Bedien: 6-8 mense

500 g garnale, skoon gemaak, geskil en sterte verwyder
1 x vars suurlemoen
Sout en peper na smaak
Gekapte Pietersielie
Botter 

Kraakvars slaaiblare
1 avokado, in repies gensy
1 pakkie rosa tamaties, in helftes gesny
4 - 5 gekookte eiers
1 rooi ui, in repies gesny
pers en groen olywe
groenboontjies 
baba aartappels
gekapte pietersielie

METODE:

Braai die garnale in ’n pan met ’n bietjie botter, sout, peper en ‘n paar druppels suurlemoensap.
Braai die boontjies ook in ‘n pan met botter, sout en peper. (Dit moet steeds krakerig wees.)
Sny die baba-aartappels in die helfte, kook sag en bedek met sout, peper en olyfolie en laat rooster dit in die oond tot goudbruin. 
Laat die aartappels en boontjies afkoel tot kamertemperatuur. 
Intussen kan jy solank die ander bestanddele vir die slaaibord sny.
Pak die bord met elke bestanddeel apart bymekaar. (Daar is nie ‘n regte of verkeerde manier nie.)
Bedien die slaai met ‘n slaaisous van jou keuse. (Ek het die sitrus slaaisous van Woolies gebruik.)

Nota: Jy kan enige van die bogenoemde bestanddele vervang met jou eie voorkeure.