smulSake

Ons sjef, Corli Prinsloo, wys ons hoe om maklike geregte te maak met ’n lekker kinkel van haar eie om die dis net daardie ekstra lekkerte te gee om jou gesin en gaste mee te bederf. Kry die resepte hier.

Terug
Aartappel Quiche met 'Pork Belly Rashers'

2 weke gelede

Aartappel Quiche met 'Pork Belly Rashers'

Kook/Bak Tyd: 45 minute

Voorbereiding Tyd: 30 Minute

Bestanddele

1 kg medium aartappels, saggekook
300 g suurroom
1 bakkie mascarpone 
1 rooi ui
1 pakkie spek, fyn gekap
100 g Mozzarella-kaas
100 g Cheddar-kaas
Vars sprietuie, fyn gekap
Sout en peper na smaak
Ina paarman Potato Spice

METODE:

Kook die aartappels tot lekker sag. 
Gebruik ‘n tertbak en spuit met nie kleefwerende sproei. 
Gooi die aartappels in die bak en gebruik ‘n lee pot om die aartappels plat en teen kante te druk. 
Meng die roomkaas en mascarpone en vul die onderkant met die vulsel. 
Braai die spek en rooi-uie in ‘n pan tot goudbruin en gaar.
Gooi die afgekoelde spekmengsel op die roomkaasvulsel.
Strooi die kase oor die spek en laastens die gekapte sprietuie.
Sprinkel olyfolie aan die kante van die aartapel.
Bak in die oond op 180 grade vir ongeveer 20-30 minute tot goudbruin.
As dit uit die oond kom, laat effens afkoel vir 15 minute sodat die vulsel effe stol. 
Sny in pizza/koek snye en bedien.

Pork Belly Rashers

12 repies ‘Pork Belly Rashers’ (Varklies-repies)
1 bier
Sout en peper, na smaak
Pork seasoning spesery
1 klein botteltjie oestersous (250 ml)
1 t vars knoffel
1 t vars gemmer
2 E meelblom
6-8 stokkies sprietuie, fyn gekap
Olyfolie

METODE:

Gooi die ‘rashers’ in die bier saam met al die speserye, sout en peper asook die vars knoffel, gemmer en sprietuie.

Die oestersous word oor die vleis gesmeer. 

Sprinkel die meelblom oor en smeer die vleis lekker in dat alles meng. 

Plaas dit in die yskas vir 15 minute sodat dit kan marineer.

Braai die ‘rashers’ tot goudbruin en gaar in ‘n pan met olyfolie. 

onsGEMEENSKAP

Bly op hoogte van ons doen en late