By continuing, you are agreeing to our Terms and conditions as well as our Use of Cookies.

Diaz Hotel en Oord

Die Diaz Hotel en Resort is die grootste en enigste Hotel in Mosselbaai wat op ‘n sandstrand geleë is – slegs 10 meter van die hoogwatermerk. Dis mos net waar jy wil wees!

Hier is 81 gemaklike, ruim kamers; 5 suites en 6 selfsorgeenhede beskikbaar teen bekostigbare  tariewe, wat met sorg voorberei word vir jou droomvakansie.  

Die Diaz Hotel & Resort beskik ook oor 3 afsonderlike funksie- en onthaalsale wat tussen 10 tot 500 gaste kan akkommodeer vir daardie spesiale geleentheid of werkskonferensie.

Vanaf die kamers kan jy die asemrowendste sonsopkoms geniet en in die aande aan die slaap gesus word met die gedruis van branders in jou ore.

Smul-etes is aan die orde van die dag met watertandgeregte en tuisgebak wat met trots voorberei en bedien word.  

‘n Gimnasium om die ekstra kilojules af te skud na die lekker eet, is ook op die perseel. 

Hier is ‘n fantastiese waterpark met ‘n groot verskeidenheid glybane en selfs ‘n binneshuise swembad!  

Vir die perfekte familie-vakansie, romantiese naweek of korporatiewe besoek, is die Diaz Hotel en Resort beslis die antwoord!
Kontaknommer:044 692 8400
Copyright © Ontbytsake 2017 - All rights reserved.  |  Privacy Policy  |  Terms & Conditions
 site