Porsies: 4-6

Gemarineerde beenlose hoenderdye op stokkies of hoenderkebabs
(Maak gaar in oond of op die oop vuur)

Vir die Slaai:
2 rooi of groen appels, in dun skyfies gesny
Knippie suurlemoensap (om te keer dat die appel bruin word)
4-6 snye spek, gaargemaak en fyn gekap
6 k gemengde slaaiblare 
½ rooi ui, fyn gekap
1/3 k gedroogde bosbessies
2 E pampoenpitte
½ k feta of bokkaas, gekrummel (garnering, opsioneel)

Vir die Gekarameliseerde okkerneute (of Pekanneute)
1 E ongesoute botter
¼ k suiker
1 k ongesoute okkerneuthelftes of pekanneute
Knippie sout
Knippie rooipeper, opsioneel

Vir die Slaaisous/Vinaigrette:

2 E appelasyn
¼ k olyfolie
1 E Dijon-mosterd
1 E appelbotter (of appelsous), opsioneel
1-2 t esdoringstroop of heuning
½ t sout
¼ t swartpeper
½ t gedroogde knoffel of 1 gekapte vars knoffelhuisie
¼ t gedroogde tiemie of salie

METODE:
Maak Vinnige gekarameliseerder Okkerneute:
Voer 'n groot bakplaat met bakpapier uit. Voeg die botter en suiker in 'n mediumgrootte kleefvrye pan en verhit oor mediumhitte tot die botter gesmelt is. Roer af en toe met 'n houtlepel. Voeg die okkerneute, sout en rooipeper by, indien gebruik. Roer goed om die okkerneute te bedek. Gaan voort om te kook en roer gereeld oor medium hitte vir 3 tot 5 minute, of tot die suiker heeltemal gesmelt is. Verwyder die pan onmiddellik van die hitte om te verhoed dat die suiker brand.
Versprei die gesuikerde okkerneute in 'n enkele laag op die voorbereide pan en maak seker dat hulle nie in klonte is nie.
Laat afkoel vir 10 minute of tot die meute verhard.

Berei Appels voor:
Bedruip met suurlemoensap en meng.

Maak Slaaisous:
Plaas die slaaisousbestanddele in 'n klein bakkie of in 'n glasbotteltjie en skud of klits goed.
Pas na smaak aan - meer olie om dit romeriger te maak, esdoringstroop vir soet, appelasyn vir surigheid.

Stel slaai saam:
Plaas slaaiblare in 'n groot bak saam met die helfte van die appelskyfies en al die uie. Bedruip met die helfte van die slaaisous en meng dan. Sprinkel die bosbessies, spek, pampoenpitte, verlangde hoeveelheid okkerneute, oorblywende appelskyfies en feta oor. Bedruip met die oorblywende slaaisous. Bedien dadelik.