500-600 g beesfilet in stukke gesny 

(marineer met sout olyfolie en suurlemoensap) 

80 -120 g botter 

2 E gewone meel

Sout na smaak

2 t fyn knoffel

250 ml room

125 ml – 200 ml volroommelk

300 g gemengde Cheddar- en Mozzarella-kaas

2-3 E Parmesaankaas

Basiliekruid-pesto 

Bruinbrood snytjies

Fyngekapte Pietersielie en swartpeper vir garnering

Braai jou filetstukkies op ‘n warm plaat tot amper mediumgaar. Dit moet nog ‘n paar minute in die oond en dit word daar ook verder gaar. Plaas eenkant tot benodig.

Maak die witsous deur die botter in ‘n pan of pot te laat smelt.  Braai die knoffel saam vir ‘n minuut, voeg die sout en meel by en meng deur tot dit gebind het. Haal af van die plaat vir ‘n oomblik en voeg jou melk en room by die meelmengsel. Gebruik ‘n handklitser of ‘whisk’ om die meelmengsel tot glad te meng. Plaas terug op lae hitte tot die melkmengsel glad is. Hou aan roer tot die sous verdik en haal af. 

Die knoffel-roomsous moet redelik loperig wees, so jy kan nog melk byvoeg indien nodig. Haal af van die plaat en hou eenkant.

Plaas die vleis in die holtes van die slakbakkies. Sit ‘n halwe lepel pesto op elke stukkie en dan die knoffelroomsous. Gooi die gemengde kaas en parmesaankaas oor. Plaas in die oond op 200 grade tot kaas gesmelt is. 

Garneer met pietersielie en swartpeper en bedien saam met snytjies bruinbrood.

Plaat Temperatuur: Medium

Aantal Porsies:  4 mense

8 Murgpampoentjies

6 x Grasuie

1 ½ groen appel

1 k seldery

2 x 28 g ‘Knorr new Stock Pot’ aftreksel 

½ k pietersielie

2 t gemmer

250 ml room

15 ml suurlemoensap

Halwe Camembert

Neut- en saadmengsel

Pietersielie

Ciabatta knoffelbroodjie

Ekstra Camembert-skyfies

Metode: 

Braai die grasuie gemmer, seldery, groenappel en pietersielie. Laat stoom die murgpampoentjies in ‘n oondsakkie vir ongeveer 6 minute. Sodoende behou dit die groen kleur. 

Voeg die vloeistof in die pot en plaas die gestoomde murgpampoentjies ook daarin. Laat prut vir ongeveer 8 minute. Voeg die Camembert, room en suurlemoensap by. Gebruik ‘n voedselverwerker en verpulp die sop tot glad. Dien die sop op en garneer soos verkies of met die bestanddele hierbo genoem.

800 g – 1 kg lamskenkels 

125 ml meel

Sout en peper

1 groot ui, fyn gekap

2 blikkies tamatie

1 k water of hoenderaftreksel (Hou vog dop kan nog byvoeg indien nodig)

1 blikkie klappermelk

1 pakkie Rajah “Dry cook in sauce” Butter Chicken 

1 E masala 

1 t Borrie

½ t vars gemmer

½ t vars knoffel

Ekstra Sout en peper na smaak

Vars tiemie of roosmaryn 

125 ml gewone jogurt of room

1 kg baba -artappels saggekook

125 ml botter

Olyfolie

Pietersielie, fyn gekap

Sout

6-8 vars knoffelhuisies

Vars pietersielie of koljander

Gewone Joghurt 

Meng die meel met sout en peper en rol die lamskenkels daarin.  Maak seker die vleis is goed bedek met die meel. Braai nou die skenkels in ‘n pan/pot of die braaibak wat  jy gaan gebruik tot dit verbruin. Voeg al jou water en ander nat bestanddele in die pot asook die kruie en speserye. Laat kook of oondbak die vleis vir minstens 3 ure. Hou net elke uur jou vog dop sodat jou vleis nie droog kook nie. Heel laaste voor opdiening kan jy, indien verkies, die jogurt of room byvoeg vir ekstra romerigheid. Bedien met gebraaide aartappels, rys of stampmielies.

Kook die baba-aartappels, vooraf in in water tot sag. Laat smelt olie en botter in ‘n pan saam met die platgedrukte knoffelhuisies. Voeg die aartappels by en laat dit op ‘n lae hitte braai vir ongeveer 10-15 min tot goudbruin en krakerig. Bedien saam met jou lamskerrie. 

6 Paasbolletjies

6 snye gerookte kaas 

Camembert kaas

Mengsel van groen kraakvars blare (spinasie en kool fyn gesny) 

2-3 E Mayonaise

Rooipeper in repies gesny

Rooi ui in repies gesny

500 g lamsvleis

Sout en peper na smaak

2 t Kerriemengsel 

Olyfolie

Jimmy’s sous 

Meng die gemaalde lamsvleis met sout, peper en kerriemengsel. Deel die vleis in ses dele en maak balletjies en druk dan plat in ‘n “pattie”. Verf met koskwas ‘n bietjie olie en Jimmy’s sous en braai op ‘n roosterplaat tot mediumgaar.  Indien jy dit goed gaar verkies, kan jy dit vir nog 8 minute op 180 grade in die oond sit. Hou eenkant en laat rus die patties tot benodig.

Neem nou die kraakvars blare, rooi uie en soetrissie en meng in groot glasbak met die mayonnaise. Sny die paasbolletjies en rooster die paasbolletjies aan albei kante. Plaas die blare onder, dan die pattie en dan die gerookte cheddar en camembert kaas. Plaas die bokant van die paasbolletjie op. Sit voor op jou bord.

Ontbeende hoenderdye 

Rooi uie

Pynappelstukke

Gekoopte Teriyaki-sous

Sprietuie, fyn gekap

Sesamsaad

Dubbelroom gewone jogurt

Marineer die hoender in die Teriyaki-sous vir 30 minute. Ryg die kebabstokkies met hoender, pynappel en rooi uie. Braai op ‘n warm roosterplaat tot goudbruin. Indien dit nog nie heeltemal gaar is nie, kan jy dit in die oond plaas vir ongeveer 8-10 minute op 180 grade. Net voor opdiening, smeer nog teriyaki-sous met ‘n koskwas oor die kebabs. Smeer die jogurt en een eetlepel vol oor die opdienbord as garnering, plaas die kebabs op die bord en sprinkel sprietuie en sesamsaad oor die kebabs. 

4 k sterk witbroodmeel

2.5 ml fyngemaalde kaneel

50 g ongesoute botter, in klein stukkies gesny

50 g strooisuiker

1 sakkie droë gis

1 eiergeel

120 ml water

60 ml melk

45 ml heuning

45 ml First Choice ‘caramel dessert topping’

40 g ongesoute botter, gesmelt

4 E gladde maaskaas

50 g ligte muscovado (bruin) suiker

175 g donker sjokoladeskyfies

75 g gekapte neute (2 soorte van jou keuse) 

Smeer 'n diep 23 cm pan. Sif die meel en kaneel in 'n bak en vryf die botter met jou vingerpunte in totdat die mengsel soos growwe broodkrummels lyk.

Roer die suiker en gis by. In 'n beker of bak, klits die eiergeel met die water en melk, en roer geleidelik by die droë bestanddele, met 'n rondelemmes, om 'n sagte deeg te maak.

Knie die deeg op 'n oppervlak wat liggies met meel bestrooi is tot glad en rol dan uit tot 'n reghoek van ongeveer 40 x 30 cm.

Vir die vulsel, smeer die deeg oral oor met die gesmelte botter en maaskaas en sprinkel eweredig met die suiker, sjokolade en gekapte neute.

Rol die deeg van een lang kant af op en sny in 12 skywe. Pak naby mekaar in die pan met hulle snykante na bo. Bedek en laat staan op 'n warm plek vir ongeveer 1½ uur tot goed uitgerys en veerkragtig. 

Voorverhit die oond tot 220 grade.

Bak vir 30-35 minute tot goudbruin. Haal uit die pan en laat afkoel op 'n draadrak. 

Smeer met heuning en ‘caramel dessert topping’ terwyl dit nog warm is. Trek sirkels uitmekaar om te bedien.

168 g wit baksjokolade, grof gekap

¼ k romerige grondboontjiebotter

2 E kakao

113 g botter versag

150 g suiker

2 groot eiers, kamertemperatuur

1 t vanielje-ekstrak

¾ k koekmeel

½ k kakao

½ t koeksoda

¼ t sout

½ k karingmelk

250 ml espresso

84 g halfsoet-sjokolade, gekap

⅓ k room

3 E romerige grondboontjiebotter

Smelt sjokolade in die Mikrogolf teen 70 % krag vir 1 minuut en roer. Mikrogolf vir bykomende 10 tot 20 sekonde tussenposes en roer tot glad. Voeg grondboontjiebotter by en meng goed. Bedek en laat verkoel vir 15-20 minute of tot ferm genoeg om balle te vorm. Maak twaalf balletjies; rol in kakao en hou eenkant.

Verroom botter en suiker in ‘n groot mengbak tot lig en donsig. Voeg eiers een vir een by en klits goed na elke byvoeging. Voeg vanielje by en meng deur. 

Meng die meel, kakao, koeksoda en sout. Voeg geleidelik by geroomde mengsel om die beurt met karringmelk en koffie en meng goed.

Vul 12 papier-gevoerde muffin-pannetjies twee derdes vol. Plaas ‘n truffel in elkeen en moet dit nie afdruk nie. Bak by 180 grade totdat 'n tandestokkie wat in koekgedeelte gesteek word skoon uitkom. Dit behoort so tussen 15-20 minute te wees. 

Laat afkoel vir ongeveer 10 minute voordat jy dit van die pan na 'n draadrak verwyder word om heeltemal af te koel.

Smel die sjokolade met room in 'n swaar kastrol oor lae hitte terwyl jy aanhoudend meng.  Verwyder van die hitte; roer grondboontjiebotter by tot glad. Gooi die mengsel oor na 'n kleiner bak; laat afkoel tot dit ‘n smeerkonsekwentheid bereik. Versier kolwyntjies en stoor in die yskas.

6 filet-medaljes

Sout en peper

Olyfolie

Basiliekruid-pesto

Vars vye

Vars Swartbessies

Vars tiemieblare

6-8 medium Aartappels (Kook dit vooraf sag indien verkies -verkort jou kookproses)

200 g ongesoute botter

30 ml olyfolie

Vars roosmaryn

Vars tiemie

8-10 Knoffelhuisies

Sout en peper

Een blokkie hoender of groente aftreksel in 250ml water

250 ml rooiwyn

1 rooi ui, fyn gekap

80 ml First choice Bessie dessert topping (enige ander Bessie puree sal ook werk)

Sout en peper

2 E meel met bietjie water om sous te verdik

Neem jou filet-medaljes en geur met olyfolie sout en peper, braai op warm plaat aan albei kante tot mediumgaar. Laat jou filet rus vir ongeveer 5 minute voor opdiening.

Vir jou fondant-aartappels, skil die aartappel en sny kante van die aartapel plat. Sou jy verkies kan jy die aartappels sag kook in water, dit sal jou kookproses redelik verkort. Maak die olie in jou pan warm, op lae hitte. As dit warm is, plaas die aartappels in jou pan, met plat kant na onder. Braai vir ongeveer 5-7 minute aan elke platkant tot goudbruin. Dan kan jy die botter in die pan plaas. Gooi ook die knoffel, roosmaryn en tiemie in die pan en geur goed met sout en peper. Gooi die hoender- of groente aftreksel versigtig in die pan. Wees versigtig dit mag dalk spat met die botter in die pan. Plaas die deksel op en laat dit prut vir ongeveer 20 minute indien vooraf sag gekook. Indien nie, sal jou kookproses langer neem, tot aartappels sag is.

Vir die rooiwyn-bessiesous, kan jy die uie in bietjie olie of botter braai tot sag, voeg dan die rooiwyn, bessiesous, sout en peper by. Om die sous te verdik kan jy die meelmengsel bygooi en oor stadige hitte laat prut vir 5 minute. Gebruik ‘n verpulper om jou sous tot ‘n gladde tekstuur te kry. (Die sous kan vooraf gemaak word.) 

Nou kan jy die bord opdien volgens jou voorkeur of gebruik die foto as verwysing vir opdiening. 

300 g ‘crabsticks’

300 g skoon garnale 

1 suurlemoen

3 E knoffelbotter

2 E pietersielie, fyn gekap

1 eiergeel

1 E vars suurlemoen

1 t witwynasyn 

Knippie sout

1 t Dijon-mosterd

125 – 200 ml olyfolie

2 groen appels in repies gesny

2-3 avokado’s

200 g mikrokruie of klein slaaiblare

Paar dille-takkies

1 Blok Hardekaas soos parmesaan of edamkaas 

Maak seker jou seekos is ontvries voor jy dit gaarmaak, anders vorm dit te veel water. Braai die garnale en ‘crabsticks’ (1 ‘crabstick’ in 4 dele gesny) in ‘n warm pan met botter, suurlemoen en vars pietersielie tot gaar. Hou eenkant tot benodig.

Vir die kaasmandjies kan jy ‘n groenteskiller gebruik en lang repies maak en dit in ‘n vierkant op ‘n bakplaat en bakpapier plaas. Sit dit in die oond op ‘n hoë temperatuur, 200 grade, en laat die kaas smelt tot amper goudbruin. Sodra die kaas reg is, haal uit die oond en gebruik ‘n eierspaan om dit op te tel en vorm dit rondom ‘n sousbotteltjie wat plat lê. Pasop dit is baie warm en sodra dit afkoel kan die kaas nie meer buig nie. Laat dit heeltemal afkoel en jou kaasmandjie of rolletjie sal so bly.

Vir die mayonnaise, gooi die eiergeel, suurlemoensap, asyn, sout en mosterd bymekaar. Klits goed en voeg die olyfolie bietjie vir bietjie by terwyl jy aanhou klits tot ‘n stywe mayonnaise vorm.

Berei jou slaai voor en hou eenkant.

Neem nou al jou elemente en plaas dit op die bord volgens jou keuse. 

Vleis:

1 Groot Spar ‘T&T Salt Beef’

4 Selderystokkies

2 Wortels

1 Groot ui, in kwarte gesny

3 Lourierblare

Sout en peper na smaak

6 Ciabatta Baguettes

First Choice gladde maaskaas

2 Uie, in halwe ringe gesny en gekaramaliseerd

1 Komkommer in linte gesny (gebruik jou groenteskiller)

125 ml Granaatpitte

1 pakkie Bronkors (Watercress) 

80 ml Mayonnaise

125 ml First Choice gewone dubbelvet-jogurt  

30 ml Olyfolie

Swartpeper en sout

2 t Mosterd (gewoon of korrel)

2 E Heuning

Plaas die vleis en ander bestanddele in ‘n diep pot, bedek met water en laat kook vir ongeveer 2-3 ure, afhangende van die grootte van die vleis. Laat afkoel en sny in dun skyfies. 

Vir die sous meng jy al die bestanddele saam en plaas eenkant tot benodig.

Plaas die baguette in die oond teen180 grade vir ongeveer 5 minute net om lekker warm en vars te wees.

Om die broodjie te bou, sny dit oop, gebruik die maaskaas as smeermiddel. Plaas die vleis in die broodjie, dan die gekarameliseerde uie, sous, komkommerlinte, bronkors, granaatpitte met sout en peper vir afronding.

Bedien volgens jou keuse.

Klein Glasbotteltjies:

- Groen olywe

- Rosa tamaties

- Tandestokkies

- Feta in blokkies gesny

- Teelepelpunt basieliekruid-pesto

Peuselhorinkies:

- Salami

- Salami-stokkies

- Soutbeskuitjies

- Groen olywe 

- Pers/swart olywe

- Agurkies

- Vars roosmaryn 

- Camembert kaas

- Droë Broodstokkies

Peuselhappie-bootjies:

- Droëwors

- Neute

- Vars vye 

- Vars swartbessies

- Ronde pretzels

- First Choice Baby Gouda en Cheddar

Pak al die lekkernye op jou bord of houertjies soos jy verkies en volgens jou eie voorkeur.

1 verouderde rump van Spar

Sout en peper

Olyfolie

1 vars suurlemoen

1 bakkie First Choice gladde maaskaas

1 pakkie roketblare

2 hande vol rooikool, fyn gekap

1 First Choice Camembert kaas

2 groot rooi uie, 

Balsamiese asyn

60 ml mayonnaise

2 t Verde-sousmengsel van 3 vars kruie, sout, peper en olyfolie - (koop sommer by Supermark as jy dit nie self wil maak) 

Berei die vleis voor met olyfolie, suurlemoen, sout en peper. Braai op ‘n vuurwarm plaat of pan vir 4 min aan beide kante sodat die vleis steeds pienk en mediumgaar vertoon. Laat jou vleis ‘n paar minute rus voor jy dit in repies sny.

Sny die rooi uie in ringe, braai in bietjie olyfolie tot gaar. Voeg sout en peper na smaak by en voeg laastens die balsamiese asyn by en laat dit daarin braai. Hou eenkant tot benodig.

Sny jou pita of hamburger oop en maak dit warm of rooster op die plaat vir ‘n paar minute. Gebruik die maaskaas as ‘n smeermengsel en smeer op die brood of aan die binnekant van die pita. Gebruik die roket en rooikool as bed vir jou vleis.

Sny die camembert in repies. (Dit sny makliker as jy dit verkoel hou in die yskas tot net voor opdiening). 

Die mayo en verde-sous word net saam gemeng en hou eenkant tot benodig.

Pak die pita of hamburger volgens jou keuse en voorkeure met al die bestanddele bo-op mekaar en bedien.

1 pak bevrore ertjies

2 wiele feta

Sout en peper

2 E botter

4-6 medium aartappels

Aartappelspesery 

Olyfolie 

1.2 kg stokvis

2 k rysmeel of aartappelmeel (jy koop dit by die gesondheids-afdeling in die supermark of gewone koekmeel werk ook – jou degie gaan dan net meer dig wees)

10 ml bakpoeier

1 eier

15 ml visspesery

Sout en peper na smaak

125 ml ekstra meel

1 bottel donker bier

2 suurlemoene in wiggies gesny

Grasuie vir garnering

Laat ontvries die ertjies, verhit in die mikrogolf en krummel die feta bo-oor. Voeg botter by en druk dit fyn met jou aartappeldrukker. Hou eenkant tot benodig.

Sny die aartappels in wiggies en kook sag. Pak uit op ‘n bakplaat en strooi aartappelspesery, olyfolie en sout oor. Bak in die oond teen 200 grade vir ongeveer 20 minute tot goudbruin.

Laat die vis ontvries sodat al die water uit is. Meng die meel, visspesery, bakpoeier, sout en peper goed en voeg die eier en net genoeg bier by sodat dit ‘n ietwat loperige doopmengsel vorm. Jy gaan nie die hele bier gebruik nie, so gooi bietjie vir bietjie by totdat jy die regte loperige mengsel verkry. Dit moet steeds dik genoeg wees om ‘n lagie om die vis te vorm. 

Doop eers die vis in die 125 ml droë meel en dan in die loperige mengsel. Maak seker die pan met vlak olie is warm genoeg en braai aan albei kante tot gaar. As jy wil seker maak die vis is gaar of die braaitydperk in die pan wil verkort, kan jy die vis vooraf stoom, sodoende verkort die kookproses in die pan en braai jy slegs die degie tot goudbruin en gaar. 

Plaas al die elemente in jou bord en geniet dit.  

1 pak skilferkors (puff pastry)

1 eier

1 pak Spar mini hoenderborsfilette

1 E Sojasous, 

Sout en peper

2 E Suurlemoensap

2 E Olyfolie

1 pakkie murgpampoentjies

1 bakkie roomkaas of maaskaas

2 wiele Feta

Grasuie, fyn gekap

Laat ontvries die skilferkors, rol uit, sny dun repies van elke kant af en sit weer bo-op die kante van die skilferkors om ‘n raampie te vorm. Plaas op ‘n bakplaat met bakpapier en smeer die skilferkors met geklitse eier.  Bak teen 200 grade tot gaar. Plaas eenkant tot benodig.

Meng die roomkaas en die feta tot ‘n gladde tekstuur. Smeer dit op die gebakte skilferkors. 

Laat marineer die hoender in die sout, peper, suurlemoensap, olyfolie, en sojasous en maak dit gaar op ‘n roosterpan. Plaas die hoender eweredig verspreid bo-op die gesmeerde kaasmengsel. 

Was die murgpampoentjies en gebruik jou groenteskiller om linte van die heel murgpampoentjies te sny. Rol die linte op en plaas bo-op die skilferkors tussen die gaar hoenderstukkies.

Sprinkel met grasuie, sout en peper en ‘n bietjie olyfolie en bak in die oond vir ‘n verdere 8-10 minute tot goudbruin en gaar.

Sny in stukke en bedien volgens jou keuse.

Vars en gaar beet, (ongeveer 6 bolle)

2 wiele feta, in repies gesny

1 pakkie sampioene 

1 pakkie mini eiervrug

1 pakkie baba murgpampoentjies

1 pakkie gesnyde botterskorsie, saggekook

1 pakkie skoongemaakte blomkool

Pak al die groente op ‘n bakplaat en voer uit met bakpapier. Gooi sout, peper of groente-spesery oor en sprinkel genoeg olyfolie oor al die groente. Plaas die groente in die oond en laat rooster tot goed gaar op 200 grade vir ongeveer 25 minute. Hou eenkant tot benodig.

1 koppie Quinoa, gaar gekook soos op pakkie se aanwysings met ‘n bietjie gekapte pietersielie, ‘n eetlepel botter en sout.

1-2 pakkies Halloumi, in repe gesny en gebraai op jou roosterpan, plaas eenkant tot opdiening.

80 ml olyfolie

1 t sojasous

Sap van 1 lemmetjie

30 ml balsamiese asyn

2 E heuning

Sout en peper

Meng alles saam. 

Pak al die gaar bestanddele in rye en in die rondte van jou opdienbakkie of bord en garneer met ‘n vars kruie en bedruip met die sous. 

6 Kassler-tjops

1 t sojasous

60 ml ‘First Choice Passion Fruit Dessert Topping’

20 ml heuning

20 ml olyfolie

Sap van ½ suurlemoen

1 t mosterd

½ t growwe swartpeper

Meng alles saam, smeer oor die vleis en laat staan vir ongeveer 20 min of jy kan dit vooraf ook marineer en in yskas plaas. Braai die vleis op jou roosterplaat tot gaar aan albei kante en laat afkoel, Sny in repies en hou eenkant tot benodig.

1 Pakkie Baba spinasieblare

2 groot Mango’s (Vervang Mango’s met droë appelkose of perskes indien verkies)

125 ml gedroogte Bosbessies (Cranberries)

125 ml Pistasieneute

1 E Dille, fyn gekap

1 vars granadilla

Meng al die bestanddele in ‘n glasbak en voeg die vleis by. Bedien op ‘n bed van spinasieblare met gemaalde swartpeper oor. 

Oond / Stoof Temperatuur: Hoë hitte

Aantal Porsies: 3- 4 mense

1 pakkie kitsgis 

¾ k louwarm water vir die gis

½ E suiker

2 k koekmeel

¾ t sout

½ t suiker

Gooi die louwarm water in ‘n mengbak, maak seker die bak is ook louwarm (as jou mengbak koud is bring dit dadelik die temeratuur van jou water af na koud en dit het ‘n invloed op die gis). Meng die suiker en die pakkie kitsgis met die water. Laat die brousel vir so 5-7 minute staan en ontwikkel.  Voeg die meel stadig by en laat die menger sy werk doen todat dit ‘n bal gevorm het, of knie vir 5-8 minute lank met jou hande. Laat die deeg rus todat dit verdubbel het in grootte, knie af en rol uit tot verlangde grootte.

1 blikkie tamaties 

1 mediumgroot ui

Sout en peper

30 ml tamatiesous

30 ml blatjang

10 ml bruinsuiker

Bietjjie olie vir uie

Braai die uie tot goudbruin, voeg al die ander bestanddele saam en laat kook vir ongeveer 5 minute op mediumhitte.

Neem ‘n voedselverwerker of verpulper en maak seker jou tamatiesmoor is glad met geen groot stukke daarin nie.

300 g beesmaalvleis

1 medium ui, fyn gekap

Handvol droë bosbessies (cranberries)

1 pakkie Knorr Bobotie geurmengsel

30 ml blatjang 

10 ml tamatiesous

 

Braai die ui tot goudbruin., voeg die maalvleis by asook al die ander bestanddele en braai en laat prut tot gaar.  Plaas die bobotie eenkant tot benodig.

- Pizzadeeg, uitgerol

- Tamatiebasis

- Mengsel van Mozerella- en Cheddar-kaas, gerasper

- Origanum 

- Bobotie vleismenggsel 

- Vars koljander

- Gevlokte amandels

Smeer die tamatiebasis oor die uitgerolde rou pizza deeg. Gooi genoeg kaas oor en dan gooi jy van die origanum oor en heel laaste sprinkel jy van die bobotie vleis oor. Gebruik die vars koljanderblare en gevlokte amandels met swartpeper as garnering.