Bedien:  6 - 8 mense

1 kg Maalvleis
2 E worcestersous 
Sout en peper na smaak
4/6 medium aartappels, geskil en in blokkies gesny (hoeveelheid opsioneel) 
2 E olyf-olie
2 t Komynsaad
1 t Koljandersaad
1 t Mosterdsaad
1 t borriepoeir
8 -10 vars kerrieblare
1 ui, fyn gekap
3 knoffelhuisies, fyn gedruk
1 x 2 cm stuk vars gemmer, geskil en fyn gerasper
1 x 2 cm stuk vars borrie, geskil en fyn gerasper
2 groen brandrissies, fyn gekap
1 k bevrore mielies
125 ml groente-aftreksel
Sout en varsgemaalde peper
15 g vars koljander, grof gekap

Vir die Tarka:

3 E botter
2 t Komynsaad
1 t Koljandersaad
1 t Mosterdsaad
10 vars kerrieblare
2 knoffelhuisies, fyn gedruk
1 t vars gemmer, geskil en fyn gerasper
1 t vars borrie, geskil en fyn gerasper
1 t vars groen rissies
Sout en varsgemaalde peper
250 g Filodeeg, ontdooi

METODE:

Voorverhit oond tot 180°C.

Braai die vleis in die pan met ‘n bietjie olyfolie en geur met sout, peper en Worcestersous.
Voeg aartappels in 'n groot pot en bedek met koue water, geur met sout, laat kook tot sag en dreineer.
Verhit olie in 'n groot pan, voeg die speserye saam met die kerrieblare by en kook tot dit begin ‘sizzle’. 
Voeg die uie by en braai tot deurskynend.

Voeg die knoffel, gemmer, borrie en brandrissie by en laat kook vir 'n verdere minuut. 
Roer die mielies by en kook vir nog 2 minute.
Voeg die gaar aartappels saam met die aftreksel by en druk die aartappels fyn tot 'n bonkige tekstuur. 
Voeg die gaar maalvleis terug in die pan en meng als goed deur. 
Geur die mengsel na smaak en vou die gekapte koljander in. 
Plaas in 'n oondvaste bak.

Om die Tarka te maak, smelt botter in 'n kastrol en voeg die speserye saam met die kerrieblare by en laat prut vir 1 minuut. 
Voeg die knoffel, gemmer en borrie by en soteer tot geurig. 
Verwyder van hitte en geur na smaak.

Lê een vel filodeeg op 'n skoon, plat oppervlak uit. 
Verf dit liggies met Tarka. 
Plaas nog ’n vel bo-op en herhaal die proses totdat jy al jou velle gebruik het. 
Druk die velle op en lê bo-op aartappels.

Bak vir 20 tot 25 minute totdat die deeg goudbruin en bros is.