Bedien: 4-6 mense

1 kg ontbeende hoenderdye
3 E sojasous
3 E heuning
80 – 100 ml 100% vars lemoensap
4 E lemmetjiesap
2-3 E olyfolie
2 t vars knoffel
Handjievol gekapte pietersielie
Sout en swart peper na smaak

Slaai:
Vars lemoene, geskil en in skywe gesny
Vars pomelo, geskil en in skywe gesny
Vars naartjies, geskil en in skywe gesny
Vars avokado, geskil en in skywe gesny
Handvol geroosterde makadamia-neute, in helftes gesny
Vars koljanderblare
Sprietuie, fyn gekap
Swartpeper

Koljanderblare vir garnering. 

METODE: 
Geur die hoenderdye met sout en peper, na smaak. 

Maak die marinade deur die sojasous, heuning, lemoensap, lemmetjiesap, olie en knoffel saam in 'n groot bak. Voeg die hoender by en roer om goed te bedek. Laat verkoel en marineer vir ten minste 30 minute.

Voorverhit die roosterpan tot mediumwarm en meer met olie. Braai die hoender tot goudbruin en gaar aan albei kante. 

Giet intussen die oorblywende marinade in 'n klein kastrol. Bring tot kookpunt oor medium hitte. Verlaag die hitte en laat prut tot dit verminder tot ongeveer ‘n 3/4 koppie. Dit behoort so 5 tot 7 minute te neem. 

Terwyl die hoender braai, skil en sny die lemoen, naartjies en pomelo, asook die avokado in skywe. 

Bedien die hoender met 'n paar lepels sous en pak dit op die sitrusslaai skywe, avokado-snye en makadamia-neute. Garneer met koljanderblare, indien verkies.