By continuing, you are agreeing to our Terms and conditions as well as our Use of Cookies.

Landbounuus: 8 Desember 2018

Landbounuus: 8 Desember 2018

Vandag in die nuus: 
  • Verkope van langlewemelk groei; 
  • sluikhandel bedreig tabakbedryf; 
  • verslapte waterbeperkings ’n verligting vir Wes-Kaapse boere; 
  • en só het wildveilings vanjaar presteer. 
Kleinhandelverkope van langlewemelk het in die jaar tot einde September, met twaalf komma agt persent gestyg. So sê die Suid-Afrikaanse melkprosesseerdersorganisasie, Sampro. Die rakprys het in dieselfde tyd met drie komma agt persent gedaal. In die jaar tot September, was verkope van vars melk egter drie komma nege persent laer. 

’n Nuwe verslag deur Ipsos dui aan, dat tabakprodukte wat in die informele kleinhandelsektor onder die minimum belasting betaalbaar verkoop is, van Junie-maand tot nou, van drie en dertig komma een persent, tot een en veertig komma agt persent gestyg het. Kenners meen dat tabaksluikhandel ’n direkte bedreiging vir meer as driehonderd en vyftig plaaslike tabakplase is. 

Soos onlangs deur die burgemeester van Kaapstad, Dan Plato, aangekondig, is waterbeperkings in Kaapstad op 1 Desember verslap. Boere kan voortaan negentig persent van hul normale waterkwota gebruik. Agri Wes-Kaap sê die landbousektor kan hiermee die skade wat deur ernstige watertekorte veroorsaak is, tot ’n mate herstel.

’n Verslag van Terratek dui aan dat die veilingsomset van wildveilings, van een komma ses miljard rand in tweeduisend en sewentien, na sewehonderd en vyftig miljoen rand in tweeduisend en agtien gedaal het. Vlaktewild het tydens die tweeduisend en agtien seisoen die beste gevaar. Daar is egter steeds ’n relatiewe sterk vraag na hoëwaarde-wild en kleurvariante. 

Copyright © Ontbytsake 2018 - All rights reserved.  |  Privacy Policy  |  Terms & Conditions
 site