Genoeg vir 6 mense:

800 g tot 1 kg goeie kwaliteit hoenderdye
2 - 4 selderystokkies
2 uie, fyn gekap
2 - 4 knoffelhuisies, fyn gekap
300 g klein Portobello-sampioene
300 ml witwyn 
200 ml aftreksel
1 t mosterd
½ t heel mosterdkorrels
4 E Crème Fraîche of room
60 g gerasperde parmesaankaas
Vars tiemie
Sout & peper
1 -2 t mielieblom

METODE
Braai die hoender 5 min aan elke kant in ’n bietjie olyfolie.
Gebruik dieselfde pan om die seldery en uie vir 7 minute te braai tot sag.
Voeg die knoffel by. 
Voeg die sampioene by.
Voeg die witwyn, aftreksel en tiemie by en plaas die hoender terug in die pan en bak in die oond vir 45 minute teen 180 Celcius.
Wanneer jy gereed is om te bedien, voeg mosterd en Crème Fraîche/room en parmesaan, asook die mielieblom by om die sous te verdik.
Plaas terug in die oond vir nog 8 tot 10 minute om te verbruin en verdik.
Kook die aartappels tot sag, voeg die knoffel, roomkaas en botter by en meng goed.
Blansjeer die wortels en bootjies, sprinkel met olyfolie en sout en rooster in die oond vir ‘n goudbruin kleur. 
Opdiening en Garnering: 
Skep die bord heerlike kos en garneer met vars Pietersielie, Tiemie of fyngekapte kruisement.