By continuing, you are agreeing to our Terms and conditions as well as our Use of Cookies.

Woodlands Dairy

Woodlands Dairy in Humansdorp, het in 1995 begin as ‘n verpakkingsaanleg vir die verpakking van slegs UHT, oftewel langlewe melk - en is nou, 20 jaar later, een van die grootste enkel verwerkings-aanlegte in Suid-Afrika, van ‘n wye reeks suiwelprodukte. Woodlands maak steeds UHT of langlewe produkte byvoorbeeld: melk, Gegeurde melk, Vla, Room, Vars melk en Botter.Verder produseer hulle Kase soos Gouda en Cheddar, Fetakaas, proseskaas en Melkpoeier.

“Woodlands Dairy” bly vandag nog ‘n familiebesigheid en hulle is trots op hulle kwaliteit, veilige en betroubare produkte. Hulle glo daarin om langtermyn verhoudings en vennootskappe te bou en integriteit is die maatskappy se belangrikste waarde – hulle lewer persoonlike diens. Vandag skep Woodlands Dairy werk vir ongeveer 1000 personeel en hulle erken die belangrikheid van hulle mense. Hulle glo in spanwerk en aanspreeklikheid. Die werksverhoudings is oop en almal word gerespekteer. Hulle personeel is bates; en hulle kliënteverhoudings is beleggings.

Verder is die Woodlands Dairy vroeër vanjaar bekroon met die gesogte “SA Dairy Champion-toekenning” vir sy First Choice botter. Die wenners van die kampioenskap is aangekondig by die gesogte DuPont Qualité Toekenningsdinee op 22 April 2015 by die “Grand West” in Kaapstad. Woodlands Dairy en FIRST CHOICE neem goedheid na die volgende vlak deur middel van hulle onwrikbare verbintenis tot die waarborg van natuurlike goedheid in elke produk en die feit dat hulle, hul suiwelprodukte hier, in die hartjie van die Oos-Kaap, bly verbou.
Tipe Besigheid:Melkery
Adres:Humansdorp
Kontaknommer:042 200 3400
Copyright © Ontbytsake 2017 - All rights reserved.  |  Privacy Policy  |  Terms & Conditions
 site