3 E botter, teen kamertemperatuur
¾ k strooisuiker
3 groot eiers, geskei
1/3 k vars suurlemoensap (ongeveer 2 medium suurlemoene)
1 E fyn gerasperde suurlemoenskil
¼ k gewone meel
½ t bakpoeier
1/8 t sout
1 k + 1 E volroommelk

Versiersuiker vir versiering (opsioneel)
Gedroogde suurlemoenskil vir garnering (opsioneel)
Handvol bloubessies

METODE:
Plaas oondrak in die middel van die oond en voorverhit oond tot 160-170 grade. 

Smeer 1½ liter oondbak of klein bakkies. 
Klits die meel, bakpoeier en sout saam. 
Verhit water vir die poeding se bain-marie (warmwaterbad).
Verroom die botter in die bak met 'n stokmenger of elektriese handklitser . Voeg die suiker geleidelik by en die eiergele een vir een en klits goed na elke byvoeging. Klits laastens die suurlemoensap en suurlemoenskil by.
Voeg die meel om die beurt met die melk by, begin en eindig met meel (3 byvoegings meel en twee van die melk).
Skraap die kante van die bak soos nodig.
Klits die eierwitte in 'n aparte, skoon bak teen hoë spoed tot sagte punte vorm.
Gebruik 'n rubber- of silikoonspaan en vou ongeveer die helfte van die eierwitte by die suurlemoenmengsel in en vou dan die oorblywende eierwitte in. Moenie mengsel oormeng of roer nie; gebruik die voutegniek. 
Plaas mengsel oor na voorbereide oondbak.
Gooi die beslag in 'n hoë-kant bakpan wat ten minste 'n duimspasie rondom die beslag toelaat. 
Plaas die bakpan op die oondrak en gooi warm water versigtig in die pan rondom die bak tot ongeveer halfpad gevul. 
Bak vir ongeveer 40 minute, of tot die bokant van die poeding goudbruin is en die bokant van 'n ligte aanraking terugspring. 
Haal die poedingbak versigtig uit die waterbad en sit oor na draadrak om af te koel tot louwarm of kamertemperatuur voor opdiening. 
Poeding kan ook verkoel bedien word.

Versier poeding met versiersuiker en/of suurlemoenskil en bloubessies, indien verkies.