smulSake

Ons sjef, Corli Prinsloo, wys ons hoe om maklike geregte te maak met ’n lekker kinkel van haar eie om die dis net daardie ekstra lekkerte te gee om jou gesin en gaste mee te bederf. Kry die resepte hier.

Terug
Kerrie Frikkadelle

1 maand gelede

Kerrie Frikkadelle

Kook/Bak Tyd: 15 Minute

Voorbereiding Tyd: 30 Minute

Bestanddele

1 kg bees-maalvleis
1 ui, fyn gekap
1 t gemmer
1 t vars knoffel
Sout en peper
1-2 E tamatiepasta
1 E Kerrie poeier
1 E masala spesery
1 t borrie
Halwe suurlemoen se sap 
1 blikkie klapperroom
Olyfolie
Botter

1 k Basmatierys
2-3 E fyn geroosterde klapper

koljanderblare vir garnering
Growwe klapper-snysels
Poppadoms 
 
METODE:
Geur die maalvleis met sout en peper.
Voeg broodkrummels by om maalvleis te bind.
Rol in ewegroot balletjies. 
Braai die frikkadelle in olyfolie in ’n braaipan tot goudbruin en gaar. 
Haal uit en plaas eenkant tot later.
Braai die uie in die botter en voeg al die speserye by sodat die geure ontwikkel. 
Voeg die tamatiepasta en klapperroom en suurlemoensap by.
Plaas die frikkadelle terug in die pan en laat dit so ‘n ekstra paar minute prut sodat die geure heerlik intrek. 

Kook jou Basmatirys tot gaar.
Voeg die fyn klapper by die rys en meng deur.
Garneer met koljanderblare, growwe klapper, gewone dubbelroom-joghurt en Poppadoms. 

onsGEMEENSKAP

Bly op hoogte van ons doen en late