By continuing, you are agreeing to our Terms and conditions as well as our Use of Cookies.

Sitrus-gegeurde Varkfilet

Sitrus-gegeurde Varkfilet

Oond / Stoof Temperatuur: Hoë hitte
Aantal Porsies: 4-6  mense

Bestanddele:
Ongeveer 2 kg Varkfilet
Sout en Peper
1 E Dijon mosterd
1 E Korrel mosterd 
1 E sojasous
1 groot lemoen se skil en sap
60 ml olyfolie
2 E heuning 
Meng die bestanddele saam en gebruik as ‘n marinade vir die varkfilet. 

Bokmelkkaas vir vulsel 

2 pakkies repiespek
Baba-wortels
Aspersies 
Botter
Sout en peper

Baba aartappels
Olyfolie\sout en peper
Mikroblare as garnering

Metode:
Mens al die marinade-bestanddele saam en smeer oor die varkfilet. Laat staan vir ongeveer 30 min. Seël die varkfilet in ‘n warm pan en plaas dit terug in jou glasbak waarin die marinade is. Sny kepe in die varkfilet en plaas teelepels vol bokmelkkaas in die gleuwe. Rooster die filet in die oond tot gaar en goudbruin. Laat rus voor jy dit in medalje porsies sny om op te dien. 

Gebruik ‘n muffinpan en ro lrepies spek in die rondte om ‘n bakkie te vorm. Plaas die foelie in die middel om te verhoed dat die spek sy bakkie se vorm verloor. Bak in die oond tot goudbruin en gaar. 

Blansjeer die wortels en braai die wortels en aspersies in ‘n pan met botter sout en peper. Plaas die groente binne in jou spekbakkie op die bord. Sny die baba aartappels in die helfte en bak in die oond tot gaar met olyfolie, sout en peper.

Dien jou bord op volgens jou keuse.
Copyright © Ontbytsake 2021 - All rights reserved.  |  Privacy Policy  |  Terms & Conditions
 site