By continuing, you are agreeing to our Terms and conditions as well as our Use of Cookies.

Weervoorspelling

4 Desember 2021

Weervoorspelling

SATERDAG
Sterk instroming van tropiese lug uit die noorde bring donderweer oor die grootste deel van die land. ‘n Laagdruk in die bolug wat direk wes van die land lê sal donderweer ook oor die suidweste bring. Namibië sal mooiweer bly terwyl die Suidkus en Limpopo droog bly. Groter  donderselle sal oor die Drakensberge asook weste van Noordwes ontwikkel.  

SONDAG
Die binnelandtog skuif verder oos terwyl die laagdruk in die bolug flouer word. Donderweer sal verder oos skuif terwyl dit terselfdertyd uit die weste opklaar. Groter donderselle sal steeds tussen Gauteng en die Drakensberge opstaan. Die verre noorde bly warm en droog... Musina nou met temperature na aan 40°C.

MAANDAG
Donderweer ontwikkel oor die hele land oos van die Mahikeng tot Oos-Londen lyn. Dit sal ligter as die vorige dag ontwikkel terwyl dit steeds klam op die Suid en Ooskus bly. Die hele westelike deel van die land kan op hierdie stadium mooiweer verwag.

DINSDAG
Donderweer bly nou tot die noordoostelike binneland en KZN beperk terwyl die hele westelike deel van die land mooiweer bly. Temperature in die Keetmanshoop tot Upington area neem toe tot tussen 35 en 40°C.

WOENSDAG
Die binnelandtrog herontwikkel oor die westelike binneland en bring weer ‘n breë strook donderweer oos van die trog-as. Donderweer sal egter geïsoleerd en ver uitmekaar ontwikkel.  Dit bly egter mooiweer aan die westekant van die binnelandtrog behalwe dat donderweer in die noorde van Namibië begin saampak. Die Atlantiese Hoogdruk bring op hierdie stadium klammer weer op die Suidkus.

DONDERDAG
Die weer bly min of meer soos die vorige dag behalwe dat daar nou groter donderselle oor Mpumalanga en die noordelike deel van KZN ontwikkel. Neerslag in die suide sal egter uit die weste begin opklaar.
Copyright © Ontbytsake 2021 - All rights reserved.  |  Privacy Policy  |  Terms & Conditions
 site