Genoeg vir 6-8 mense

Mini Spikkeleier-fudge
1 blik kondensmelk
500 g wit sjokolade
200 g ‘Speckled Eggs Sweets’
 
METODE:
Gooi die blik kondensmelk en die wit sjokolade in ’n mikrogolf-glasbak. 
Plaas in die mikrogolf vir 4 minute met 1 minuut intervalle wat jy dit elke keer deurroer. 
Sodra dit alles saam gesmelt is, roer die gekapte spikkeleiers in die mengsel in.
Los ‘n paar stukke van die spikkeleiers vir bo-op as versiering. 
Gooi die mengsel in ‘n bak of oondbak (ongeveer 16 x 16 cm groot) 
Voer die bak uit met bakpapier voor jy die mengsel ingooi.
Gooi die laaste spikkeleiers oor en plaas in die yskas vir ‘n minimum van 2 ure om te stol. 
Sny in blokkies. 

Rice Krispies ringe of blokke 
3 E botter
4 k droé Rice Krispies
2 x 150 g klein pakkie wit marshmallows (limited edition spicy flavour)
1 pakkie ‘Speckled Eggs Sweets’

METODE:
Gebruik ‘n groot pot en smelt die botter, voeg die malvalekkers in die pot, laat smelt oor lae hitte tot glad.
Haal van die hitte af.
Voeg die Rice Krispies ook in die pot en meng deur.
Voeg die gekapte spikkeleiers ook in die mengsel en los ’n paar bo-op as versiering. 
Gooi uit in ‘n pan met bakpapier uitgevoer. Laat afkoel en sny in blokke. 
Jy kan dit ook in ’n donut-ring pan plaas om ander vorms te maak, onthou net om die pannetjie te spuit met “Spray en cook”

Vanielje Kolwyntjies
Gebruik ‘n ‘Premix’ Vanielje-bokskoek met die versiersuiker ingesluit. Volg die resep en metode op die boks en maak die kolwyntjies en versiersuiker presies so.

1 Bakkie spookasem (jy koop dit by Spar of Checksers)
Spikkeleiers  vir versiering 

Soetkoekie met Spikkeleiers
Gebruik ‘n ‘Premix’ soetkoekie boks. (Ek verkies NOMU wat by Checkers te kry is.)

100 g ‘Speckled Eggs’

Volg die boks se resep en metode om die koekiedeeg aan te maak, voeg net die gekapte spikke eiers by die mengsel. Rol die balletjies en plaas op ‘n bakplaat met bakpapier. 
Bak die koekies in die oond vir ongeveer 8-10 min op 170 grade.
Haal uit en laat dit afkoel. 

Pak jou paasboksie na jou voorkeur.