Ethiopië, tot gevolg hê. 

KWV se The Mentors Orchestra 2018, het gedurende die onlangse Veritas-toekennings, met die Vertex-toekenning vir die algehele kampioenwyn weggestap. Dié toekenning was die hoogtepunt van verrigtinge, en dit is die eerste keer dat ’n rooiwyn dié trofee verower. Daar was vanjaar bykans eenduisend driehonderd inskrywings vir die kompetisie.
Copyright © Ontbytsake 2020 - All rights reserved.  |  Privacy Policy  |  Terms & Conditions
 site