'n Lys van funksies, geleenthede, reunies en feeste wat julle kan bywoon.
'n Lys van funksies, geleenthede, reunies en feeste wat julle kan bywoon.
Maak seker jy sluit, Wat, Waar, Wanneer en Wie om te kontak, in op jou epos.
LET WEL: R 7500 indien jy dit op ontbytSAKE wil uitsaai.
Die ontbytSAKE
Auteur: Carla van der Spuy
Waar oos & wes ontmoet vertel die storie van Dina Tseng. Sy treur 14 jaar lank oor haar verlore kollegeliefde en ondergaan skrikwekkende skokterapie. Later ontmoet sy vir Tommy, ‘n Taiwannees, wat gedurende die Apartheidsjare met bykans niks Suid-Afrika toe kom nie. Hul verhouding is aan die ontvangkant van rassehaat en vooroordeel. Sy maak Tommy se drie Taiwannese seuns groot en saam bou hulle ‘n imposante sakeryk op. Die NG Kerk weier om hulle te trou omdat hy ‘n Boeddhistiese agtergrond het, maar doop tog hulle twee kinders, Iewan en Iemei, as Tommy belowe om die kinders as Christene groot te maak. Die gesin voer ‘n sprokiesbestaan en reis gereeld oorsee, maar ook word nie teenspoed gespaar nie. Hul ondernemings word deur vloede, ‘n brand en ‘n tsoenami verwoes, maar telkens verrys hulle weer uit die stof en 33 jaar later is Tommy en Dina se huwelik sterker as ooit. Intussen stry Dina ‘n moedige stryd teen melanoom-, bors- en ongeneeslike rugmurgkanker. Sy bly egter positief, geniet die lewe voluit en vier elke kosbare oomblik. Dis ‘n verhaal van geloof, hoop en onsterfl ike liefde.
Auteur: Pieter van Jaarsveld
Het jy al ooit gewonder waarom die meeste mense dwarsdeur die wêreld se grootste begeerte is om gelukkig te wees? Gelukkige mense leef langer, is gesonder, het beter verhoudings, is beter sosiaal aangepas, is meer suksesvol in hulle beroep en is meer innoverend en kreatief. Die wonderlike is dat geluk nie daar buite is nie, maar binne-in jou! Geluk is ʼn ingesteldheid: Verander jou ingesteldheid en jou lewe verander!
In hierdie boek kyk ons na geskiedkundige gebeurtenisse waar ons by elkeen lewensverrykende lesse en vaardighede gaan leer op ons eie pad en reis van geluk. God het ons krag gegee waarmee ons bykans enige uitdaging in ons lewe kan oorwin: en dit sit in ons kop! Met Dink jouself gelukkig wys die wêreldbekende spreker Pieter van Jaarsveld jou hoe jy jou lewe kan omkeer. Daar is praktiese, eenvoudige oefeninge wat gedoen kan word om jou gelukkiger te maak. Jy kán floreer – hierdie praktiese gids plaas ’n lewe van geluk binne elkeen se bereik.
Auteur: Riaan Grobler
Anna-Mart is ’n noodeenheid-spesialis en ken die lang gange van Hospitaal Weltevreden goed. Sy is nie bang vir harde werk nie. Dis immers ál hoe sy uit die armoede van haar en haar twee broers se enkelma-huishouding kon ontsnap en haar droom om ’n dokter te word, kon verwesenlik. Maar sy en haar ma, Beatrice, is bekommerd want haar broers is met verkeerde vriende deurmekaar. Hulle het maande terug van die twee gehoor. En boonop skaam Anna-Mart haar vir haar eenvoudige ma wat deesdae by haar woon. Uit die bloute arriveer ’n pasiënt by die ongevalle eenheid vanuit haar verlede. Jacques Fourie laat weer eens haar hart klop soos hy destyds op skool gedoen het, al het sy hom nooit vertel hoe sy voel nie ... Louise Tredoux is Anna-Mart se boesemvriendin en ’n onkoloog wat in wetenskap en niks anders glo nie – totdat Petro met haar groot juk en nog groter geloof by haar spreekkamer instap en in Louise se swart-op-wit logika kom rondkrap. Maar Louise staan sterk op haar beginsels totdat sy eendag onverwags inmekaarsak en alles in haar lewe omver gewerp word. En dan is daar Rentia le Roux, die geskeide sielkundige met twee kinders en die interessante pasiënt, Shawn, wat van een verhouding na ’n ander rond fladder. Is dit van hom wat sy skielik romantiese geskenke kry, of kom dit van die aantreklike Dr Marloux Pienaar? Die kardioloog staan self op skei en vang al die verpleegsters se oë, en ná wat in sy kantoor gebeur het, ook Rentia s’n. Maar is daar enigsins ’n toekoms vir haar met ’n man soos Marloux? Veral nadat sy een oggend met ’n verblindende hoofpyn in ’n vreemde plek wakker word ...
Auteur: Pieter Henning
Mamba is ‘n spanningsverhaal wat afspeel op ’n afgeleë plaas in Limpopo se Waterberg-distrik.
Adriaan Botha is angstig oor misdaad in Suid-Afrika en moedeloos oor sy loopbaan as argitek. Hy besluit om die land te verlaat, maar stel sy plan uit om eers ʼn belangrike projek te voltooi. Terwyl hy daarmee besig is, erf hy uit die bloute ’n plaas by sy oupa wat hy nooit geken het nie. Hy sukkel nog om dié nuus te verwerk, toe ’n insident met die kliënt se vrou hom dwing om die stad inderhaas te verlaat. Vergesel deur sy geliefde hond gaan skuil hy op die plaas.
Onderwyl Adriaan wag vir die stof om te gaan lê, wik en weeg hy om die plaas te verkoop - hy is immers oppad landuit! Maar spoedig raak hy al vaster verstrik deur ’n sameloop van gebeure. Alles begin toe hy ‘n reuse-swartmamba in die veld raakloop, want wat daarna gebeur, is ‘n tuimeltreinrit vol interessante karakters en onverwagse gebeure.
As hy maar net vroeër rigting gekry het! Hoe de hel gaan hy lewend hier uitkom?
Auteur: Ernst M Conradie
In Maar Verlos Ons van die Bose! ondersoek Ernst Conradie die inhoud en betekenis van die Christelike boodskap van verlossing. Hy plaas dit binne die raamwerk van die langtermynimpak van imperialisme, slawerny en kolonialisme, die komplekse uitdagings van onreg, ongelykheid en geweld in die hede, en ’n toekoms wat deur klimaatsverandering bedreig word. Daar is immers genoeg voorbeelde van boosheid, sonde en ellende — die moeras waarin die wêreld vasgevang is. Kan die boodskap van verlossing daarin nog ’n verskil maak? Dit hang af van hoe ons verlossing verstaan.
Conradie maak ruimskoots gebruik van gesange, veral Kersgesange wat ons so spontaan saamsing, om hieroor te besin. Hy onderskei drie benaderings tot verlossing: bevryding, versoening en sosiale transformasie. Vervolgens bied hy ’n voorstel oor watter verskil die koms van Jesus as Christus in die wêreldgeskiedenis gemaak het — en hoekom die werk van die Heilige Gees onontbeerlik is om daarop voort te bou. Hy glo dat die grootse projek wat God met die skepping begin het, en wat in Israel en deur die kerk te midde van talle terugslae voortgesit is, nog nie voltooi is nie. Daarom bly ons hoop steeds gegrond op hierdie verlossing.
Hierdie boek is ’n onontbeerlike gids vir almal wat saam soek na antwoorde op die dringende vrae van ons tyd.
Auteur: Margaret Gardiner
BEDORWE SKOONHEID: JOEY SUPERSTER is ’n kragtige verhaal, wat diep delf in die onvertelde uitdagings waarmee vroue gekonfronteer word en sal lesers nie net boei nie, maar ook stof tot nadenke gee. Dis meer as net fiksie, dis ’n verhaal wat lig werp op kwessies wat dikwels in die skaduwees bly. Met haar unieke perspektief en besonderse vertelvermoë spreek Gardiner hierdie temas aan op ’n manier wat beide boeiend en indrukwekkend is.
“Hierdie is ’n storie wat vertel moes word en ek is opgewonde om dit met my Suid-Afrikaanse aanhangers te deel – in ’n land wat ek baie liefhet,” deel sy. “Dit gaan oor hoe ons die uitdagings oorkom wat ons vorm en hoe ons innerlike krag vind te midde van ons diepste struwelinge.”
Auteur: Linda van Heerden
Vrug dra deur die Gees VIR GOD - die 366 vrug dra-oordenkings begin in Januarie met God en die vrug dra-opdrag. In Februarie tot Oktober word elk van die nege eienskappe van die vrug van die Gees oordink. Laastens word die saligsprekinge in Matteus 5:3-11 en die “Volg My!”-opdrag in Matteus 9:9, onderskeidelik in November en Desember aan die nege eienskappe verbind. Die Bybeldagboek bevat ook 28 bladsye met visuele versterkings-prente in kleur gekoppel aan sekere dae se oordenkings. Elke dag se oordenking word met ‘n gebed afgesluit.
Vrug van die Gees neem die leser op ‘n reis deur die eienskappe van die negevoudige vrug van die Gees, wat eintlik ‘n praktiese beskrywing van ‘n Christen se nuwe, veranderde lewe is. Die vermoë en opdrag om vrug te dra word aan die hand van die analogie van die wingerdstok verduidelik. Die betekenis van elke eienskap word ondersoek en elke hoofstuk sluit af met ‘n klompie kopkrap-nadenke wat individueel of in groepe oordink en bespreek kan word.
Auteur: Anné Pretorius
Die lewe is kort, en tyd glip dikwels verby voordat ons besef hoeveel ons het om nog te deel of wat ons sou wou onthou van ons geliefdes.
Met hierdie in gedagte, het die inspirerende boekesamesteller, Anné Pretorius, besluit om ‘n spesiale projek aan te pak deur ’n joernaal te skep wat moeders kan gebruik om hul lewensreis vir hulle kinders op papier vas te vang – ’n kosbare geskenk wat nie net die rouproses ’n bietjie makliker maak nie, maar ook verseker dat hul herinnering, wysheid en liefde voortleef lank nadat hulle weg is.
MEMOIRES VAN JOU MOEDER (ook beskikbaar in Engels as Memoirs from your Mother) is ’n kunstig ontwerpte boek wat dien as ’n gids vir moeders om hul lewensverhale te dokumenteer, en só ’n kosbare herinnering vir hul geliefdes te skep.
Auteur: Wilna Roux
Julia is die kamerprokureur in Izak Marais se regspraktyk op Worcester. Sy het nooit gedink sy sal terugkom na haar geboortedorp
nie, maar hier is sy. Wanneer oom Sakkie die oggend voor ’n groot hofsaak ineenstort, moet Julia dringend sake beredder. En dit ten spyte van die feit dat sy gesweer het sy sit haar voete nooit weer in ’n landdroshof nie. Hul kliënt, Lizanne Malan, aangekla van moord op haar eggenoot, is
briesend dat die saak nou deur 'n junior vennoot behartig moet word. En om dinge nog meer te kompliseer is Julia heimlik daarvan
oortuig dat Lizanne wel skuldig is. Dié pakkende hofdrama speel af in die Boland.
Auteur: Jaco Wolmarans
1991. Israel in die kruisvuur van nuwe langafstand-missiele uit Lebanon. Mossad moet dringend ’n antwoord vind. En ’n geskikte rekruut vir ’n uiters sensitiewe operasie: die diefstal van broodnodige radartegnologie by die Suid-Afrikaanse Lugmag, as teenvoeter vir Siriese missiele. Die kandidaat: Ruth Heyns, doktorsgraadstudent in Tel Aviv. Maar sy trek die aandag van Teenspioenasie se ervare Gunther Eckhardt en die toenemende agterdog van die Lugmag-liaison, kolonel Leon Rutger.
Auteur: Jaco Wolmarans
’n Groep jong Suid-Afrikaanse Jode, die teiken van ’n terreuraanval in Kairo, is die vlam in ’n kruitvat vir grootskaalse oorlog in die Midde-Ooste, aangevuur deur Hamas se glibberige brigadeleier Hassan Al- Masri uit die tonnels van Gasa. In die middel daarvan, die joernalis Ruby Heyns, in besit van verdoemende inligting wat die skaal in dié konflik kan swaai. Staatsekuriteit se Reuben Kruger probeer die geheime ontrafel terwyl die SSA sy net stywer span om ’n groep ekstremiste se geheime Palestynse befondsing. Die skadu-verlede van Ruby se ma, Ruth, ’n voormalige Mossadspioen, en haar eertydse hanteerder, Saul Grossman, gooi ’n sluier oor die gebeure. Wanneer Ruby Heyns oornag verdwyn, moet Reuben Kruger al sy tegniese kennis inspan om haar spoor op te tel. Voordat sekelmaan kom.
Auteur: Marieta Carrick
Wanneer Suster Libby Lucas by Noordeberg Hospitaal begin werk, hoop sy dat dit vir haar ’n nuwe begin sal wees. En dat sy al haar geheime in die verlede sal kan los. Maar dan word ’n verpleegster vermoor – haar lyk in ’n oënskynlike uitbeelding van skoonheid gerangskik. Skielik voel dit weer asof die onheil Libby agtervolg waar ook al sy gaan. En asof sy besig is om haar verstand te verloor. Loop die moordenaar in die hospitaal rond? En wie stuur dreigende briewe aan Libby oor haar verlede?
Auteur: Johannes de Villiers
’n Jong man, pas afgestudeer, begin sy loopbaan by ’n kleinerige apteek in Bloemfontein. Maar hy is gou ontnugter met sy lot – is hierdie sinlose bestaan al wat vir hom voorlê vir die volgende sestig jaar? Wanneer hy toevallig afkom op die geskrifte van die vyftiendeeeuse mistikus Thomas à Kempis, begin hy droom oor ’n asketiese lewe as monnik, iewers verafgeleë en afgesonder – weg van geldmaak en ambisie. Op die vooraand van sy reis na ’n klooster in die Franse Alpe, ontdek die jong apteker hy het ’n verlangse oom wat self ’n Katolieke priester geword het, en nou as afgetredene woon in die hartjie van Parys. So begin ’n kosbare vriendskap tussen ’n bejaarde pater in Parys en ’n ietwat verlore siel uit die Vrystaat. Dit is ’n teer roman oor die soeke na identiteit, na vrede en betekenis, maar bowenal oor ’n pelgrimstog na aanvaarding van die self.
Auteur: P.P. Fourie
Rachel April se lyk word gevind met ’n steekwond in haar hart. Lesea du Plessis, wat saam met Rachel ’n meestersstudent en lid van ’n diversiteitsprogram by die Universiteit van die Vrystaat was, stel ondersoek in. Sy gaan nie toelaat dat die polisie hierdie saak beduiwel soos die een ná haar ouers se moord nie. Lesea het Rachel se dogtertjie belowe sy sal uitvind wat met haar ma gebeur het. Dit blyk dat Rachel tydens ’n internskap by die Anglo- Boereoorlogmuseum iets ontdek het. Maar wat kan dit wees? En hoekom sou ’n kunsstudent in elk geval in die Anglo-Boereoorlog belangstel? Het haar ontdekking tot haar dood gelei? Terwyl sy die vrae rondom die dood van Rachel April probeer beantwoord, word Lesea se familiegeheime losgetorring en moet sy haar hele identiteit herbeskou. Maar gou is haar eie oorlewing en dié van haar aanneemboetie, Louwtjie, al waaraan sy kan dink. Iemand wil keer dat hulle die waarheid oor Rachel se moord ontbloot. En nou verkeer hulle self in doodse gevaar.
Auteur: François Loots
Dis 1820 in die Kaapkolonie. Sophia Truter is getroud met regter Johannes Truter. Maar dis Engelse tye en hy word nou as Sir John aangespreek.
Sophia het ’n afkeer van die Kaap se vertoonsug, en ná die dood van haar jongste seun besluit sy om weer te gaan boer. Dié keer begin sy klein, op ’n lap grond overberg anderkant die Kleinrivier – sonder slawe en voormans. Kort ná haar aankoms daag Mandel op, ’n vryloper wat doer ver by Kicherer se sendingstasie Sakrivier gedoop is. En by jong vroue soos Sterretjie wat naby Gansgat tent opgeslaan het, kry Sophia malgasvere en ghwano vir haar groenteakkers. Algaande vind Sophia haar voete, en ’n boervrou van oorkant die Akkedisberg kom ook inloer. Maar dan word iemand op die bokpad anderkant die berg vermoor. En Jan Tesselaar, die nuwe veldkornet, moet die skuldige opspoor. Twyfelbos is ’n meesleurende geskiedkundige roman wat afspeel in die Overberge in die vroeë agtienhonderds. Puik nagevors en geskryf deur ’n fyn stilis.
Auteur: Jaco Strydom
Moenie dat die volwassenes jou onderskat nie: Jy hoef nie te wag tot jy eendag "groot" genoeg is in die wêreld se oë nie. Daar is voordele aan jonkwees en tyd is kosbaar. Te veel jongmense glo die leuen dat jy eers klaar moet wees met skool en verkieslik ’n graad moet hê voor jy aan die belangrike gesprekke kan deelneem en ’n verskil kan maak. Neem nou deel aan Jesus se rewolusie van hoop. Dis nou die tyd om al die groot vrae te vra, belangrike geloofsgewoontes aan te leer, die misterie van God se teenwoordigheid op nuwe plekke raak te sien en jou eie roeping te ontdek. Jesus het nie vir kinders gesê word groot nie, Hy het vir grootmense gesê word klein. Dwarsdeur die geskiedenis was dit dikwels juis jongmense wat die verskil gemaak het. Nou is dit jou beurt. Eendag is te ver.
Auteur: Mike Bolhuis
Valskermbataljon-verhale is stories van moed, deursettingsvermoë, gevaar, humor, vasbyt en verlies wat die leser by tye laat regop sit, glimlag en ook diep laat nadink. Eerlike, rou en op-die-man-af-stories geskryf deur manne van dié elite-eenheid oor oomblikke wat hulle nooit sal vergeet nie. Valskermbataljon-verhale laat hul ervarings lewe soos net hulle dit onthou en geskryf het.
Hierdie is ‘n boek nie net vir en oor soldate nie, maar vir elkeen wat nog ooit gewonder het oor die manne in maroen, hul valskerms en die eenheid.
Auteur: Leon van Nierop
Moord aan boord van die Leonardo. Forensiese patoloog Madelein Blignaut het al te veel dood in haar loopbaan gesien. Ná nog 'n ontstellende hofsaak besluit sy om ontvlugting te gaan soek op die Leonardo, 'n luukse passasierskip wat deur die verre ooste vaar. Daar ontmoet sy 'n groep fassinerende Suid-Afrikaners: Die bekroonde pianis Tibor Lindeque wat kort-kort bekommerd vir haar kyk en 'n aantreklike kulkunstenaar Helmut Coleman wat gou vir haar onweerstaanbaar raak.
Auteur: PJ Claasen
The back-to-back Rugby World Cup–winning Springbok team has captured the imagination of South Africans in a way that has never been achieved before. This team serves as a fascinating case study of what is possible when an organisation focuses on being not just smart, but also healthy. By incorporating and modelling specific principles that aim to enhance the experience of players, staff and coaches, the team has managed to become more than the sum of its parts. This book unpacks these principles in a way that equips anyone responsible for leading a group, team or organisation with the tools to replicate what the Boks have managed to achieve in their own context. By drawing on personal and media interviews with those who helped shape their environment, including Jacques Nienaber and Steven Kitshoff, the book provides practical examples that will enable the reader with the know-how to do it themselves. The Bok Way is for anyone who wants to build a great team of their own and needs some stepping stones on the way. The principles highlighted are taken from the best-practice knowledge of organisational health and employee experience and is packaged in such a way to make it relevant, practical and entertaining.
Auteur: Jeanette Stals
Fransien Theron, ’n jong Kaapse kunstenaar, se lewe stort in duie wanneer haar man besluit om twee jaar ná hul babaseun se dood van haar te skei. Sy vlug na ’n afgesonderde kothuis in die Baviaanskloof, waar sy beplan om ’n einde aan alles te maak. Maar eers wil sy met volmaan bo-op die berg kom en vir oulaas gelukkiger tye in herinnering roep. Ook op die berg is die luiperdwyfie Twee Kolle wie se een poot onlangs vergruis is toe sy en haar opgeskote welpie uit ’n slagyster probeer loskom het. Ná dese skuil sy teen die kranse van Rooikloof waar sy alles in haar vermoë doen om te oorleef. Die oggend van volmaan begin Fransien haar tog na die bergkloof se kruin. Terwyl sy stap, raak sy en die beseerde luiperd intens bewus van mekaar. Onder die waaksame blik van die maan gebeur iets wat Fransien se lewe onherroeplik verander.
Auteur: Lizette Rabe
From the prehistoric ‘Eve of the West Coast’ and the Blombos mothers to modern icons such as Thuli Madonsela, Caster Semenya, and Tyla, Lizette Rabe profiles 101 women whose courage, intellect, creativity and leadership have shaped our nation. Alongside well-known figures like Krotoa, Miriam Makeba, Olive Schreiner and Ruth First, readers meet remarkable but often overlooked women such as Zwarte Maria, Mantatisi, Nongqawuse, Elsie Vaalbooi and Gladys Mgudlandlu. Spanning politics, literature, sport, activism and art, these concise portraits offer an inspiring overview of our past and our ongoing struggle for gender equality. This is herstory reclaimed – Malibongwe Makosikazi, let the women be praised!
Auteur: Peter Venison & Melinda Ferguson
My Life Beyond Sol Kerzner by Peter Venison & Melinda Ferguson comes hot on the heels of Venison’s award-winning bestseller SOL My Friend & Adversary. This is the untold story of a man who lived in the orbit of a giant. For decades, Peter Venison worked alongside Sol Kerzner, the hotel-world titan whose vision reshaped skylines and redefined luxury. Together they shaped iconic destinations Sun City, The Lost City, Atlantis, The Royal Mirage. This memoir is a backstage pass to the world’s most audacious resorts. It is a story of ambition and obsession, loyalty and betrayal. Venison takes readers from bombed-out Beirut to palaces in Dubai; from boardroom battles in London basements to collaborations with Giorgio Armani. Bold, witty, and candid, ESCAPING THE SUN is the tale of a man reclaiming his own light.
Auteur: Phakamisa Ndzamela
BBBEE has not always had a positive image in the media. This is partly due to a few individuals who became mega-rich overnight, while the majority of black people, who were supposed to benefit, remained poor. This is an inspiring story that shifts that narrative with its evidence of small beginnings, resilience and a social conscience in business. Brimstone Investment Corporation was founded in 1995 by Mustaq Brey, Fred Robertson and Rashid Seria who did not want to leave their community behind. Through strategic partnerships with industry giants like Oceana and the support of leaders like Nelson Mandela, Brimstone conceptualised a model of black economic empowerment that created jobs, developed skills and opened doors for the historically disadvantaged to become investors at scale. Named after a resilient butterfly, Brimstone became the country’s longest-listed black-controlled company on the JSE, proving that economic transformation was not just possible but profitable.
Auteur: Allen Grootboom
In die vroeë 1970’s klim die een-en-twintigjarige Jakob Koetaan op ’n bus na Kaapstad. Teen hierdie tyd weet hy dat elke ingang en uitgang van elke plek in die Baai beman word in ’n soektog na hom. Dit is nie die eerste keer dat hy hom met die Boere misgis nie. Hy was maar ses jaar oud toe die wetstoepasser sy mense soos beeste bymekaar geroep het met ’n brief van die regering wat gesê het: Ons vat nou Towerwater, julle familieplaas. Jakob het geweet ’n mens moenie met die regering slaags raak nie. Kyk net wat het met sy pa gebeur.
Sy ma het hom altyd vermaan om geweld te vermy, sy medemens lief te hê en om nooit sy drome prys te gee nie. Maar sý drome was van ’n môre ... en van ’n plaas – wat afgevat is. Toe die land begin brand, moes Jakob homself afvra: Is hy bereid om te baklei vir sy grond? Is dit nie net ’n vlam wat skielik hoog en helder brand en dan weer geblus gaan word nie? Sal hy kan vashou aan die ideaal van vryheid?
Auteur: Joe Studwell
A radical reassessment of one of the most pervading myths of our time: that the African continent is uniquely ill-suited to economic development. The birth of new nations, independent democracies, the defeat of settler colonialism, the unprecedented growth of cities from Lagos to Cairo; the African continent is booming. So why do myths about underdevelopment, unproductive land and unfounded concerns about overpopulation remain? In a groundbreaking new study of Africa's developmental history, economist Joe Studwell debunks long-held views about the continent's presumed resistance to growth, charting monumental changes in government, demography and asset management.
Auteur: Marieta Carrick
Met haar aankoms by Noordeberg Hospitaal is Lola Anley aangenaam verras om aangewys te word as een van die top- mediese studente wat blyplek in die gesogte Straumann-huis kry. Maar haar opgewondenheid is van korte duur wanneer sy uitvind dat sy in die kamer gaan bly van ’n student wat ’n jaar gelede op die kampus vermoor is. Die raaisel rondom Asher Parker se dood is nooit opgelos nie en die moordenaar is nog op vrye voet. In die Straumann-huis begin vreemde en onverklaarbare dinge gebeur. Is dit iemand wat Lola die skrik op die lyf wil jaag, of iets meer sinister? Kan sy haar huismaats vertrou? En dan keer die ontstellende drome oor haar tweelingsuster terug ... om al die spoke ter ruste te lê móét Lola die geheim van Asher se moord ontrafel – voordat iemand die waarheid oor haar eie verlede ontdek.
Auteur: Vickie de Beer & Dr. Stephen Schmidt
"What if the secret to more energy, a stronger immune system and effortless weight loss was healing your gut? This book is the complete solution you’ve been looking for – part medical guide, part recipe book – built entirely on scientific research and designed for real life. Includes 7-day meal plan and fermented food recipes. The manual your body wishes it had."
stel voor
Bly op hoogte van ons doen en late
© 2026
