2 kg lam- of skaapvleis, in stukke gesny (ontbeen) 
Olyfolie vir braai 
Sout en peper na smaak
2-3 bruin uie, in repies gekap
1 pakkie 200 g spek, in repies gesny
4 klein stokkies seldery
1 t vars knoffel
1 t vars gemmer
2-3 t "lamb rub spice" (Woolworths)
2 t droë Italiaanse Spesery
1-2 E tamatiepasta
60 ml koekmeel of Bisto
3 k bees- of hoenderaftreksel
1 k rooiwyn
1 pakkie wortels, in growwe stukke gekap
6 baba-murgpampoentjies, grof gekap (opsioneel)
Ongeveer 5 - 6 aartappels, in dun skywe gesny

Botter kruiemengsel: 
120 g gesmelte botter
1/2 t vars knoffel
30 ml Bronkors of Tiemie
Skil van een suurlemoen
Sout na smaak
Gebruik ’n stokmenger, om die bottermengsel tot glad te meng.  

METODE: 
Verbruin die skaapvleis en skep eenkant. 
In dieselfde pot/pan, braai die uie, spek, knoffel, gemmer en seldery.
Voeg die vleis terug in die pot en die speserye, sout en peper, tamatiepasta, meel, aftreksel en rooiwyn. 
Plaas die pot met deksel of foelie in die oond op 180 grade vir 30 minute.
Haal uit die oond en voeg die wortels en baba-murgpampoentjies in die pot, meng deur. 
Druk so effe plat sodat die vleis en groente eweredig is. 
Pak die aartappelskywe plat en so effe bo-op mekaar, oor die vleis. 
Smeer met bottermengsel. 
Plaas terug in die oond vir 45 minute op 160 grade. 
Haal uit die oond, smeer weer 'n lagie bottermengsel op die aartappels en laat rooster tot goudbruin en krakerig vir 15 minute op 180 - 200 grade. 
Nota: Die oondtyd en temperatuur is net ’n voorstel. Hou jou vleis dop om te sien wanneer dit gaar en gereed is vir die volgende stappe.