By continuing, you are agreeing to our Terms and conditions as well as our Use of Cookies.

Weervoorspelling

28 Mei 2022

Weervoorspelling

SATERDAG
Aanvanklik landwye mooiweer maar 'n kouefront sal teen die middag oor die Kaap inbeweeg met koue en reën. Die front sal oornag dieper die binneland inbeweeg om later tot die Sutherland - Mosselbaai lyn te vorder. 
 
SONDAG
Aanvanklik nog reën oor die suidelike deel van die land wat gedurende die oggend uit die weste begin opklaar. Na dit sal die Atlantiese Hoogdruk agter die front rug met reën wat kuslangs tot die Ooskus omskuif.  Dit bly egter mooiweer oor die sentraal en noordelike deel van die land, Namibië ingesluit. Koud in die oggend maar warmer gedurende die dag. 

MAANDAG
'n Volgende kouefront skraap oor die Suidkus met ligte reën op die kusgebied van Kaap-Punt tot Port Elizabeth maar dit sal nie baie reën nie. Dit bly mooiweer oor die res van die land. Steeds koud in die oggend maar warmer gedurende die dag.  
  
DINSDAG
Die Atlantiese  hoogdruk druk nou vanuit die suidweste oor die land in met mooiweer. Daar mag dalk aanvanklik klammer weer op die Port Elizabeth kuslyn wees maar dit sal redelik gou opklaar. Buiten warmer weer in Namibië en die Limpopo bly dit landwye relatief koel maar koud in oggend, veral in die Oos-Vrystaat. 

WOENSDAG
Met 'n hoogdruk wat halflyf oor land lê kan ons landwye mooiweer verwag. Dit bly landwyd koud in die oggend maar met matige temperature gedurende die middag.  

DONDERDAG
Mooiweer oor die oostelike deel van die land terwyl dit bewolk tot gedeeltelik bewolk oor die westelike deel van die land word. Temperature bly landwyd koel tot matig en nie so erg koud in die oggend nie.
Copyright © Ontbytsake 2022 - All rights reserved.  |  Privacy Policy  |  Terms & Conditions