By continuing, you are agreeing to our Terms and conditions as well as our Use of Cookies.

Landbounuus: 28 Mei 2021

Landbounuus: 28 Mei 2021

Vandag in die nuus: 
  • Mobiele landbouverwerkingsinisiatief in Bredasdorp van stapel gestuur; 
  • makadamiaproduksie toon goeie styging; 
  • opkomende rosyntjieboere kry hupstoot; 
  • en 2022 se Nampo-oesdag oortref alle verwagtinge. 
Die Wes-Kaapse minister van landbou, doktor Ivan Meyer, het onlangs 'n mobiele landbouverwerkingsinisiatief in Bredasdorp van stapel gestuur. Die inisiatief sal amptenare in staat stel om die landbouverwerkingskapasiteit in die Wes-Kaap te ontwikkel deur werkswinkels vir belangstellende groepe regoor die provinsie aan te bied. 

Die jongste data van die Suid-Afrikaanse makadamiakwekersvereniging dui daarop dat 2022 se produksie met byna vyftien persent gaan styg. Die nuutste voorspelling vir 2022 is 61 288 ton neute, wat 3 565 ton hoër is as die eerste kwartaal se voorspelling.

Die Kgodiso Ontwikkelingsfonds het onlangs twee nuwe beleggings van altesaam 28 miljoen rand aangekondig. Hierdie beleggings is daarop gemik om opkomende boere in die rosyntjiebedryf te ondersteun. Die eerste projek behels 'n belegging van twaalf miljoen rand. Die tweede projek is daarop gemik om drie opkomende boere met lenings te finansier om hul rosyntjieproduksie uit te brei. 

En vanjaar se Nampo-oesdag het alle verwagtinge oortref met 'n stewige bywoning van 73 000 mense. Byna 150 van vanjaar se 800 uitstallers was nuut. Deur die loop van die week het nie minder nie as 335 vliegtuie en 70 helikopters op die aanloopbaan geland. Aanstaande jaar se Nampo-oesdag sal van 16 tot 19 Mei plaasvind.
Copyright © Ontbytsake 2022 - All rights reserved.  |  Privacy Policy  |  Terms & Conditions