4 Hoenderborsies

30 ml Live like N druiwepitolie

50 ml Botter

50 ml Suurlemoensap

50 ml Gekapte pietersielie

2,5 ml Sout

Swartpeper

 1 Pak spinasieblare

250 ml Roomkaas

150 ml Cheddarkaas, gerasper

2 E Mayonaise

2   Pere

1   Pynappel

50 ml Soetsuur rissie-sous (Sweet Chilly Sauce)

250 ml koeskoes

 1 t Sout

15 ml Live like N Olyfolie

2 E Botter

30 ml pietersielie, fyn gekap

50 ml Soetsuursous

Ontbeen die hoenderborsie en behou ‘n dik filet. Meng die druiwepitolie, gesmelte botter, suurlemoensap en sout. Maak die vulsel gereed, deur die roomkaas, gerasperde cheddarkaas, gebraaide spek en mayonaise goed te meng. Plaas die vleis en kaasmengsel terug in die yskas om koud  te bly.

Maak die koeskoes gaar, soos op die pakkie aangewys en meng later wanneer dit uitgeswel is met die botter, soetsuursous en gekapte pietersielie.

Sny die pynappel in klein blokkies asook die pere. Meng met bietjie suurlemoensap sodat die pere nie verbruin nie en meng die soetsuursous by. Plaas in die yskas om koel te bly. 

Om die hoenderfilet te vul, kan jy of die filet aan die eenkant oopsny om vulsel in te sit of ‘n skerp mes gebruik om die fillet vanaf die bokant oopsny sodat dit ‘n sakkie vorm. Plaas die kaasmengsel binne die filet en maak of vas met tou of tandestokkies sodat die vulsel nie uitbraai nie. Plaas die filette in ‘n pan of oondbak in vooraf verhitte oond van 180 grade.

Bak vir 10 minute en draai om, hou dop en bak nog so 7 tot 10 minute of tot vleis gaar is. Haal uit en berei die sous in die oondbak se sous deur nog ‘n bietjie botter en suursous by te voeg. Gebruik dit later om die fillet te bedruip wanneer jy die hoender klaar op die koeskoes geplaas het. Garneer met spinasieblare en plaas peer en pynappel salsa in apparte klein bakkies op die bord, langs die koeskoes en hoenderfilet. Meng altyd jou garnering met ‘n klein bietjie olyfolie, dit smaak heerlik en laat blare vars en glansend lyk.

Swaarboompot

Skerp mes

Paar Lamineerplastiek velle

Koekroller of plat vleishamer

Kleefplastiek

                                          

Beesfilet

Druiwepitolie

Vars aarbeie

Roketblare

Ingelegde kappertjiesaad

Balsamiese reduksie

Olyfolie

Suurlemoensap

Berei die volgende vooraf voor:

Sny die seenings van die beesfilet af en rol dit op in kleefplastiek. Plaas in ‘n koue yskas oornag. (Volstruis en wildsvleis kan ook gebruik word.)

Maak die Mosterd Roomkaas en plaas dit ook in die yskas. (resep onder)

Berei die Olyfolie-marinade voor en plaas terug in die yskas. (resep onder)

Gooi Druiwepitolie in die pan en maak die pan goed warm. Seël die beesfilet net so heel reg rondom. Dit verseker dat bakterie op die vleis se oppervlakte vernietig is. Moenie die vleis probeer gaarmaak nie.Laat vleis weer goed afkoel. Neem die skerp vleismes en sny filet in 6 mm dik skywe. Plaas die skywe tussen die lamineerplastiek wat gesmeer is met olyfolie. Neem jou koekroller en kap die vleisskywe liggies plat. Rol dit dan verder nog dunner uit met die koekroller. Verhoed ten alle tye dat jy die vleis so hard kap of rol dat die vleis skeur. Die vleis moet heel bly, maar papierdun wees. Hou die vleisskywe per bord tussen die lamineerplastiek. Net voor opdiening gaan jy die vleisskywe op die opdieningsbord rangskik en die Olyfolie-marinade oor die vleis verf.

Berei die Roketblare deur dit af te spoel en droog te skud. Net voor opdiening sprinkel ‘n mengsel van asy, olyfolie en suurlemoensap oor. Spoel die aarbeie onder lopende water af en druk goed droog met vadoek. 

Vorm nou die langwerpige balletjies met die roomkaas, sodat dit ook gereed is vir opdiening.

Gebruik sover moontlik altyd ‘n interessante bord wat die gereg komplimenteer. Jy plaas die filetskywe mooi neer op die bord. Die olyfolie-marinade word oor elke vleisskyf geverf. Plaas die aarbeie op die bord, asook die Mosterd Roomkaas Quenelle. (Quenelle is die woord vir die vorming van die langwerpige roomkaas balletjie)

Plaas die roketblare op die bord en gooi ‘n paar kappertjiesade oor die vleis. Sprinkel twee draaie, gemaalde swartpeper oor die gereg.

2 Kg  Gerookte Varkboud  (Ontbeen en in ‘n vleisnet)

5 cm lengte gemmer geskil en in skyfies gesny

1 Groot ui, geskil en fyn gekap 

3 Wortels, geskil en fyn gekap

10 Swartpeperkorrels

3 Lourierblare

GEEN SOUT WORD BY ‘N GEROOKTE VARKBOUD GEGOOI NIE.

Los die bou in die net, spoel af onder koue water en plaas in ‘n diep pot met die gemmer, ui, wortels, swartpeperkorrels en lourierblare. Vul die pot met KOUE WATER, tot dit heeltemal bedek is. Plaas die pot op die stoof en laat kook. ‘n Varkboud kook gemiddeld 30 minute per 500 gram, so ‘n 2 kg boud gaan twee uur kook. Vul die water in die pot aan deur die loop van die kookproses, sodat die boud altyd onder water is.

Verwyder die pot van die plaat na die kooktyd en laat die boud afkoel in die aftreksel waarin dit gekook het. Laat afkoel tot die punt waar jy die boud kan uitlig met jou hande sonder om jou hande te brand. Die boud moet warm bly. 

Knip nou die vleisnet versigtig los en verwyder dit. Sny die harde vel van die boud se bokant af met ‘n skerp mes.  Terwyl die boud warm is, sny die vel maklik af. Werk versigtig maar vinnig, sodat die vetlaag egalig bly, sonder happe in. Daar moet nog van die vet onder die vel op die boud oorbly, so 1,5 tot 2 cm vetlagie. Plaas die boud in ‘n oondpan wat uitgevoer is met ‘n foelie en met “Spray ‘n Cook” gespuit is.

Gebruik ‘n skerp mes en maak vlak insnydings, slegs om ‘n merk te maak,  in die vetlaag. Die patroon word ‘n halwe sentimeter uitmekaar diagonaal gesny. Moenie te diep in die vet in sny nie, die insnyding is net vir versiering en moenie veroorsaak dat die vetlaag met die bakproses afgly van die boud nie.

Sprinkel ‘n klein bietjie sout oor die vetlagie. Skep die wortelstukke in die aftreksel rondom die boud. Vou die foelie rondom die boud sodat net die vetbolaag oop bly, gooi 50 ml aftreksel op die wortels. Dit voorsien vog sodat die boud nie uitdroog terwyl die vetlaag bros en goudbruin bak nie.

Plaas die boud in die oond en bak teen 170 grade tot die boonste vetlaag bros en bruin gerooster is. Hou jou oog op die oond, want dit kan maklik brand. 

50 ml Heuning

30 ml Sagte bruinsuiker

15 ml Balsamiese asyn

Meng alles goed, sodat die suiker oplos.  

Sodra die vetlagie bros en bruin gebak is, smeer jy die mengsel oor die hele boud met ‘n kombuiskwassie.

Haal die boud uit die oond en vou die foelie weer oop, smeer die mengsel (Glaze) al om die boud en bo-oor die vetlagie. Plaas die boud terug in die oond en stel die hitte na 160 grade, maar hou die bakproses fyn dop, want die soet smeermengsel, kan baie vinnig swart brand. 

Haal uit sodra boud mooi vertoon en laat rus vir 10 minute, voordat dit gesny word. 

Aantal Porsies: 4-6  mense

Wenk: Gebruik kapokaartappels/rys of ‘n Ciabatta broodjie as stysel

Drankie Voorstel: Pinotage 

1 kg Scott fillet of Rump in repies gesny. (goeie sagte gehalte)

30 ml Druiwepit Live Like N olie. 

2 Groot uie, baie fyn gekap.

500 g Sampioene, in skuifies opgesny

250 ml  Vars Suurroom  of  Creme Fraiche

125 ml Vleisaftreksel

1 Medium suurlemoem

7,5 ml Tobasco  sous

5 ml Heelkorrel  Mostert

2 ml Sout

2 ml Swartpeper

150 ml Gekapte Pietersielie

60 ml Wyn of Brandewyn, opsioneel

Gooi olie in jou pan, seël en verbruin die beesrepies. Moenie te veel roer, dit veroorsaak water. Haal die vleis uit pan en hou eenkant.

Voeg die gekapte uie in pan en braai tot ligbruin. Voeg die sampioene, suurlemoen, room, sout, peper, vleisaftreksel, heelkorrel mosterd en Tobasco in die pan. Roer tot alles lekker gemeng is en laat kook vir ongeveer 2 minute tot die smake ontwikkel.

Voeg laastens die vleis terug in die pan en laat kook vir ‘n verdere 2 minute.  Voeg ‘n halwe koppie gekapte pietersielie by en meng deur net voor opdiening.

Dien jou stroganoff op met ‘n jou stysel van jou keuse.

2 k bruismeel

6 E suiker

4 E olie

½ t sout

2 eiers

1 t bakpoeier

1 k melk 

Sif meel, bakpoeier en sout saam, meng suiker in. Klits eiers liggies en voeg olie en melk by. Klits tot gemeng. Voeg eiermengsel by meelmengsel, maar moenie tee veel meng nie. Spuit pan met ‘Spray n Cook’ of gebruik olie. Skep eetlepels vol beslag in pan. Bak ‘n minuut aan elke kant. 

2 pakkies Rugspek

125 ml Muscovado suiker

80 ml Stroop

200 ml Lou Koffie

Meng al die boonste bestanddele saam, en gooi marinade oor die spek wat in ‘n bak geplaas is vir ongeveer 30-60 min. Braai die spek in ‘n braaipan of oond tot bros en gaar. Die marinade wat oorbly kan afgekook word tot ‘n glansstroop en gebruik word vir garnering. Moet dit nie op te hoë hitte kook nie, anders sal die koffie brand.

1 Houer Maaskaas of Roomkaas vir smeer op plaatkoekies

Vars kersies

Roketblare

First Choice kersiestroop

Pekanneute

Plaas ‘n plaatkoekie op die bord. Smeer van die maaskaas oor die warm plaatkoekie. Volgende die bros spek, daarna van die roketblare en kersiestroop. Herhaal weer die stappe, daarna vir versiering, plaas net maaskaas en vars kersies met stroop as garnering. Gebruik die stroop en pekanneute om jou bord te versier. 

6 Medium Lamskenkels

4 Groot uie opgesny in blokkies

4 Medium wortels

3 Sakkies Koffie, oopgesny

2 t Brandrissie-vlokkies

2 t grof gemaalde swart peper

2 t growwe Himilaya sout

4 t vars gekapte basiliekruid blare (2  t droë basiliekruid)

4 t vars fyngekapte roosmaryn (2 t droë roosmaryn)

60 ml Balsamiese asyn (‘n gegeurde asyn soos met vye)

6 Coffee Excelence Espresso’s (500 ml)

200 g ontpitte dadels

Vars groot dadels, 2 per skenkel

Vars kersies 3 tot 4 per skenkel

Kapokaartappels

Groen Mikroblare

Fyn dun groenboontjies

Grasuie om bondeltjies mee te bind.

Braai die skenkels bruin in druiwepitolie om die vleis te seël dat die vog behoue bly en ook geur in jou pot te kry. Plaas eenkant en braai die uie in die pot tot die uie se reuk vrygestel is. Knoffel is opsioneel.

Cup a Ground, uit die sakkie gegooi

Growwe Pienk Himilaya of gewone Sout

Grofgemaalde swartpeper

Vars of droë basiliekruid

Vars of droë roosmaryn (Ek verkies altyd vars kruie.)

Meng goed en vryf of smeer nou hierdie speserymengsel oor die gebraaide skenkels en plaas terug in die oondpan saam met die uie. Voeg die dadels by. Voeg ook twee wortels in die oondpan, dit help om die vleis se vog te behou. Gooi die espresso 500 – 700 ml koffie in die oondskottel saam met die vleis. Plaas die deksel op en bak vir twee ure teen 180 grade.

Draai die skenkels om na 1 uur en maak ook seker dat die vog genoeg is om skenkels stadig te laat gaar bak. Met enige oondgebakte vleissnit, hou jy jou oog daarop om oond se temperatuur en vog te reguleer. Terwyl skenkels verder gaar bak, berei kapokaartappels voor en skep in ‘n spuitsak. Die groente wat saam bedien kan word, is groenboontjies. Sny ewe lank en blansjeer, bind in bondeltjies saam.

Vars dadels word in helfte gesny en saam met die vars kersies en die vleis sous opgedien. 

Oond / Stoof Temperatuur: Medium hitte 160 grade

Aantal Porsies: 6-8  mense

Wenk: Gebruik rooibostee ipv water of extrak

Wynvoorstel:  Aan de Doorns Pinotage

2 kg Bees Borstuk (Brisket) 

20 ml Live like N Olyfolie

2 blikkies Tamatie-puree

1 k Pinotage-wyn

1 k Rooibostee

3-4 groot uie fyngesny

1 k gedroogde pruime

2 E vars tiemie

½ k pruimsap

Sout en swart peper

6-8 aartappels saggekook

60 ml room

60 ml melk

Sout peper 

botter

Verbruin die borstuk aan albei kante in ‘n pan en plaas in ‘n oondbak. Braai die uie in olyfolie en voeg AL die ander bestanddele in die pan en laat prut vir ongeveer 5 minute. 

Gooi  al die bogenoemde bestanddele oor die vleis in die oondbak. Plaas in die oond op 180 grade vir die eerste 2 ure, daarna kan jy dit afstel na 160 grade vir res van tyd. 

Kyk so ongeveer elke 2 uur na die vog in jou oondbak en indien dit vloeisof kortkom, kan jy nog rooibostee byvoeg. Die beste is as jou vleis amper heeltemal onder die vloeistof is vir eerste 4 ure, daarna sal die sous self verdik. 

As jy die oondbak uithaal na jou kook/bak tydperk, haal die vleis uit die sous en plaas op ‘n bord. Gebruik ‘n vurk, en vlok dit uitmekaar, plaas dit dan weer terug in die oondbak om met die sous te meng en geur. 

Dien op saam met kapokoaartappels. 

Oond / Stoof Temperatuur: Medium Hoë hitte

Aantal Porsies: 4-6  mense

Wenk: Gebruik ‘n hout-paplepel oor pot om te verhoed dat water oorkook.  

Wynvoorstel:  

De Grendel Koetshuis – Sauvignon Blanc

4 Hoenderborsies opgesny in groot stukke

5 ml Italiaanse spesery 

2.5 ml Sout en Peper

3 ml droë rissievlokkies of Druiwepit Rissie-olie (Live like N Chillie oil)

2 ml vars knoffel

125 ml room

125 ml melk

125 ml verouderde kaas of parmesan kaas

40 ml Vars suurlemoensap

1 pakkie langsteel Broccoli of aspersie

1 pakkie klein portobellini sampioene 

Botter of olyfolie om te braai.

1 pak Penne Pasta

Sout + peper

Olyfolie

Vars tiemie

1. Neem die hoenderborsies en sny in groot stukke.

2. Sout en spesery nou die hoenderborsies met Italiaanse spesery, sout, peper, droë rissievlokkies.

3. Voeg olyfolie in die pan, braai hoender aan albei kante tot goudbruin.

4. Voeg gekapte uie en knoffel ook in pan en braai verder vir 'n paar minute.

5. Gooi die room en melk by en laat prut vir paar minute tot hoender gaar is. 

6. Voeg laastens die vars suurlemoensap en verouderde kaas by en roer vir oulaas. 

7. Braai die langsteel broccoli en sampioene in 'n aparte pan vinnig en voeg sout en peper by.

8. Jy kan die broccoli vooraf blansjeer.

9. Kook die pasta tot 'al dente'.

10. Voeg olyfolie, vars tiemie sout en peper in en roer goed. 

Plaas die gaar pasta in hopies op die bord.

Die gaar hoenderborsie word bo-op pasta geplaas, daarna die broccoli en sapioene.

Bedruip met van die sous oor jou dis.

Garneer met vars suurlemoen, vars tiemie en peper.

24 Koning-grootte garnale

125 ml koue botter 

125 ml First Choice room 

125 ml Graham Beck Blanc de Blanc MCC

(of droë witwyn)

1 ml saffraanstringe

1 klein Blomkool fyn gekap

50 ml ekstra botter

Sout en peper

Smeer die blomkool met botter en geur met sout. Plaas in 'n oondvaste bak en giet 'n klein bietjie water rondom die kool. Plaas in 'n warm (200 grade) oond om bruin en sag te rooster.

Maak die garnale skoon deur die lang dun baarde te verwyder en die rug oop te knip net sodat jy die derm kan uittrek. Spoel goed af en hou die koppe aan. Dit het baie geur. 

Verhit 'n klein bietjie van die botter saam met Seedoil se natuurlike Druiwepitolie oor matige hitte in 'n swaarboompan.Braai die garnale so 6 op 'n slag tot die vlees spierwit is. Verwyder die garnale.

Giet die vonkelwyn en saffraan nou in die pan en laat afkook tot omtrent net die helfte oor is of dit begin stroperig kyk. Gooi deur 'n siffie en raak ontslae van enige growwigheid of doppe in die sous. Plaas die sous terug in die pan. Warm net op en skakel die hitte af. Klop nou die res van die yskoue botter klontjie vir klontjie by die sous. Plaas die garnale terug in die warm sous. Hou warm maar moenie dit weer laat kook nie. 

Verwyder die Blomkool wanneer dit sag en bruin is en verpulp dit tot lekker fyn.

Bedien die garnale vir vier mense elk op 'n smeersel blomkoolpuree. 

24 vars of gevriesde heel swartmossels 

1 E First Choice botter 

½ ui, fyngekap

100 ml Vonkelwyn

Vars pietersielie, gekap

750 g vars jongspinasie (baby spinach)

1 pakkie groen dillekruid

1 pakkie pietersielie

2 E First Choice Botter

1 heel eier 

50 ml suurlemoensap of asyn

1 t aangemaakte mosterd

1 knippie sout

1 K ongegeurde Seedoil Druiwepit olie

Plaas die mossels, uie en wyn in ‘n pan met deksel. Stoom oor matige hitte tot al die mossels oop is. Indien daar ‘n paar is wat nie opgaan nie, probeer dit liggies met ‘n mes oopmaak, maar indien dit BAIE styf toe is, verwyder dit uit die mengsel. Roer die botter deur en sprinkel met die gekapte pietersielie.

Maak die mayonnaise deur die eier, mosterd, suurlemoensap of asyn saam in ‘n staafmenger beker te sit. Begin dit meng en na ongeveer 30 sekondes, voeg ‘n klein bietjie olie by en meng weer vir 30 sekondes. Ek verkies om díe proses 4x te herhaal. Begin dan om die res van die olie in ‘n dun straaltje by die eiermengsel te voeg terwyl jy díe heeltyd meng totdat dit die dikte is waarvan jy hou.

Stoom die jongspinasie, dillekruid en pietersielie saam met ‘n halwe teelepel sout vir ongeveer 6 minute. Sit díe botter by en maak ‘n puree hiervan.

Bedien die mossels bo-op die spinasie en bedruip met die mayonnaise.

600 g volstruis-maalvleis

Sout en peper 

1 blik ontpitte swart kersies 

100 ml Pinotage

50 ml Roosmaryngeur druiwepitolie

6 ryp rooi vye

1 pak jongspinasie 

1 pakkie pieterselie 

1 pakkie basiliekruid 

1 E First Choice botter 

Verdeel die vleis eweredig en maak kleinerige frikkadelle. Braai dit bruin in die Seedoil Roosmaryngeur olie. Gooi die kersies en wyn by. Snipper 2 van die vye daarby in en plaas in ‘n warm oond (190 grade C) vir 30 minute.

Maak diep kruise in die oorblywende vye en plaas ‘n klontje botter op elk. Skakel oond oor na rooster en plaas die vye by die vleis in die oond.

Stoom die spinasie en kruie net-net sag, geur met botter en ‘n bietjie Roosmaryn- of Rissiegeur Seedoil druiwepitolie. Verpulp goed.

Bedien die frikkadelle op die verpulpte groente en garneer met geroosterde vy en kersiesous.

400 g gerookte skelvis (haddock)

1 blikkie gerookte mossels

1 bossie spriet-uie, wit gedeeltes fyn gesny

1 K witwyn

1 K First Choice room

Basiliekruidblare

Pietersielie

50 ml Suurlemoengeur Druiwepitolie

1 pak (800 g) skulpie pasta

Kook die pasta tot net sag en verfris dit onmiddellik in koue water. Hou eenkant.

Sny die vis van die velletjies af (indien verkies) en dan in blokkies. Plaas die vleis saam met die gekapte sprietuie en olie in 'n pan en maak liggies aar. Giet die wyn by en laat opkook. Voeg die mossels en room by. Roer goed deur en laat indamp vir so 3 minute. Roer die pasta versigtig by die sous en bedien warm. Garneer met gesnipperde Basiliekruidblare, pietersielie en die gesnipperde groen deel van die sprietuie.

• Maak seker al die seningrige harde wit stukkies is afgesny van die kant van die filet. 

• Sny medaljes van so 5 cm elk. 

• Sout en peper. Rol die filetstukke in sout en peper op ‘n  bord om seker te maak dit is eweredig versprei. 

• Rol elke filetstuk in meel. Skud ekstra meel af.

• Smelt botter en ‘n skeut olie in ‘n medium-warm pan.

• Braai filetstukke ongeveer 3 minute aan elke kant.

• Sit nou die smalkant van die filitstukke op bodem sodat dit oraloor braai. Ongeveer 1 minuut.

• Verwyder kleiner stukke en los die groter stukke nog ‘n bietjie in die pan. 

• Dit moenie brand nie. Net mooi gaar word, goudbruin aan die buitekant en sappig aan die binnekant.

• As jy nog nie reg is om te bedien nie, plaas vleis in ‘n oondbak voorverhit tot so 150 grade. 

Bedien met pikante amandelsous, geglasuurde wortels en ‘n eenvoudige roketslaai

5cm/duimgrootte knop vars gemmer, rof gekap

1 k gladde amandelbotter

 2 E varsuitgedrukte suurlemoensap

1 E heuning

1 t gerookte paprika( daai fancy blou blikkie van spanje – dit maak nogals ‘n groot verskil aan die smaak)

¼ t rooipeper

Sout

Varsgemaalde swartpeper

1/3 koppie yskoue water

Kap die gemmer fyn in ‘n voedselverwerker op die polsfunksie. Gooi water eerste in voedselverwerker. Anders sit die amandelbotter aan die bodem vas. Voeg die amandelbotter, suurlemoensap, paprika, heuning en rooipeper by die water en verwerk op die polsfunksie. Voeg meer water by per eetlepel vol om die sous te verdun soos nodig, totdat dit mooi glad is. Onthou om die kante van die voedselverwerker af te skraap om al die bestanddele lekker te meng. Voeg sout en peper na smaak by en pols weer ‘n paar keer. Proe hoe dit smaak en pas sout en peper aan na smaak. Jy kan hierdie sous tot 3 dae voor die tyd maak. Hou dit in yskas en bring tot kamertemperatuur voor gebruik. As jy dit bietjie meer byt wil gee, gebruik meer rooipeper. Vervang die heuning met Esdoringstroop(maple syrup) om hierdie sous veganisties te maak. Jy kan dit gebruik by enige gebraaide vleis, oor geroosterde groente asook as slaaisous. Vir slaaisous kan jy nog yskoue water byvoeg en dit meng tot weer glad en dunner en giet dit oor jou slaai!

½ k Amandelvlokkies, rou

30 g botter

800 g babawortels, geskil en mooigemaak

2 t fyngerasperde lemoenskil(zest)

¼ t (60ml) lemoensap(druk sommer van dieselfde lemoen vars sap uit)

2 E droë witwyn

2 E Esdoringstroop(maple syrup)

Smelt botter in ‘n groot pan en laat die wortels sag kook daarin tot amper gaar. Voeg die lemoenskil, lemoensap, wyn en stroop by en bring tot kookpunt. Verminder die hitte, prut onbedek, totdat al die vloeistof amper verdamp het en die wortels sag en gekarameliseerd is. Voeg vir die lekkerte nog so klontjie botter oor die wortels net voor jy dit van die hitte afhaal. 

In ‘n skoon droë pan, op mediumhitte, rooster die amandelvlokkies. Roer nou en dan sodat die vlokkies oraloor ‘n pragtige bruin kleur kry en nie vasbrand nie en hul geur verdiep.

Bedien die wortels bestrooi met die pangeroosterde amandels

Bedien 4-6

2 E Olyfolie

2 E vars suurlemoensap

1/8 t sout

Varsgemaalde swartpeper

 5 gepakte koppies roketblare

2/3 k dungesnyde Parmesaankaas

Klits die olyfolie, suurlemoensap, sout en ‘n bietjie gemaalde swartpeper saam in ‘n groot bak. Voeg die roketblare by en roer die vinaigrette deur sodat al die blare bedek is. 

Strooi die parmesaansnye bo-oor en bedien dadelik.

Jy kan die slaaisous tot 5 dae voor die tyd maak en stoor in ‘n lugdigte houer in die yskas. Klits net weer voor gebruik. 

Jy kan ook die parmesaankaas vervang met verouderde kaas. Hoe langer die kaas verouder is, hoe lekkerder. So “mature’ of “vintage”kaas is lipleklekker by roketblare met hierdie eenvoudige slaaisousie.

1.3 kg heel Garnale /1 kg garnaalsterte met skelet- skelet gee en behou great geur na die braai in borrie

200 g uie (+-3) in dun skywe gesny

30 g knoffel fyngekap (braai net 'n kort rukkie anders word knoffel bitter – voeg dus by net voordat tamaties bygesit word)

30 g vars gemmer, fyngekap 

6 skeplepels olyfolie

1 gelyk eetlepel borriepoeier

4 takkies Tiemie

Tamatie-konsentraat

750g fyngekapte tamatie(+-6/7 redelike grotes)

1 teelepel suiker 

Plaas tamaties in ‘n bak met kookwater. Bedek heeltemal, want dit sal help met die skil aftrek. Sny ‘n klein kruisie onderkant en trek die skil af. Kap in fyn blokkies. 

Braai die garnale in olyfolie in ‘n swaarboompan so 10 cm diep sodat die sous nie oor die rant kook nie.

Wanneer die garnale bruingebraai is na so twee tot drie minute vir klein Mosambiekse garnale. (moenie te lank kook nie, want dit maak die garnale pap), voeg ‘n gelyk lepel borrie by die pan. Roer garnale en borrie goed deurmekaar om die borrie goed te laat braai. Verwyder garnale van die pan, bedek en hou eenkant tot nodig.

In dieselfde kastrol waarin die prawns gebraai is, braai nou die uie, tiemie, gemmer met growwe sout en gemaalde peper (verkieslik wit) in nog olyfolie. Die uie moenie bruinbraai nie, net lekker sag en voeg die knoffel by en braai vir nog so ‘n minuut. Voeg fyngekapte tamaties by en laat prut 10-15 minute. Tydens kook, mag jy dalk ‘n klein koppie water moet byvoeg en klein teelepel tamatie-konsentraat indien nodig. Hierdie sal afhang van die tamaties se rypheid en soetheid. As die tamaties te bleek is, voeg gerus die konsentraat by om die sous ‘n lekker kleur te gee. 

Pas sout en peper na smaak aan en dalk teelepel suiker om die suur van die tamaties te breek. Net nodig as die tamaties nie lekker ryp is nie. Voeg garnale by en kook vir 10 minute. 

Bedien met witrys (Basmati is heerlik) en chillie/salsa bysous. As jy koolhidrate vermy of dophou, kan jy Blomkoolrys hierby maak. Dit smaak net so lekker. 

+-12 sprietuie of minder afhangend van die grootte (ek het sommer ‘n pakkie wit salad onions van Woolies gebruik)

1 klein bruinui

4 chillies (soos Birdseye of Thai chillies- brandrissies) kan chillie paste ook gebruik as vars chillies nie beskikbaar is nie

Sout

Vars gemmer fyngekap, so duimgrootte knop 

1 groot lepel witwynasyn

3 groot lepels sonneblomolie/of enige ander neutrale olie soos avocado-olie, Seedoil se natuurlike druiwepitolie. NIE OLYFOLIE NIE

Kap sprietuie en ui in fyn skyfies en blokkies. Voeg by gemmer, fyngekapte chillies en sout. Voeg olie en asyn by en maak so ‘n vinaigrette. Los dat dit rukkie intrek sodat die chillie in die asyn/olie mengsel intrek. Bedien as bysous/bykos. Jy kan die chillies uitlos of minder gebruik of die sade uitskraap vir minder hitte na smaak. Hierdie bysous/salsa is wonderlik by Indiese kerries, braaivleis en sommer enigiets anders wat jy so ‘n bietjie wil opkikker.  

800 g Calamari-repe

Knoffelgeur Druiwepitolie

First Choice botter

1 knoffeltoontjie 

1 K droë witwyn

2 ryp tamaties, in blokkies gesny

6 blaartjies vars basiliekruid opgerol en in repe gesny

2 E kappertjiesaad

1 klein pakkie swart olywe

½ soetrissie in blokkies gesny 

1 K Bruin Basmati-rys

4 K water

2 t sout

Fyngekapte pietersielie

Roosmaryngeur Seedoil Druiwepitolie 

Week die rou Basmati-rys in die water vir 15 minute en bring tot kookpunt. Laat vinnig kook vir 12-15 minute. Gooi meeste van die water af. Voeg sout by. Skud die kastrol effens. Bedek met 'n droë skoon vadoek. Plaas die deksel stewig op en laat staan op die plaat met laagste stelling.

Braai die Calamari-repe bruin in die Knoffelgeur olie en botter. Kap 1 toontjie knoffel fyn en voeg by indien verkies. Giet die wyn by en laat opkook. Voeg die tamatie en soetrissie by. Laat stowe vir ongeveer 35 minute. Voeg die kappertjiesaad en olywe by en stowe nog so 10 minute.

Bedien op die rys en rond af met 'n paar druppels Roosmaryngeur druiwepitolie en gekapte pietersielie.

1 pakkie makriel-filette

1 kleinerige liggerookte salmfilet (of forel)

+- 10 aarbeie (3 mm skyfies gesny en dan in dobbelsteentjies gekap)

5 skywe komkommer (3 mm dik gesny en dan in dobbelsteentjies gekap)

3 groterige radyse (ongeveer dieselfde grootte dobbelsteentjies as komkommer en aarbei)

Sap en skil van 4 lemmetjies

Vars pietersielie of koljanderblare, grof gekap

3 E suurlemoengeur druiwepitolie 

Ongeveer 1 ½ K avokado-pulp

1 skyfie First Choice Fetakaas

50 ml First Choice room 

Sny die vis netjies van die vel af en in 2 cm grootte blokkies. Meng die vis met die lemmetjiesap en laat staan in die yskas vir ten minste 30 minute, maar nie langer as 'n uur nie. Meng al die bestanddele liggies. 

Verpulp die Fetakaas, room en avokado glad.

Verdeel die avokado op die borde en maak 'n hartjievorm of 'n sirkel. Rangskik die Ceviche daarop. Bedien yskoud.

800 g heel beesfilet in netvet toegedraai

2 E First Choice botter vir braai 

3 E Seed Oil Natuurlike Druiwepitolie 

1 houertjie biefaftreksel-jellie

100 ml rooiwyn 

3 E Worcestersous 

3 blokkies sout drop (licorice)

2 E klein yskoue botterblokkies

Verskeidenheid bessies soos bloubessies, swartbessies en frambose

1 pakkie rou beetstokkies 

1 klein rooi ui in dun skyfies gesny

Sap van 2 lemmetjies

Seed Oil Roosmaryngeur Druiwepitolie

2 tiemietakkies, gestroop

First Choice pepergeur Fetakaas

Verbruin die vleis alkante in 'n warm pan, sonder om die netvet te brand, maar ook so dat dit genoeg vet uitbraai. Gooi die vet af. Verplaas die vleis na 'n oondpan en sit in die oond by 160 grade C om verder gaar te word soos verkies. Toets die fermheid van die vleis, as dit nog lekker sag is wanneer jy daaraan druk, is dit nog ligter gaar. Hoe fermer, hoe gaarder. Verwyder uit die oond en laat rus vir 10 minute. 

Terwyl die vleis in die oond is, gebruik die pan waarin die vleis verbruin is om die sous te maak. Gooi die rooiwyn en Worcestersous in die pan en laat prut. Roer die drop en die bief-ekstrakjellie by. Roer gedurig oor mediumhitte sodat die drop smelt. Giet laastens die vleissous wat vorm terwyl die vleis gerus het by die sous, roer deur en verwyder van die hitte. Roer nou die koue botterblokkies by. 

Meng al die bestanddele vir die slaai saam met die tiemieblaartjies. Sprinkel met die Roosmaryngeur olie en Lemmetjiesap.

Sny die vleis in mooi skywe, skep sous mildelik oor en bedien saam met die Bessieslaai.

500 g Gerookte salm afsnystukkies, gesnipper

4 mediumgrootte aartappels, ongeskil en sag gekook

25 ml First Choice botter vir braai

15 ml Seed Oil Druiwepitolie

2 groot groen appels, ongeskil, in vuurhoutjie-grootte stokkies gesny

3 jong komkommers, ongeskil, in vuurhoutjie-grootte stokkies gesny 

5 ryp grenadellas

4 lemmetjies

15 ml suurlemoengeur druiwepitolie 

250 ml First Choice room 

1 bossie vinkeltoppe, gekap

Sny die aartappels in 10 mm dik ronde skywe. Verhit die botter en druiwepitolie op mediumhitte in 'n pan. Plaas net genoeg aartappelskywe om die bodem te bedek en braai hulle stadig goudbruin aan albei kante. Sprinkel met sout en laat effens afkoel.

Druk die sap van 1 lemmetjie oor die appel en komkommerstokkies. Krap die pulp van 2 grenadellas oor die stokkies uit en meng laastens die suurlemoengeur druiwepitolie deur.

Sprinkel met sout.

Maak suurroom deur die room met sap van 1 lemmetjie te meng. Skaaf ook met 'n rasper van die lemmetjieskil by die suurroom.

Sny die oorblywende 3 grenadellas middeldeur en sprinkel die gekapte vinkel oor elke helfte. 

Breek die aartappels in growwe brokkies. Meng die gesnipperde salm met die aartappels. Skep suurroom onder in 6 mooi borde. Plaas 'n hopie aartappel en salm bo-op die suurroom. Sprinkel die appelstokkie-mengsel oor en rondom die salm. 

Bedruip laastens met sous wat oorbly nadat jy al die stokkies uitgehaal het, rondom die slaai. Garneer met 'n oopgesnyde grenadella-helftes.

6 lamslende-tjops

1 takkige roosmaryn, gestroop en gekap

2 E Roosmaryngeur Seed Oil Druiwepitolie

1 E First Choice botter

Sout en Peper

6 ryp pruime

½ K bosbessies (cranberries)

2 E First Choice botter in blokkies gesny

½ K Jakkalsvlei Merlot

400 g Murgpampoentjie-Spaghetti 

600 g Jongspinasie-blare

4 E First Choice botter 

2 eiergele

⅓ van 'n 500 g blok First Choice botter, gesmelt en die skuim afgeskep 

2 E lemmetjie- of suurlemoensap

1 E Seed Oil Suurlemoengeur Druiwepitolie 

Steek die tjops se lang kant met 'n tandestokkie in die dik gedeelte vas sodat dit 'n ronde skyf vorm. Smeer die tjops alkante in met die Roosmaryngeur olie. Sprinkel met sout en peper en laastens die vars roosmaryn. Verbruin die tjops in 'n warm pan waarin jy die botter gesmelt het en braai ook die vetkante deur dit met 'n braaitang vas te hou. Plaas in 'n oondvaste bak en laat rus totdat jy dit onder 'n warm oondrooster gaan bros bak.

Sny 'n kruisie aan die bokant van elke pruim en plaas 'n klont botter daarop. Plaas dit in 'n oondvaste bak. Sprinkel die bosbessies rondom en giet laastens die Merlot by. Bak in die oond by 190 grade Celsius tot oopgebars en die wyn en bosbessies borrelend saam 'n sous vorm.

Stoom die murgpampoentjies spaghetti in 'n pan met 'n deksel net sag maar ferm, saam met ongeveer 3 E water en 1 E botter. Hou warm. 

Stoom ook die spinasieblare nadat jy dit gewas het met 'n bietjie botter maar geen water. Verwyder van die hitte sodra dit net-net verwelk en sag word.

Maak hollandaise-sous:

Meng die eiergele en lemmetjies in 'n mengbak wat op 'n klein kastrolletjie pas. Plaas die kastrol half gevul met water op 'n medium warm plaat en sit die mengbak daarop. Giet die warm gesmelte botter stadig by en hou die melkerigheid onder in die botter, agter. Roer heeltyd met 'n ballonklitser totdat die sous dik en blink is.

Net voor bediening rooster jy die tjops bros en bruin. Bedien die spinasie bo-op die murgpampoentjie spaghetti en skep hollandaise sous bo-oor en rondom. Plaas 'n tjop bo-op en 'n pruim heel bo-op of langsaan. Skep die bosbessiesous oor en garneer met vars roosmaryn.